Ha ka biej ha ka shlur lehrain ka VPP

Artikel Lyngkot.

Ka jingiakynad ba dang shu dep jia hapdeng ki nong niah ar Shaka bad ki Pulit Officer Enforcement jong ka Ophis u DTO jong ka East Khasi Hill ha kine ki khyndiat sngi ba la dep ka la pyni ia kata ka jing iakynnad ktien hapdeng ki nong kamai ar shaka bad kitei ki pulit kiba la khynra ia ki nong niah ar shaka ha Laitumkhrah.

Katkum ka kyndon ain na ka liang ka DTO ophis ka dei kaba shongnia eh ban talasi khamtam ia kiba niah kamai ar shaka da u Registration Certificate jong ka Private Vehicle khamtam ia kito kiba ju kamai Offline kiba la pyni ruh ha ki khubor ia ka jinglap ki Pulit ia kiba kamai beain.

Haoid ki don ki Social Media kiba na ka liang ka ophis jong u DTO bad kumjuh na ka Tax Department ba ki la ithuh ia ka Rapido, Pynban ki nongniah (Captain) Rapido ha Shillong kim don ka Sticker jong ka Company kumjuh na ka Helmet. Te kumta ki don shibun ki riew shim kaba kiba pyndonkam ha ka kyrteng ka Rapido pynban ki dei kiba shu kamai khlem don mano mano ban ithuh ia ki. Namar ym ithuh uno u nongniah Rapido bad u bym dei.

Shuh shuh ka jing pyni nia jong kitei ki nongniah arshaka ka pyni ia ka jingshlur nalor ka jingbiej namar balei naduh nyngkong ki hap ban sngewthuh ba ki Private Motor kim lah satia ban kamai lane kino kino ki private Vehicle kim lah satia ban shu kamai ban kit Passenger.

Nalor ba kitei ki nongniah ar shaka kim don tang ka ID ki dawa pynban ba hap pyni shwa ia ka Notification. Kamut aiu kata ka Notification? Imat kine ki nong kamai kim tip seh moa bad ym lah satia ban kamai da ki Private lane ka sorkar khamtam na ka DTO office ki lah ban Talasi khlem da ap ia kata ka Notification namar la dep don lypa ka ain ba kino ki kali kiba lah ban kamai.

Pynban kine ki nongniah kamai Ar Shaka nalor ba ki duna ka jingnang jingtip bad ka tim sih wat ruh ban kren khlem akor ia ki tei ki Pulit Enforcement haduh ban kren khlemakor wat ia ka uiniform ka jong ki ruh.

Kaba kham pang met ka long ba nalor ka jingtim sih bad ka jingpynmih ia ka kyrteng jong u symbol ka Party Voice of The People Party kaba lehse kan wanrah ka jinglehrain ia ka jaidbynriew ba ki riew shim kabu nalor ba kimai shim kabu ha ka kyrteng jong ka Rapido Company kim lehrain ban pynmih ruh ka ktien jong ka Political ka pyni shuh shuh ia ka jingshim kabu ba ioh lehse ka jing kren ka jong ki kan wanrah ruh ka jingkyrshan pynban ka long mar khongpong.

Kane ka dei ka jingbiej bad ka jingshlur haba duna ka jingnang jingtip poi sha ka lehrain namar ba shu kren laplah bad ka kren khlem akor ia ka longrynieng ki pulit ka dei ka jinglehrain ia kine ki nongniah Arshaka beain ki bym tip lehse ba ki kino kino ki kali Private ba kim lah ban kamai.