U Kwah Burom bad u nongiada ia ki Mynder

U nongmihkhmat ka thaiñ Shillong South Constituency U bah Sanbor Shullai na ka Party BJP u dei u briew u ba padiah bha ha ka Khana ka ktien kaba u kren ne u Treikam hapoh ka Constituency.

Une u nongmihkhmat ka Shillong South pat u dei u briew uba ieid bad thoiñ bha ia ki Mynder kiba shong ba sah hapoh ka Constituency ka jong u da kaba nud ban tied jingkhang ia ka District council ha u snem 2020 na ka bynta ban iada ia ki non tribal pyrshah ia ka jingleh ka Trade department kaba la bat da u Bah Paul Lyngdoh ha Kato ka por.

Ka jingleit tied jingkhang Jong u Bah Sanbor ha ka tei ka Ing Pynneh riti dustur halor ki kyndon aiñ thymmai kiba pyrkhing bha ia ki nongkhaii khamtam ia ki bar jylla bad ka jingleit Jong u Sanbor ka long ban ailad bad ban pynjynsur ia ki kyndon pyrshah ia ki Mynder.

Shuh shuh u Bah Sanbor u jop ha ka election na katei ka thaiñ ka dei namar ka jingkyrshan Jong ki mynder bad dei hangta ba ka BJP ka iohlad ha ka jylla hynrei lem kumta ki paidbah ka Ri Khasi kin nym sngewtynnad shisha ia ka BJP.

Nalor kitei u bah Sanbor u dei uba rhah ka burom wat la dei I kam barit. Wat la dei ki lad jingiarap sorkar hynrei u kloi ban phah ia ki nongshna Maw Nongrim ne u Maw teinam ia ki jingtrei bapher ban bynrap ia ka kyrteng Jong u. 

Lada dei na ka tnad PWD ne ka Ophis Jong ki tnad sorkar bad ruh wat ia ki scheme napoh District council kum ki SUWP u nud ban phah bynrap beit ia ka kyrteng ka Jong u ha ki maw sah nam ne maw Nongrim kyrteng Jong ki jingtrei.

Shuh shuh wat ia ka surok kaba la mang na ka sorkar lyngba ka tnad PWD kata kaba pyniasoh ia ka Lumparing bad ka Laban lyngba ka Jaka tep briew ki Muslim u kloi ban phah ai syndon da ka Kyrteng Lajong.

Kum ka Sanbor Shullai Road.

Kane ka pyni ba ka jingleh jong u ka long kumba u pynlut pynsep na la ka pla lade tangban ioh burom hakhmat u briew hynrei ka duh ka burom ha u Blei.

Ban shu pynpaw khyndiat hangne ka long ba ia mynta hi na ka District council lada ka don kano kano ka Implementation ia ki scheme kam ju Shah ban synrop lang ia Kano kano ka kyrteng shimet khamtam ia u MDC ne u MLA kam pher lada dei kiba recommend lem.

Kumjuh lada ia ki Jingtei surok ne kiwei kiwei haba I donkam ban tei nam ha ki kyrteng Jong ki riewkhraw ka jaidbynriew la ju jied hi da ki riewstad kiba tip bad sngewthuh ia ki kam Jong u ne ka ba la leh ha ka por kaba I donkam lyngba kiwei pat ki briew ym manga ngan buh da ka Kyrteng lade.

Bad kaba khatduh eh ka long ba da leilei u bah Sanbor Shullai yn nym Shah satia ia ki jingtrei ne ki development kiba u leit iakren ne kiba hapoh ka Constituency ka jing u khlem da buh ia ka kyrteng ka Jong u bad la kumno kumno kawei ka jingtrei barit ne heh dei beit ban buh maw bad ka kyrteng Jong u.

Shu mutdur kum u Bah Prestone leilei ia ka Surok Shillong-Tamabil yn ai da ka Kyrteng jongno tharai bad Jin da bat lei u Sanbor ia ka tnad PWD te ka surok ha jylla la dap da ka Sanbor Shullai Road suda.