Kadei ka Sorkar kaba bit kaba lah ban Weng ia ki Khar metor na them Iew mawlong

U bah P. Tynsong chairman ka HLC/ ki Khar metor katba ki dang ia mih paidbah ban pyrshah ia ka Rai sorkar

Da ki phew phew snem ka jingangnud na ki paidbah bad ki Sengbhalang bapher bapher bad khamtam ia ki katto katne ngut ki nongmihkhmat Jong ka jylla kiba Da thrang ba la kumno kumno ba dei ban Weng shisyndon ia ki Khar metor ba sah ha them Iew mawlong naduh ki por mynshwa kiba ju sah bad kiba ju Leh heh bha khamtam ia ki nongiaid nongieng kiba dei ki Khasi.

Dei tad ha kane ka Sorkar MDA ba la ialam Da ka party NPP ka lah Jop soit Da kaba lah ban Weng Noh shisyndon ia ki Khar metor ba sah beaiñ ha katei ka jaka kaba hap ha poh u pud u sam ka Hima Mylliem kaba ka la ai wai Sha ka Shillong Municipal Board.

Haba ianujor bad ka Sorkar Congress mynshwa Kam ju patiaw ia kane ka mat kaba ka jaidbynriew ka la umsnam ha la ka ri lajong bad ynda peit mynta pat shibun ki jingkynthoh ki wan wat haba kane ka Sorkar ba mynta Ruh ka la lah ban Leh ia ka Kam kaba la pynbun jrut ia ki riew ieid ri Jong ka jaidbynriew.

Shuh shuh kane ka Sorkar ba mynta ba la ialam Da ka NPP khlem Da klet ka lah Ruh ban shna ia ka Dorbar kyrpang tang ia ka ILP kaba ka jaidbynriew ka lah angnud lah Da ki phew snem, haoid Kam pat longdoh longsnam hynrei ban ia nujor bad ka Sorkar Congress pat bun tang ka Jing pynduh mynsiem pynban bad Kam ju don ka jingthmu kumba Leh kane ka Sorkar MDA ba mynta.

Ym tang katta katto snem ba ka Congress ka don ha ka Bor Kam ju patiaw ia u pud u sam bad Ym ju don ka Jing ialeit jngoh Sha ki khappud wat la don ka Jing ia umsnam pynban dei ha kane ka Sorkar ka ba mynta kaba la thung syndon Da ka committee kaba kyrpang ia u pud u sam ka bym pat ju don mynno mynno ha ka por ka Congress.

Kaba Kham seisoh ia mynta hi ka dang dei ka Them iew mawlong ba la trei shitom da ka committee  ka Sorkar MDA ka High Level Commitee ba la ialam Da u bah Preston's Tynsong Kum u chairman bad ha ka jingtreishitom ka Jong u kiei kiei ki lah urlong bad ki long kiba jop na ka bynta ka jaidbynriew.