Ka Sorkar ka la dei ban pynpra naphang ia ka them motor wat la ki dang pyrshah ruh

Hashwa ba ka sorkar Kan shim ia ka Rai ba khatduh ka la Shem ia shibun ki jingeh hadien ba ki kharmetor lyngba ka Harijan Panchayat Committee ka lah ai Da ka ejahar pyrshah ia ka Sorkar halor ka nongrim ba ki la kamtrai ia katei ka jaka la Da ki spah snem ba ki la sah ha katei ka jaka ha them iewmawlong kaba hap ha u pud u sam Jong ka Hima Mylliem bad ka mynta ha ka jingpeit ka Municipal Board ka Sorkar jylla.

Ka ejahar pyrshah ia ka Sorkar ha ki snem ba la dep ha khmat ka ingbishar badonburom kaba don ha ka jylla kumjuh ha nongbah Delhi. Hynrei namar ba Ki dei kiba  Kam trai jubor ia katei ka jaka na ka Liang ka Sorkar ka lah Jop bad tad haduh kine ki sngi ba ka la pynbna syndon ba kitei ki Khar metor ba sah ha katei ka jaka ba ki hap mih Noh shisyndon.

Katkum ki khubor ha kine ki sngi ngi iohi ba ki kharmetor ki dang pyneh hi Da kaba pynksan ba ki la longtrai ia katei ka jaka naduh 1853 bad la aiti ia ka syrnod Da u Syiem ka Hima Mylliem bad ki lah pynpaw ba ka Lang transfer act Ruh lah kha dang ha u snem 1957.

Hynrei ka Sorkar pat Kam dei shuh ban sngap iano iano ka lah dei ban rat naphang namar kane ka dei ka phang kaba khraw bha kaba ka Sorkar ka la Leh na ka bynta ka jaidbynriew bad kaba ka jaidbynriew Ruh ka la angnud lah slem ba katei ka jaka Kan dei ka jaka iaid kylluid mynsiem ki paradoh para snam bad Jin Da ka la Jop tikna kamut ka mat kaba ka jaidbynriew ka khmih lynti Kan long ka jingjop bad ka jingkyrmen SA ia kiwei pat ki mat kiba ka jaidbynriew ka donkam nangne shakhmat.

Dei namar kata lada ka Sorkar kumba la khlei ki jutang Da u stmbud Myntri Rangbah ka jylla uba dei Ruh u khlieh duh ka HLC uba iakhun ia ka khia ka shon pyrshah ia ki nongwan bushai shnong kiba na shilliang duriaw ba thmu syndon ba Kam trai ia ka jaka ka puta kaba don ha u pud u sam ka jaidbynriew ba im bad ba shlur ka jongngi ba ka sorkar Kan shimkhia na ka bynta ka bha ka miat Jong ki Nong shong shnong ka jaidbynriew jongngi.