U briew ba nang ba stad um ju dawa phah pyllait ia u nongbatbor kynthei. HITO ia ka Lawei ba Phyrnai

Ka seng Hynniewtrep Integrated Territorial Organisation lyngba ka Facebook post jong ka, ka la buh jingkylli ba kumno kita ki briew kiba kam lade ba ki la nang la stad hynrei ki dawa pyllaid ia u briew ba batbor kynthei na Patok uba dei u bah Julius Dorphang u General Secretary barim ka HNLC bad u MLA barim ka Mawhati.

Kum Ka seng ka HITO ka la shim ia sieñ jam da kaba buh jingkylli ia katei ka kynhun kaba la kam Kum ka lawei ba phyrnai ba balei ki briew ba Kam ba ki dei kiba la nang la stad ki ba thmu pat ban pynmynsaw ia ki briew ba lui lui khamtam ia ki khynnah skul. 

Ka seng HITO da ka shithi ha ka 8 tarik u April 2022 sha ka DC jong ka East Khasi Dist ka la buh ka jingujor pyrshah ia ka kotkhubor kaba la pynmih ia ki jingpynbna kiba long pynsyier pynsmiej ia ka imlang sahlang.

Bad ruh ka seng lyngba ka shithi ka la maham tyngeh ia ki kotkhubor ba jingshisha Kim dei satia ban pynmih kum ia kitei ki jing pynbna khlem da bishar shwa.

Bad ka seng ruh ka la dawa ba ha ka jingshisha ki kotkhubor ki la dei ban kiar lai lum lai wah ia kum kine ki jingpynbna kiba wanrah shisha ia ka jingsyier ha ka imlang sahlang.

Ka jingdawa ban pyllait ia u nongbatbor kynthei ka dei ka bym lah ban long bad ka seng ka pynpaw ba kum ki briew ba Kam ialade ba ki dei kiba nang ba stad ka dei kaba Shu jler.

Shuh shuh ka seng ka ka la ong ruh ba ka Sorkar ka dei ban peit phikir bha kum ha kane ka por bad ruh ban thwet ia kitei ki kynhun pyntriem kiba pynsyier ia ka imlang sahlang.

Bad ha kaba khatduh ka la dawa ba ka sorkar ka dei ban Kem mardor ia ka lad khubor kaba la pynmih ia katei ka jingpynbna Jong kitei ki kynhun pyntriem namar ka wanrah shisha ia ka shongsyier khamtam ia ki briew ba lui lui.