Yn duh syndon ka jaidbynriew Khasi jaintia lada synshar ka BJP ha u 2023
.jpeg)
Kumba ngi tip ba ka BJP ka dei ka party Jong ki Hindu bad ka dei namar ki nongialam Jong katei ka party ki dei nongialam ba radbah Jong ka niam Hindu bad kumjuh ka thong ba hakhmat Jong katei ka party ka dei na ka bynta ka niam.
Ngi da sngewshngaiñ eh pat namar ngi don ia ka Secularism ha ka ri India baroh kawei na ka bynta ka hok Jong baroh hala ka jong ka jingngeit blei ne ksuid khlem da pynthut pat ia kiwei.
Sngewsih ba naduh u snem 2014 ba la sdang ban urlong ka jingthmu barieh Jong ka RSS kumjuh ka VHP lyngba ka BJP hapoh ka synshar khaddar da kaba thmu beit ban pynlong ia ka ri India kum ka HINDUSTAN.
Shuh shuh ka jingpynkylla ia ka Pisa ha u jan kut snem 2016, ka jing pynlong aiñ ia ka CAA ka jingwanrah ia ka NRC ha ka jylla ba synshar ka BJP, ka jingthmu ban iuhroit ia ki rit paid riewlum, kumjuh ka jingdusmon ia ki Kristan da kaba pyniap ia ki Lyngdoh niam bad ban pynjot pynpra ia ki jaka Mane ha kiwei ki jylla bad lyngba ka jing synshar ka BJP bad ka jingwanrah ia ka UCC kaba dei kaba ma tam napdeng kiba ma. Nalor kata ban klep syndon ia ki ritpaid riewlum hapoh ka jylla ka RSS ka ju rung sha ki Seng khasi Niam tynrai ban synniang jingiarap bad ka jingiadei hapdeng ki Hindu bad Seng Khasi ka long kaba Jan bha ban pynkylla Hindu ia baroh.
Bad to Tip kito kiba leit pule shabar kiba Pyllut pynsep da ka RSS ki hap ban pyndap ha ka form format Jong ki da ka Hindu Religion wat la Kim dei. Bad kane ka dei ka lynti Jong ka Hindutva Mission ha ki rukom Bapher Bapher bad ka thmu pynrung subject Hindi kum ka compulsary subject ha jylla Jong ngi ka dei kawei na ki lynti.
Shu sngewshngaiñ hynrei shen ka BJP Kan pynjah noh ia ka State of Secularism kaba la don naduh ka sngi laitluid Jong ka Ri India jongngi bad kaba sah Mynta ka long ba lyngba ka CAA ka BJP Kan kdup ia ki mynderi sha ki jaka ka ri India kumjuh ha ki schedule Area Jong ki ritpaid riewlum bad ka UCC ka dei kaban pynlong tang kawei ka ktien kawei ka niam, kawei ka culture, kawei ka riam bad kiwei kiwei kiba ki riewngeit hindu ki ju leh.
Bad kaba kham shyrkhei ka long ba wat ia ka khyndew ka shyiap ym slem yn long trai da ka Sorkar bad lada ka UCC ka treikam shisha yn jah syndoh ki district council, Hima, Elaka, Raid, Shnong bad kiwei kiwei ki nongkynti u khasi.
Ko paidbah wat nym ngop ha ka Seng BJP wat nym ngop ha ka Seng Hindu bad wat nym ngop sha ki party kiba sdien ha kiwei kiban donkti lang pat ban pynjop ia ka ri bad ka jaidbynriew baroh kawei.
Comments
Post a Comment