Ki Skul missionary, phah siew tulop ha sorkar, jynjar ki nonghikai, shano Pisa skul ba ioh lum

 

Kawei na ki mat ka ba kongsan eh ban iakren ha kane ka kynti ka long ba ngi iohi kumno ki nonghikai SSA bad nonghikai Adhoc ki tur lem shakhmat na ka bynta ka hok ka jong ki kum ban dawa na ka sorkar ha kaba iadei ban regularise ia ka tulop man ka bnai bad ban kyntiew tulop ki nonghikai Adhoc.

Ngim nym iakren than ia ki nonghikai SSA namar ki hikai ia ka skul kaba dei ka scheme na ka bynta ki shnong bym don skul bad ka bym don jingsiew na ki khynnah lane kam don ka jingiohnong hynrei ka dei ka lad ba la mang na ka sorkar pdeng sha ki jaka nongkyndong bad bym don skul.

Haba phai sha ki nonghikai Adhocc pat kiba bun hi ki nonghikai ki dei ki ba trei ha ki skul mission ha ka tulop Adhoc kaba rit bad la I dei shisha ruh ban kyntiew lane ban kham pynkiew katkum ka jingdawa Jong ka por.

Phewse ka jingdawa ka long beit pyrshah ia ka sorkar hynrei khyndiat ngi dei ruh ban sngewthuh ba Kam ju lah ban long mar ia dawa ia Kano Kano ka kam ngi donkam ruh ban iaishah ha ki rukom kiba bun.

Haba phai pat sha ki skul mission ngim pat ju ioh sngew ba ki skul mission kin iarap tulop ia ki nonghikai bad ki shu rhah beit na ka sorkar, katba ia ka jingmih bad jingioh nong baroh na ki khynnah skul ka leit sha ka mission authority ne MC bad ka skul Jong ki hi. Ha ki higher secondary ruh mynta ki por ka jingsiew Bai skul na ki khynnah kam dei shuh kaba rit namar ha ki skul mission ym Duna ia ka 10 ne 15 hajar marwei ha ka shisnem ia ki higher secondary school.

Te namar kata ka jingiohnong ki skul mission ka long kaba palat Liam namar ki don ia ki nonghikai deficit kiba siew hi da ka sorkar ki nonghikai Adhoc kiba siew hi da ka sorkar katba ka Revenue pat ki ia bat hi ha kti. Bad ruh sa kiwei pat ki jingkhrong na ki khynnah skul bad ki miscellaneous fees ki ba har rukom.

Ym tang katta haduh ka rukom thep kam ruh ki lah ban leh hi bad ka jing ioh mon Jong kane ka tnad ka long kaba palat Liam bad bunsien hi ha ka rukom thepkam ruh kam long khuid shuh bad lah ban ong ba bunsien ha ka jylla jong ngi hiar ha ka literacy rate ka dei namar ki skul ki iohmon palat naduh ka revenue haduh ka recruitment bad ban phah siew tulop pat ia ki nonghikai sha ka sorkar.

Ka sorkar ka hap ban pykhat bha ba ka la dei ban pynheh ban pynkiew tulop noh ia ki nonghiakai Adhoc da kaba shim lang ruh na ka revenue jong Kato ka skul kaba don ia ka revenue ym ban Shu ai mon palat. Namar ym tharai ba ki skul mission kin ai jinghikai khlem da ki khynnah pule Kim siew bad lada ka long kumta ruh ka sorkar kadei ba shim hi ia ka rukom thep kam bad rung kam Jong ki nonghikai namar kumba long hi ha ka jingthep Kam hikai Jong ki defecit bad Adhoc kam ju long kaba khuid namar ka MC Jong ka skul ka dei kaba khatduh.

Shuh shuh, namar kata ki nonghikai ki dei ban sngewthuh ban dawa bad ka sorkar ruh ngam tharai ka dei ka nongshna Pisa hynrei ka dei  ruh ban shim lang noh na ka revenue jong ki skul mission khnang ba Kan don ka balance ha ka jingioh bad ruh Kan kham pynjan ia ka jingdawa ki nonghikai Adhoc. Ym ba tang u Chairman ne u secretary ka Management committee ki ia bam sap ne bam tulop wat la ki dei tang ki class 10 ne 12 kampher bad ia ka tulop nonghikai adhoc pat jynjar ki nonghikai haban dawa na ka sorkar kumjuh ka sorkar ruh .