Ki lad jingiarap, ki scheme bd ki loan kiba suk ban ioh ki duk ki suk

Don shibun bha ki lad jingiarap ki ba na ka liang ka sorkar kmie ka la mang na ka bynta ki duk ki suk ki briew ba treikam lajong, ki nongrep, nongbylla sngi, kiba mut seng kam bad ban pynheh ruh ia ki kam lajong. Kine ki lad jingiarap ka sorkar India ka la mang thik ia kitei bad ka long ruh kaba suk bha ban ioh.

Ki lad jingiarap kiba kham hakhmat eh ban kiba suk bha ban ioh na ka sorkar kmie na ka bynta ki nongbylla sngi, nongrep, bad kiba thmu seng kam lajong lane kiba mut pynheh ia ka kam lajong ki long kumne harum.

1. PMEGP. Ka Pradhan Mantri Employment Generation Program ka dei ka lad jingiarap ia ki riew shimet ba kin seng ia ki kam lajong bad ka long kum ka loan hynrei lada phi lah ban pyndep ha ki por ba biang ka jingiakut phi lah ban ioh ia ka subsidy kaba biang bad kaba iohnong bha. Ia katei ka scheme lah ban shim naduh 100000 haduh 10000000 lyngba ka tnad KVIC Jong ka District Administration.

2. MUDRA. Ka loan seng kam kaba lah ban ioh na ki Bank bad ki nongbylla kiba thmu seng kam kum ki micro enterprise bad ka long kaba suk bha ia u ne ka wat la ki dei ki bym don kam do jam ruh lah ban ioh naduh 50000 haduh 500000.

3. Eshram. Kawei na ki lad jingiarap na ka sorkar pdeng kaba mang beit thik tang ia ki nongbylla sngi, nongrep, bad kiba trei ia ki kam lajong ba kin register ia lajong na ka bynta ka jing myntoi ha kaba iadei bad ka lad jingiarap lada don ka jingpang khlam, ka dei ruh ka life insurance, bad kiwei kiwei ki lad jingiarap Pisa na ka sorkar kmie.

4. KCC. Kisan Credit card kadei ka scheme nongrep ha kaba la ai bhah beit thik tang ia ki nongrep na ka bynta ba kin lah ban pynjanai ia ka kam rep kaba ki lah ban ioh jingiarap naduh ka 50000 haduh 500000. Bad ia kane la lah ban apply na poh ki Bank bapher bapher.

5. PM-Kisan la dei ka scheme ne ka lad jingiarap kaba 6 hajar shisnem ia kawei ka longiing kiba hap hapoh ka agriculture sector, labour, bad kiwei kiwei lait noh ki ñongtrei sorkar. Ia kane ka scheme la ai uwei na ka ing bad lah ban apply na ki dukan Digital India, Digital Seva, CSC bad na Rainbow kiba don ha ki shnong ki jong phi.

6. MSME. kadei kawei na ki lad jingiarap kaba lyngba kane ka MSME kba ngi hap ban register, ka pyn hiar ia ka sut lada Jia ban leit shim Ram lane ia kitei ruh ki loan. Lada ka sut ka poi 12 percent na ka loan ba ngi shim kamut ka la Duna noh da kaba poi sha ka 8 percent ne 6 percent bad ia kane lah ban apply na ki dukan Digital India, Digital Seva, CSC bad na Rainbow kiba don ha ki shnong ki jong phi.

Ia kitei ki lad jingiarap na ka Sorkar kmie phi lah ban apply ha Kano kano ka por lyngba ki Bank kiba don ha shnong Jong phi lane lah ban apply na ki dukan Digital India, Digital Seva, CSC bad na Rainbow kiba don ha ki shnong ki jong phi bad Marjan bad ki shnong Jong phi. Na kitei ki lad jingiarap don shibun ki jingmyntoi namar kum ka PM-Kisan ka dei kaba ngi Shu jingiarap ei khlem da donkam siew, kumjuh ka KCC ruh ngim donkam siew sut, bad ka Eshram ruh ka dei ka lad kaba ngi Shu ioh jingiarap ei bad ka long kum shi bynta Jong ka scheme hi bad ruh ha ka juh ka por ka long kum ka life insurance bym donkam ban siew bnai

Katba ka PMEGP pat ka dei ka loan kaba ki briew khlem donkam donjam ruh ki lah ban ioh ha ka mang tyngka kaba heh bad lada ki la kloi ba pyndep ruh ka sorkar Kan siew ia ka subsidy kum ban nang pynshlur bad ia kane bad ka MSME lah ban apply na ki dukan Digital India, Digital Seva, CSC bad na Rainbow kiba don ha ki shnong ki jong phi

Kumjuh ka MUDRA loan ruh tangba kane ngi lah ban ioh bad apply na ki bank.