Dang iai bud hi ki Khasi ia ka Bollywood

Ki nongpynmih phlim na ri Khasi Jaintia jongngi kat nang mih ki sngi ki la nang kiew ha kaban pynmih ia ki phlim bad kumjuh ha ki music video Jong ki.

Kat nang mih ki sngi katta ki ba ngam sha kane ka jylli ki la nang bun ha kine ki khyndiat sngi bad mynta lah ban ong ba lah bun shisha kita ki samla donsap kiba lah rung sha kane ka kam namar ka plie ia ka lad kamai ruh.

Katba kat nang mih ki sngi ka rukom shna bad pynmih ia ki phlim ka dei beit na ka rukom shna phlim na Bollywood. Ym dei na ka juk ba thymmai ruh hynrei ka ia syriem thik ka rukom shna phlim ki Bollywood Jong u snem 1990.

Ban peit bad bishar ha ka rukom shna phlim ha ka jylla jongngi haduh mynta mynne ym pat don satia kata ka jingkiew ne ka jing pynthymmai noh ha rukom kaba ka pyrthei baroh kawei ka la leh.

Ban shu peit ngi lah ban sakhi ba haduh mynta ym pat don ka phlim lane ki ñongtrei jong kano kano ka karkhana shna phlim ba kin bamja lane ba kin pynlong kum ka Lawei Jong ka kam ka jam Jong ki ia katei ka kam kaba ki la leh.

Kane kadei namar ba ha ka Phlim Khasi Jaintia bad ki ia shna ia ki phlim Khasi Jaintia Kim don satia kita kiba lah pass ia ki Mass communication Jong ka Script and story lane ki ba pass ia ka Mass Media bad kumjuh bun na ki nongtrei phlim ruh Kim dei satia kiba don kata ka diplomatic knowledge kaba ki la pyndep na ki Skul bah.

Shuh shuh don pat tang Wei ar kiba ngi lah ban iohi ia kata ka sap bad ka jing bit Jong ki,lyngba kata ngi lah ban sakhi kum u Bah Pradeep Kurbah ba ki phlim Jong u Kim kut tang ha ri India jongngi. Bad kane ka pyni bad ka pynshisha ia kata ka jingbit bad ka sap ba um kum kiwei kiba shu bud tynneng kumba iohi ha Television.