Na ka jingleh heh, Sdang kordit ki khar poi-ei ba hap shim NOC na Hima Sohra

Kawei na ka jingjia Shah thombor ha ki mynderi ba hap hapoh u pud u Sam ka Hima Sohra

Kumba long mynshwa naduh ka kam khaii pateng ka Hima ne ki raid Kim ju lah ban ai NOC ia ki company lane ki dkhar poi ei bad ki briew kiba dei ki non tribal ban treikam treijam laitnoh na ka District council bad na ka District administration tang lyngba I recommendation na ka Hima bad na ki Local Dorbar.

Katkum ka khubor ba la mih ha ka sngi ba ar ka 28 tarik u Nohprah u snem 2021 ha u  khubor U Nongsaiñ Hima ba ka Hima Sohra ka wan shakhmat ha ki lad pathai khubor ban pynpaw ia ka jingpynkupbor ka Shillong High Court ia ka Hima Sohra ba ki mynder ri kiba trei ha ka shnong Majai bad ki shnong ba hap hapoh ka Hima kin hap ban shim NOC na ka Hima.

Ha katei ka khubor ngi iohsngew ba mynta ka shong sa ha ka jingstad Jong ki nongialam ka Hima khamtam u syiem ba haduh katno ka jaidbynriew Khasi ka la mad ia ka jingeh pyrshah ia ki mynderi hala ka khyndew ka shyiap lajong.

Shuh shuh ba katkum katei ka khubor sngewthuh shai hi ba baroh shi katta ki mynderi ki la sdang ban ñion biang napoh napoh da kaba kynnoh kumne kumtai ia ki nongialam hima bad ki nongialam shnong da kaba kynnoh ba ym ioh NOC na ka shnong.

Katkum ka jingphla ki nongialam ka Hima Sohra ngi lah ban sngewthuh ba ha ki snem ba la leit ba ka don ka jingleh stad bad ka bamsap ba shyrkhei ka jong u Sordar na katei ka Hima bad haduh ba ka Hima ka hap ban jied da u Acting shipor na ka bynta ka kam Sordar.

Ha ka jingkren ka Jong ki nongialam Hima Sohra sngew shngaiñ khyndiat ha kaba ma ki ki la pynpaw ba hap ban ialeh pyrshah ia ki mynder ri ym da ka wait hynrei da ka jigstad kaba mut ka Hima Sohra hi baroh kawei ka hap ban nym ai NOC shuh lane bad pyndik pynsat ia ki mynderi haduh ba kin da phet hi na ka jaka treikam ka jong ki kum ka shnong Majai kaba dei ka shnong kaba paw bha na ka jingdon ki par maw bad kiba iaid iew bha bad ba die ruh sha ri Banladesh.

Lada ka Hima kumba ka la khlei ha katei ka sngi ka long naduh tynrai ka nia ka jutang Kan long pynban ka jingkyrkhu ia ka jaidbynriew bad ka nuksa ia kiwei pat ki hima Khasi kiba dang bat dang ksoh ia ka riti synshar ban da ban ker na ki nongwei shisngi namar kat nang mih ki sngi ngi Shem naduh ka khyndew ka shyiap ka jaka ka pata la kam trai bad la Shu klun jubor da ki nongwei shisngi. Bad dei namar ka ta ka daw lem da ka Hima ki raid Kim da shimkhia nangne shakhmat kamut wat nym iakren jaidbynriew shuh ngin iakren beit da ka waitlam kaban sa rah da ki samla riewshlur ka jaidbynriew pyrshah ia ki riew bymman kiba long kruiñ ia ka jaidbynriew jongngi.