Ba kwah pisa na company shna surok sdang byrtia i kong Agnes ia ka jingshna surok

ki khubor ha kine ki khyndiat sngi ba la dep lah iohi ba ka jingtwa khyndew ha ki ba bun ki jaka khamtam sha ki jaka kiba don ki jingtrei namar ka jing sdang wan jong u slap bad lah shem ruh ba kawei na ki longkmie ba trei kam seng bhalang jong ka CSWO ka la tuklar bad ka la byrngem ruh ban ai da ka FIR pyrshah ia ki nongshna surok namar ka jingtwa bad ka jingia siat maw ha rud surok kaba wanrah jingsyier ia u paidbah.

Kane ka longkmie kaba dei ka President ka seng CSWO ka la tuklar bad kynnoh ruh ba ka ka jingsiat maw bad pyntwa ia ki par shyiap bad maw bad ha ka jingshisha ki par shyiap kim don satia ha kane ka thain hynrei na ka daw ba ka kwah myntoi shimet ka la kloi ban tuklar wat haba kiwei ki nongiaid nongieng na katei ka jaka kim don kano kano ka jingujor pyrshah ia ka jingtwa bad jingshna surok.

Ka surok 2-lane ba la shna da ka company NHIDCL  na ka bynta ka surok Shillong-Tamabil ka dei ka surok kaba ki paidbah ki angnud bha khamtam ban pyndep kloi noh ia ka. ia ka jingsiat maw bad twa ka dei hi shibynta na ka bynta ka jingshna ia kitei ki surok bad ban ong ba ka wanrah jing syier ia ki paidbah kam don kum kata.

Shuh shuh wat na ka liang ki sengbhalang ba don ha kane ka thain ruh kim ju da tuklar ia ka jingtrei kane ka company ia ka surok namar ka dei ka jingkyrkhu ia ka thain haba wan kum kane ka surok hynrei khyndiat ki shu tuklar tang ha kaba iadei bad ki nongbylla ba da leilei ki nongbylla kin dei ban biang ki labour license bad ruh ka company ka dei ban kynthup lang ia ki khasi ha katei ka kam lyngba ka kam ka jam.

Sngewsih hangne ba na ka liang ki paidbah bad ki seng na kine ki thain kim don eiei ban ong laitnoh tang ka jingangnud ban pyndep kloi bad ban ioh bynta lang ha ka ioh kam ioh jam, pynban ka briew kaba na jngai ka tuklar pynban ia ka kam jong katei ka thain bad ruh ngim dei ban klet ba lada ka sngewkhia ka la dei ban tohkit lane sngewkhia ia ka thain kaba kongsan ka long ban tuklar shwa ia ki nongbylla bar jylla bad hadien ia ka ioh kam ki samla khasi ha kane ka thain.

Ka jinghmih khubor ba ujor pyrshah ia ka rukom trei bad ia ka rukom wan rah ia ka roi ka par lehse ngi lah ban ong ba kadei ka mawjynthut ne ka dei ka diengpynkiang na ka bynta ka roi ka par khamtam ia ki paidbah ka thain Riwar. dei namar kata kadaw na ka liang jong nga sngew ban pynpaw ba katei ka jingleh jong ka Agnes ka dei tang na ka bynta ka jingmyntoi shimet jong ka ym ia katei ka thain.