Shu thok ka sorkar ba la dep kynriah ia 40 tylli ki longing na them metor

Katkum ki khubor ha ki ar taiew mynshwa ba la mih ka la pynheh mynsiem bha ia ka jaidbynriew baroh kawei namar ka sorkar jylla ka la phla ba ka la dep pynkynriah ia 40 ing kiba sah ha them metor sha ka jaka sah quarter sorkar ia kiba dei ki nongtrei sorkar.

Kane ka jing pynbna na ka sorkar ka la pynheh mynsiem ia ka jaidbynriew baroh kawei namar kane ka jaka katba ka dang dei ka jaka sah ki khar metor ka dang long mawjynthut ia ka jaidbynriew khamtam ia ki trai muluk kiba ju iaid ju ieng na katei ka jaka.

Phewse haba ngi ju iaid lynti na katei ka jaka ngi shem ba ki jaka sah ki long kumjuh ki dukan beaiñ ki long kumjuh bad  ka jingbun briew ka long kumjuh bad nym iohi ia kita ki ing thylli ne ki ing jah kumba ka sorkar ka la batai ba ka la dep Weng haduh 40 ing kam don satia kum kata ka jinduna kita ki 40 ing.

Shuh shuh ha kine ki sngi na ka liang ka Panchayat committee Jong kitei ki khar poi-ei ki la pynpaw bad pan ka kyrteng  ia kita ki briew kiba ka sorkar kala dep ban Weng lane kita ki kyrteng ki 40 tylli ki ing kiba ka sorkar ka la Weng na them metor.

Kaba mut ka jingpan kyrteng katei ka Panchayat ka long halor ka nongrim ba ka Sorkar ka Shu thok ban pynsmiej ia ki khar poi-ei ha them metor kumjuh ban pynbeij ia ki trai ri trai muluk bad ia ka jaidbynriew baroh kawei kiba ju dawa na ka por sha ka por ia ka sorkar ba Kan Weng mardor ia kitei ki dkhar na katei ka jaka.