Ha kaba khatduh dei hi ka Sorkar BJP, ka NPP ka Dur bula, ngi shah pyniaid ha ka NEDA
.jpg)
Kumba lah iohi ia ka sngi bam smai jong ki kynhun myntri (council of minister) jong ka sorkar jylla Meghalaya ba ki nong sakhi ba hakhmat eh jong katei ka sngi ka dei na ki heh jong ka BJP kata naduh u Myntri Rangbah ka Ri u Narendra Modi uba la wan khnang khnang na ka bynta katei ka sngi.
Ha katei ka jing bamsmai ia ki 12 ngut ki Myntri kynthup ia ka NPP, BJP, UDP, HSPDP, bad ki MLA shimet bad ia kane ka MDA 2.0 kaban ialam da ka NPP kan dang neh ha ka jingiatreilang bad ka NDA Goverment ba la ialam da ka BJP na sorkar pdeng.
Balei ngi ong ba ka NPP kaba ialam ia ka sorkar kam iapher ia ka BJP namar balei ka MDA bad baroh ki seng kiba don ha katei ka Srkar ki hap kohnguh ryntih ia ka jingbthah na ka BJP bad nalor ka NDA Goverment ka don sawei ka Political Front kaba Pyniaid ia ka Sorkar MDA kata dei ka Northeast Domocratic Alliance kaba la pynniaid da ka BJP lyngba u Myntri Rangbah ka Jylla Assam u Himamta biswa kum u convener ha baroh kawei ka Northeast.
Kaba kham sngewtriem ka long ba la kumno kumno ka BJP kan pyn mareh ia la ka jingthmu barieh jong ka ban ioh lut ia ki jylla khamtam ha ki jylla ritpaid riewlum bad ki kristan. ngim sngewpher ba katkum ka Policy jong ka BJP ka buh hakhmat eh kata ka Hinditva kaba ka ka BJP ka pynsuhthied lyngba ka CAA bad ka UCC kum ka jingsdang lehse hadien kin dang mih shuh, nalor kata la don ruh ki kynhun shim wai ban pynpra lane thombor ia ki kristan bad ki ing mane Kristan kaba lah jia ha kylleng ka ri.
Namar kata ka jylla Meghalaya jongngi kam shong eh ha ka jingpyniaid jong u Conrad K Sangma hynrei ka shong ha u Himanta Biswa uba dei u Myntri Rangbah ka jylla Assam jong ka BJP uba dei ruh ha ka juh ka por u Convener jong ki sorkar alliance jong ka NDA lyngba ka North East Democratic Alliance.
Ngi ong kumta namar ka jingjia ha Mukroh ka Sorkar Jylla jongngi kam don bor eiei ban leh bad wat ki jaka lane ki khappud ruh bun kiba leit sha Assam wat lada ki paidbah ki pyrshah hynrei namar ba shah synshar ha ki bor ba nabar pat ka sorkar jylla Meghalaya kam don bor satia.
Ban pynkut ia kane ngi la shai kdar ba ka NPP ka dei ka dur bula ka BJP bad baroh kiba don ha ka sorkar kidei tang ki niang kohnguh bad kiba shu shah thied ha ka tyngka bad nangne shakhmat khlem pep ka jingeh kan dei iangi khamtam ia ki paid kristan kiba ka thong ka BJP ka long beit ban pynduh ne pynkylla Hindu ia baroh.
Comments
Post a Comment