Dei tang ka NPP kaba dang kren ia ka mat ka jaidbynriew

Naduh ba ioh ia ka jylla lajong ha u snem 1972 ba la synshar da ka seng All Party Leaders Hill Conference(APLHC)  ter ter da ka congress terter kumjuh ka UDP ka la ioh lem ha ka bor synshar. hynrei tdot ban ia kren bad ia mir lypa ia ka jyrwit jyrwat ka ban sa shem bad poi ha kane ka khyllipmat kam don satia.

Ha u snem ba ka seng congress ka synshar ha ka bor ha ka por ba jur bha ka jingiakhih ILP hynrei la kyntait ba la shu kut ha ki jingiakhih shuh shuh ki mat ka jaidbynriew khamtam u pud u sam ruh ki sorkar bapher bapher wat naduh mar ia ioh jylla lajong ruh kiba bun hi ki lapmiet ha ka bor bad ha ka shuki.

Ngim dei ruh ban klet ba ka UDP ruh ka la ioh lem ha ka bor synshar ha u snem 1999-2001 bad 2008-2009 hynrei smgewsih ba ym don eiei ka sur ban sawa na ka bynta ka jaidbynriew ynnai ia kren ia ki wei ki seng bar ri hynrei ka seng trai ri trai lum shwa kaei ka la leh.

Sngewtynnad bad sngewshngain ba ha ka synshar paidbah katba u paidbah u nang sngewthuh u nang shai ka wanrah ruh ia ka jingbha ka miat khamtam ka shongsuk shongshnain ki trai ri trai muluk namar wat baroh ki kam ka jaidbynriew ym pat lah ban pyndep hynrei ha kane ka sorkar ba la ialam da  seng NPP ka la wanrah bad ia kren ia ki mat kiba shyrkhei kiba ka jaidbynriew ka la angnud la slem bad kiba ju kyntait da kiwei ki seng naduh ba ioh jylla haduh mynta dei tang kane ka sorkar kaba kren shai kdar ymtang ha ki jaka put turoi hynrei ha ka Ing Dorbar Thawain badonburom ka jylla Meghalaya ka jong ngi haduh ka la jan poi ruh sha ka jingjop ka jaidbynriew.

Ki mat kiba kongsan bad kiba ka sorkar ba la ialam da ka seng NPP ka la leh mynta katkum ka jingangnud ka jaidbynriew kadei halor u Pud u Sam, ka Themmetor, bad ka ILP kiba kiwei ki seng kiba don ha ka sorkar mynshwa ki kyntait bad ki bym lah satia ban wanrah ia kine katkum ka jing donkam ka jaidbynriew jongngi.

Kaba kham sngewtynnad shuh shuh ka long ba kitei ki mat ki long kiba na ka liang ka sorkar ha kaba iadei bad u Pud u Sam ka sah tang 20 percent ban pyndep ia ka jingpynbeit pud, ka Themmetor ruh ka sah satng 10 percent ban pyndep bad ban weng ia ki nong sah beain ha katei ka jaka bad ia ka ILP ym tang ha ka jingiakren hynrei la kba mar shiteng ka kam ka la iaid.

Dei namar kata ki paidbah ki dei ban sngewthuh bha haba jied ia ki nongmihkhmat khamtam ia ka party kaba don shisha ia ki nongialam radbah kum u Conrad Sangma bad u bah Prestone kiba dei shisha ki nongialam kiba bit bat kiba lah shisha na ka bynta ka jaidbynriew.

Ym tang kata ka jingtreikam kane ka party bad ka sorkar hi baroh kawei ka long kaba Shai kdar namar wat haing dorbar thawain ka jylla ruh ka la lah ban pynliem ia ki No Confidence Motion bapher bapher kiba bun kiba kynnoh da kumne kumtai, haoid ha ka jingtreikam treikam te mano hi u bym kren bad mano hi ban nym pyrshah tangba kita ki dei shi bynta ha ka bor treikam dei namar kata ba wat ia ki jingiatai bapher ka sorkar hi kaba la ialam da ka NPP kam ju Shem jingeh ban pyni ia ki jutang lait noh ki tnad sorkar kiba bat myntri da ki bym dei na ka seng NPP ngi iohi shisha ba Kim long shisha kiba la idei lane kiba lah, ba wat tang ka jubab bad ka ktien nongwei ki shitom ki bapli hynrei haban ia phai sha ki myntri ka NPP te ym don shuh ban dang iai saham.

Ka jingyniasoh thymmai jong kiba bun ki nongmihkhmat sha ka seng NPP ka la pynlong ia ka jingshaniah bad ka jingtreihok jing ki ia ka kam bad ia mynta hi ka sorkar ba la ialam da ka NPP ka dei ka sorkar kaba bit bad kaba lah shisha ia u paidbah.