Jer kyrteng thymmai ka Seng KSU ia ka Ichamati sha ka kyrteng Khasi ban ehrngiew ka jaidbynriew.

Katkum na ka tyllong khubor Jong ka Khasi Students Union ha ka 25 tarik November 2021 ka la wanrah ia ka jingpynbna kaba lah ban pynsngewtynnad ia kiba bun ki dkhot ka jaidbynriew kiba dei na ka snam u Khasi khara hadien ba ka la pynbna ban ithuh noh ia ka shnong Ichamati da ka kyrteng Khasi.

Katei ka Shnong kaba hap hapoh ka Hima Sohra Syiemship kum kata ka shnong kaba don hapoh u pud u Sam ka jaidbynriew pynban ka la Shah jer kyrteng da ka Ichamati kaba dei ka kyrteng ki nongwei shisngi ne kita ki mraw kaba la pynheh mynsiem ia ki ha kaba iadei bad katei ka jaka sah beaiñ jong ki.

Mynnin ka sngi na ka liang ka KSU ka la pyrta jam bad pynbna syndon ba lano lano ruh yn nym ithuh shuh ia katei ka jaka kum ka Ichamati hynrei ka seng bad ka jaidbynriew baroh kawei Kan tip noh kum ka PYNTHA UMDAN kaba dei ka kyrteng ki longshwa kiba la soit la shor na ka bynta ban ehrngiew ka jaidbynriew jogngi hala u pud u Sam lajong.

Ia katei ka jing tip kyrteng kum ka PYNTHA UMDAN ka long kaba sngewtynnad haduh katta katta ia ka jaidbynriew baroh kawei namar hala ri lajong sngew bit hi da ka ktien lajong ym ka Jong kiwei kiba shisngi.

Kum ban pynkynmaw ka jingjia ha ki snem bala dep ba u dkhot ka KSU u la Shah pyniap ha katei ka jaka bad ngam tharai ka snam Jong ka seng bad ka jaidbynriew Kan pjah noh hynrei ka jingjer kyrteng thymmai ha ka ktien lajong ka lah ban dei ka jingsdang Jong ka kput ia kito ki mynderi ba leh heh hapoh u pud u Sam ka jaidbynriew.