Kyntait ki paidbah ia ka 3000 shibnai 36000 hajar shisnem ba biej ia ka 5000 por election

Ki paidbah ka jylla Meghalaya ki dei ki ba pyrkhat tang ia ka mynta ym ka lashai bad ruh Kim pyrkhat ia ka Lawei Jong ki longdien mandien hadien habud hynrei tang na ka bynta ka khyllipmat ba shipor Jong ki.

Ha ka jingiakhun election ngi la iohi ba don shibun ki candidate bad ki party kiba buh hakhmat ia ka thong lane ka kular election ne ka Manifesto ban pyni sha u paidbah ba Lada poi sha ka thong kine ki dei ki mat ban trei shakhmat.

Ki kular election ne ki Manifesto ba kham pyrkhat ia u paidbah ki dei na ka party Congress bad Trinamool Congress kiba lah buh hakhmat da ki song pisa lad jingiarap ne ka Inclusion empowerment Jong ki Longkmie ba 3000 shibnai na ka Party Congress katba na ka party Trinamool Congress da ka Inclusion of Women empowerment sha ki long kmie ba 1000 shibnai bad ka Meghalaya Youth Empowerment ba 1000 shibnai sha ki Samla.

Nalor kitei kaba kham kthong eh shakhmat ka long ba na ka Party Trinamool Congress ka Buh sa ia ka Farmer Agriculture Rural Mission kaba 10000 hajar shisnem sha baroh ki nongrep.

Bad kaba kham heh ka dei ka Lad thaw kam ia ki samla haduh 3 lak tylli ki kam sha ki samla kata ka Creation of Job with 300000 Employment within 5 years sha ki Unemployed ba la buh hakhmat da ka Trinamool Congress.

Hamar ba don Kum kine ki kular election ha ka jylla jongngi ynda haba poi sha ka sngi more vote ngi iohi ba kito ki party kiba la kular janai ialade kim Shem poi satia sha ka thong bad ki party ki u paidbah u mon kim don ia ka clear Manifesto.

Lehse ka lah ban dei ba ki paidbah kim shaniah ne ba ki klet ia kaei kaba ki party ki kular bad lehse ka lah ban dei namar ba ki kwah noh ia kaei kaba ki kwah ym ia kaba hadien.

Ka Election Jong u 2023 ka dei kaba khampher ha kaba ki ba kular lypa ban  trei kim lah thaw pyrthei pynban ki paidbah hi bunsien ki jied da la ka mon lajong kat shaba ki sngewbit ne sngew tynnad ym ia ka Lawei.