Ki Syiem jongngi myn hyndai Ruh ki khlaiñ bha ka BAMSAP

Don shibun bha ki Hima khraw Nam ka Ri Khasi jongngi mynshwa bad mynta Ruh kiba don la u paid u raoit uba peit bniah ia la ka Hima Sima ka jaka ka puta ha la ka Jong ka pud u sum ka khyndew ka shyiap na ki nongwei khamtam na ki riew shilliang duriaw.

Hapoh ka ri Khasi jongngi pat balei ngi don tang uwei u Syiem u Patsha ka jaidbynriew khamtam ia ka Hima lajong uba long uba sah ka Nam bad im ka kyrteng haduh kane ka khyllipmat wat la u dei uba naduh ka spah snem ba khatkhyndai uba lah Kha ha u 1802 bad khlad ha Byndi Jong ki nongwei shisngi ha u snem 1835. Bad dei tang ma u, u rangialeh Kum u Syiem na ka Hima Khatsawphra bad kumjuh dei tang ka Hima Khatsawphra hapoh ka khana ka Ri Khasi ba la pyndonburom ruh ia u na ka jingshlur ban iakhun pyrshah ia ki nongwei shisngi kata pyrshah ia ki phareng.

Lada don shisha kita ki Syiem ba shlur mynshwa kiba wan shakhmat ban iatreilang bad kiwei ki Hima nga tharai shibun ki thma bad ki jyrwit jyrwat ka Ri Khasi jongngi Kan jop Beit. Hynrei namar ba don shibun kiwei pat ki Syiem ki Patsha kiba Bamsap bad ban pynlong ia ki ban pyrkhat Noh tang ialade shimet wat la u paid u raoit lajong Ruh u shah teh mraw ha ki nongwei shisngi hapoh ka ri lajong.

Bad dei hangne kn ka pateng ka jingtroin ka jaidbynriew Naba bun bha ki Syiem ki Bamsap palat Da kaba die ia ki jaka ka Hima ban shah ia ki nongwei shisngi ban kylliang snieh Masi snieh kulai ban kylliang ban ioh ka ksiar ka Rupa bad shibun bha kiba ngop Noh ha ka tyngka bad ka ksiar ka ksah ka mar ka mata Da kaba bynda bad die ia ki bynta bapher bapher khamtam ki khappud Bangladesh ha ki por mynshwa bad ki Duna bha ka iohi jngai kumba paw ha u Syiem ba pawnam ka Hima Khatsawphra.

Dei hangne keiñ ba ka Ichamati bad Majai la iohlad Da ki dkhar shisngi Naba u Syiem Sohra mynshwa u ai pathar ia ki syrnod jingithuh bad jinglongtrai jaka tangba la biang ka pisa na ki bar jylla bad ka wanrah jingeh pat hadien. Shuh shuh ka jingleh thurmur ha ki Kam khappud Jong ka Hima Khyriem kaba don jaka shaduh khappud Assam kaba ka Hima Kam ju tuklar ia ka Kam khappud haba ka jingmynsaw bad jingiakajia khappud ka Jia na ka por Sha ka por.

 ka Hima Mylliem balei u Syiem ym lah ban tuklar ia ka Iew ka Hima Lynda u dei uba Bamsap Da kaba ai lad ia ki trai dukan ban aiwai Sha ki bar jylla kumjuh ban shah beaiñ ia ki Khar shisngi ban buhai hapoh ka Iew Jong u Khun u raiot ka Hima bad ka jaidbynriew baroh kawei ym u khyllah na shilliang duriaw.

Sngewsih Ruh ba dang khyndiat por na ka Hima Nongspung ba la mih pyrsa Kurim Da u khyllah jaid ha ka Ing ka sem Jong u Syiem bad ka long kaba jemdaw haduh katta katta ba ka rympei ka long kaba laidlan bad sngewsih bha ba dang don ki jingiakhih haba ki ba don ia ka Bor tynrai ki Klun lut ia ki bseiñ hapoh ka jaidbynriew.

Dei namar kata ka sngewbha dei ban pynduh Noh ia ki Hima ban pyn kylla Noh Sha ka Elaka baroh namar haban iada ia ka jaidbynriew u Syiem ym ju lah bad haba don ka iakajia jaidbynriew bad ka jingeh Jong ka jaidbynriew u Syiem ym don uwei Ruh u ban kner ia ka mynsiem shynrang Sha ka jaidbynriew Kum u Syiem pynban mutlop khlem Leh eiei. Kumjuh haba don ka jingia kajia hapoh ka Hima, ki raid muluk ki shnong bad ki nongrit u Syiem ym ju lah Leh eiei lait na ka bam klop shilliang khmat.