80 na ka 100 dei kiba wan trei slem por, ki nongtrei Sorkar

Ngi ju iakren ba ki kam hapoh kano kano ka tnad ka long kaba Suki wat la dei ba ki paidbah ki leit Ophis ki hap ban ap da ki kynta ba ki nongtrei ki slem por palat.

Nalor kata bun ki nongtrei ha sor Shillong ki ju aidaw ba blok kali bad kiba dei ka por trei kum ju poi bad kane ka la pynsahteng ia ka kam kaban pyndep shisngi hap ban dep palat 2 sngi kaba shi taiew haduh shi bnai.

Lada iakren leilei sha ki thaiñ nongkyndong leh mon bad leh kynjai palat ki nongtrei bad duhnong u paidbah. Ha ka sngi sdang taiew leilei yn nym khmih lynti ia ki nongtreikam paidbah ba Kim don lada don ruh haduh 1 baje nohphai sngi bad tang 2 ne 3 baje ki lh leit.

Shuh shuh ngi ju iohsngew ba ka baje secretariat ka ju tied naduh ka por 9:59 haduh 10:00 baje mynstep hynrei lada sakhi da la ki khmat don shibun kiba palat ia kata por.

Ki Ophis kiba donkam palat u paidbah khamtam ha ki thaiñ nongkyndong tang ka sngi ba long Iew bad teng teng bun hi kiba wan 2 ne 3 sien shi taiew bad sngew lyngngoh ruh ba ki nongtrei paidbah lane ki shakri ki paidbah kin ai jingshakri tang da ki 2 ne 3 sngi tip mano ba ai bor ia ki?.

Ki Ophis ba donkam kum ha ki thaiñ nongkyndong ka Block Development Office, ka PHE bad wat ha ki PHC ruh bun ki nongtrei kiba shong na ing ne na quarter bad hap ba khot teng teng lada don ba shitom.

Katkum ka jingwad jingtip sharum shaneng shane shatai khamtam sha ki thaiñ nongkyndong la Shem shisha ba tang katto katne hi kiba shim shisha ia ka tulop halor ka umsyep ba ki la trei ym kum kiwei ba bun ba shu bam ei khlem trei.

Nalor kata tang lah mih shi tarik lah poi ka tulop ha Bank account kata ruh ka jingleit trei kam iahap bad ka tulop bad lehse ka dei na ka jingkwah suk.

Balei pat moa ka Service rules of Conduct kam treikam pura namar Jan 50 na ka 100 la Shu bsut jubor da ki contract ba la da ai pyllait permanent post jynjar ban thep da ki briew Jong ki MLA namar mynta ki por lah bun bha ki social activist ki bym riej ban wad RTI.

Haba phai sha ki nonghikai skul nalor ba kidei ki shakri paidbah ba biang por Tam bad nalor ka tulop ka barit ban sa ka pynslem tulop da ki 5 , 6 bnai bad ruh ki dei ki nonhsaiñdur ka jaidbynriew. Kumno pat ki nongshna aiñ Kim leh eiei.

Kane ka mat ka dei kaba ki paidbah ki hap pyrkhat noh ym long ban shu Shah Thied tad dor haba don ka jabieng ruh ba lada kumne ka Lawei ka Tim iangi.