Wan ba nyngkong Ka jylla Meghalaya ba bun tam kiba pep skul shiteng por hapoh ka class 10.

Katkum ka reasearch team jong ka The Daily Maps ka la lap ba hapoh ka ri India napdeng baroh ki jylla hapoh ka ri kaba wan ba nyngkong eh ha ka jing pep skul ki khynnah shiteng por ki dei na ka jylla Meghalaya.

Lyngba katei ka reaserach la lap ruh ba kiba pep skul shiteng por ne ka Dropout students ba hapoh ki class 10 ka long haduh 39.2 % jong mynta u snem kaba lah pynkiew arshah na u snem 2021.

Kaktkum ka jinglap jong kitei ki stad wad bniah la lap ruh ba ka jingpep skul ki khynnah ka jur bha ha ki jaka nongkyndong ban ia ki jaka sor bad ha ki thain nongkyndong ki don tang ki skul Lower Primary bad tang katto katne eh ki shnong kiba don la ki jong ki Upper Primary.

Shuh shuh ki la lap ba ha  ki jaka nongkyndong ki don tang ki school shnong ne school balang kiba long Government undertaking katba ki skul sorkar ne kita ki Government skul ki don tang ha ki jaka sor.

Ka jingpep skul shiteng por ki khynnah ka long ba don bun ki shnong kiba don tang haduh class 5 bad katto katne haduh class 10 bad ruh hap ban leit shaduh sha khap sor ban ioh leit ia ki higher secondary ne ki 10+2. Bad ruh ia ki College ne ki government institute jong ki sorkar ki don tang hapoh sor kaba pynjynjar ia ki nongkyndong ban poi sha kitei ki jaka namr ka jingduk.