MEGHINN

Shillong:16-Kyllalyngkot-2021 Ngim tip haduh katno ki Sengbhalang ki Shem jingeh na Ka por sha Ka por ban thwet bad pynher krad ia kine ki mynderi ba wan trei bylla sha kane Ka bri Ka jongngi na Ka por sha Ka por.  Teng teng ngi ju kynnoh ia ki briew sorkar, ki kynthei khasi, ki Kam benemi, hynrei ngi klet pat ba ki kontraktor Jong Ka ri Khasi jongngi ruh ki dei ki kruiñ Ka jaitbynriew kiba kwah ban iohnong khambun na Ka Kam Ka jong ki, Kim salia ban leit Shaw hi ia kitei ki mynderi na ri nongwei sha la Ka ri namar ba ki kham tad Ka dor. Shuh shuh nalor ba ki leit shaw hi bad ruh Ka pynbiang ia ki kot ki sla na Ka bynta Ka Jong ki bad bun ruh ki kontraktor kiba ju leh baheh ia ki Sengbhalang kiba pyni ia la Ka Nia tang ban pynksan bad ioh myntoi shimet khlem pyrkhat Ka ai Kam ai jam ia ki paradoh parasnam. Dang ha ki khyndiat Bnai bad snem ba la dep ngi Shem shibun kiba Shah kem na Ka Jing talasi ki Sengbhalang bad Kaba sngewsih don shibun kiba bym biang satia ki kot ki sla Kaba la pyn

Shillong:15-Kyllalyngkot-2021 Haba lah ban bud ryngkat ryngkat bad Ka juk stad Ka long Kaba suk wat ban ioh kamai ja ruh namar Ka jingstad technology Jong Ka pyrthei lyngba ki kor ki bor kiba pyn iajan iwei ia iwei ia baroh satlak Ka pyrthei. Haba phai sha kawei na ki lad kamai ja lyngba Ka kor jingstad internet Kaba dei Ka YouTube Kaba bun na ki riew shemphang ki pynlong ia kane kum Ka Kam bad Ka lawei ia ki. Bad don shibun kiba la im bad riewspah tang na kane Ka rynsan bad ruh Ka long kum Ka lad ai Kam ai jam ia ki ba bun. Shuh shuh Ka long Kaba suk ban pyndonkam ia kane bad ruh Ka long Kaba sngewthuh kloi naduh ki jingshna haduh ki nong peit bad dei namar kata don shibun ki briew kiba haduh mynta bad mynne ki iai pyrshang Lem ha kane Ka juh Ka lad kamai Kaba kham suk. Ha ri Khasi jongngi ruh don shibun kiba pyndonkam ia kane Ka juh Ka lad, don ruh kiba shaniah tylli tang ha kane Ka Kam na Ka bynta ban pynbiang ia Ka kpoh don ruh kiba la ai Kam ia kiwei pat bad don ruh shibun kiba la

Shillong: 11-Kyllalyngkot-2021 Don shibun ki jaka ha sor Shillong kiba klun bad buhai da ki bar jylla, hynrei kaei Kaba thoh hangne Ka long ia ki jaka kiba la tyllep lut syndon da ki bar jylla ha poh Ka bri u hynniewtrep hynniewskum Ka Jong ngi. Ka Jing Shah klun Ka dei na ka jingbeij bad Ka Jing shah pynbiej ha ki nongwei shisngi da ki har rukom lyngba ki jali ja-um kiba ki khlei tang na Ka bynta Ka myntoi shimet. Bapli u Khasi u shidur shisur Ka Jing jemnud ban iarap para briew Ka la pynjynsur da kaba ai lut ia kat Kaba don. Ka khaii Ka pateng dei Ka lad kamai spah Jong ki trai ri trai muluk na Ka bynta Ka Kam Ka jam bad ia Ka Ri hi baroh kawei lyngba ki jingriew spah Ka mariang Kaba la theh sei da ki soh ki Pai ki jhur ki khep bad ki mar ba rem dor. Haba peit ia Ka khaii Ka pateng khamtam ia ki dukan hapoh sor Shillong Jan baroh la Shah klun ha ki mynderi shisngi bad Haba iakheiñ kyllum naduh them motphran haduh 9 lad don haduh 98% ki dukan Jong ki bar jylla ban ianujor bad ki trai

Shillong: 10-Kyllalyngkot-2021 Kat nang mih ki sngi katta Ka jingkiew ha Ka jingdon ki Nongrwai kiba wan shakhmat ban pynpaw ia la Ka Jong Ka sap rwai Ka jongki Ka la ai mynsiem shuh shuh ia kiwei pat namar kat haduh kine ki sngi don shibun ki jingrwai kiba sngewtynnad bad kumjuh ruh ia Ka jingiaid iew Ka Jong ki lyngba Ka YouTube Kaba la pynsngewtynnad ia kiba bun ki riew ieid jingrwai Ka ri Khasi. Ban ianujor bad ki por ba la dep ha ki 15 snem mynshwa Ka long kumjuh hi hynrei na Ka daw ba ki Nongrwai ba kham mynshwa Kim kot bor satia ban ia iaid Lang bad Kane Ka juk thymmai te kumta bun kiba lah khylliap Noh na Ka daw Ka Jing bym iaid shuh ki kaset jingrwai Ka Jong ki bad don napdeng Jong ki kiba la Shu ai daw ba Ka jingmih ki mobile phone bad memory card Ka pynduh nong ia ki. Haba ngi phai pat sha kane Ka juk Ka long kabu Kaba kham suk shuh shuh ia ki Nongrwai ba kin kamai ja na kane Ka Kam lyngba Ka jingrwai Jong ki da Ka jingpyndonkam da Ka kor Ka bor lyngba Ka internet. Bad nga i

Katkum Ka riti Ka dustur Jong u Khasi Khara naduh kulong kumah hyndai hynthai la dep soit dep sher dep Khana dep Kren Ka duwai Ka phirat ban im Ka longbriew man briew da Ka pateng Ka jait Ka kynja Ka kynthei. Haduh mynta mynne ngi sngewtynnad ba ia kane Ka dang bun kiba bat bad ruh don shibun ki dien jat kiba na Ka Liang u khasi u buh ryntih naduh Ka dustur Ka kolshor Ka kur Ka jait Ka pateng ban sa wan. Don shibun pat kiwei ruh kiba sdang ban wanrah jingkulmar ha Ka imlang sahlang lyngba shibun ki pyrkhat pyrdaiñ thymmai Ka Jong ki ha la Ka jingsngewstad pyrthei bad ban teh lakam ruh wat ia la Ka rympei da Kaba tynneng ia jong kiwei khlem pyrkhat ia Ka lawei bad ia Ka jinglong kyrpang Ka Jong ngi kaba la dep kyntang da u mynbarim lyngba ki khanatang. Shuh shuh don shibun kiba la kwah ban ai jait kpa bad don ruh kiba la dep ban ai jait sha u kpa lyngba Ka jingiohi jngai Ka Jong ki ia la Ka jingiada na Ka bynta Ka lawei. Hynrei Ka long Kaba bakla namar ha u Khasi Khara ym don satia Ka j

Shillong: 9-Kyllalyngkot-2021 Katkum Ka khubor ba la dep na Ka Liang u myntri sorkar jylla uba dei peit ia Ka tnad Social Welfare ne ha Ka ktien Khasi Ka bha Ka miat Ka imlang sahlang Jong ngi u la pynshai ba ia Ka Schedule Tribe la ioh tang da kito ki Khasi kiba ai jait kmie katkum Ka kyndon aiñ Jong Ka jaitbynriew Khasi. Hynrei ha ki por ba la dep don shibun bha kiba ioh ST wat la ki ai jait sha u kpa ruh Kaba pyni ba ki DCs Jong ki district bapher bapher Ka jylla ki la ai naphang ia kat kiba dei Khasi wat Lada ki ai jait sha u kpa. Ym tang ki  DCs wat ki SDO Jong ki civil sub-division ruh ki ai pathar ia Ka ST khlem da pule bniah ia Ka kyndon aiñ Jong Ka Social Welfare bad na Ka KHADC.  Dei tad haduh ba ki nongthoh kot khubor ki leit tur hi sha u myntri kane Ka tnad Ka paw shai ba ki Khasi ki dei hok ki jait kynja ki ban hiar pateng na Ka kmie katkum Ka jingithuh Jong Ka Sorkar India lyngba Ka tnad District Councils Affairs Jong Ka jylla. Hapdeng kine kiei kiei baroh Ka paw shai ba

Ka Gurgee Mandy Kaba la pdiang burom Shillong: 8-Kyllalyngkot-2021 Katkum Ka sla jingthoh khubor Jong Ka Shillong Times Kaba la mih ha Ka 6 tarik u kyllalyngkot u 2021 Kaba la thoh ba Ka Dorbar Shnong Laban Ka la pdiang sngewbha ia Ka Gurgee Nandy Ka nong jop ia Ka Miss India Kaba ngim tip satia mynno bad nangno ia katei Ka jingiakop. Kaba sngewsih Ka long ba kat Ka Dorbar Shnong Laban Ka pdiang burom ia kane Ka briew Ka bym dei satia Ka Khasi bad Kaba ktah Ka long Kaba ki pdiang burom ha Ka ryngkat da Ka jaiñ jingkyrshah Kaba dei Ka riam u khasi kum Ka dustur Ka kolshor. Ym tang katne Ki seng Samla Laban , ki seng Samla kynthei Khasi bad wat Ka Seng Khasi laban ruh Ka don bynta ban pdiang burom ia kane Ka briew khlem da tip satia ia la Ka Tynrai lade. Shuh shuh kane Ka Jing pdiang burom kadei tang na Ka daw ba ka don Ka jingsngew khyllew, ka sngewsarong bad Ka jingsngew kwah burom kwah pawnam jubor bad wat ban klet ia la Ka Tynrai lajong bad ban die ia la Ka Tynrai tang na Ka daw K

KA IEWDUH JONG KA HIMA MYLLIEM Shillong: 6-Kyllalyngkot 2021 Ngim lah ban ong lane tip ha Kano Ka por lane u snem ba na Ka Liang ki nongsynshar Hima ki ju bamsap bad kloi ban die ia ki jaka puta sha ki mynderi tang ban biang malade  khlem pyrkhat ia la u paid u raiot u ba sansot u ba rangli ha la Ka Jong Ka ri. Ym baroh ki Syiem Jong ki Hima hapoh Ka ri Khasi hynrei don ruh ki Syiem kiba pyrkhat ia la Ka khyndew Ka shyiap da Kaba ialeh laitluid na Ka bynta Ka ri, hynrei napdeng kiba bun ki Syiem don tang Wei ar ngut kiba Len lade na Ka bynta Ka hima bad Ka ri baroh kawei. Ngam kwah ban kren beiñ iano2 bad ngam kwah ban thew lane kynnoh iano iano hynrei kaei Kaba ngan pynshai Ka long katkum ki dak ki shin ki ba paw hynrei ban ong ba baroh ki Syiem Jong ki Hima bapher bapher ki long kumjuh kam don satia kum kata hynrei tang kito ki khwan malade tang ban biang ialade haduh ban die syndon sha ki bar jylla ia ki jingdon jingem. Ka jingjia ba khyllah hapoh ri Khasi jongngi, Ka nem sniew Ka w

  Bun na ki Nongrwai Khasi jongngi ki bapli kiba la Shu jah rngai shiteng por na Ka Kam rwai bad sdang ban trei Noh da kiwei ki Kam ban pyndap pynbiang ia Ka kpoh namar Ka jingkhang lad Jong Ka juk mynta ia Ka sap Ka phong Jong ki. Bun na ki, ki ong " ym myntoi shuh ban rwai namar ba lah mih ki mobile phone bad memory card " ki Kaset Kim iaid dor shuh. Ngan iathuh ia phi kane Ka kyntien Ka dei Ka ba bakla namar ha jingim Jong ngi donkam ban iai pyn thymmai ia Ka Jing Im na kawei Ka por sha kawei pat lem kumta ngin hap ban iai bat sah da u Maw ha kti. Hynrei Kaba sngewsih Ka long ba bun na ki Nongrwai ki dei ki bym da nang da stad bha bad tang Ka sap ba ai u Blei najrong bad shuh shuh Kim don shuh da kiwei ki lad ban tynrong iala Ka sap hynrei tang na Ka bynta Ka jingkylla Ka juk ki la Shu kut Noh. Don shibun pat ki Nongrwai kiba lah ban iaid katkum Ka juk bad ki kham kamai shiphew Shah ban ia Kaba mynshwa da Kaba die kaset namar ia Ka kaset ngi lah ban ioh Pisa tang ynda ngi

WAHREW ARCH BRIDGE Ka jingkieng Wahrew Arch Bridge Kaba don ha Wahrew hajan Ka shnong Sohbar na Sepngi bad Ka Nongjri na Mihngi kadei Ka jingkieng Kaba ittynad tam bad kaba thymmai Ka rukom Shna na kiwei pat bad Kaba la khring ia shibun ki nongwan jngohkai pyrthei sha kane Ka jaka lyngba Ka jingittynad Jong Ka jaka Ka jingkhuid Jong Ka um bad Ka jingittynad Jong Ka jingkieng Kaba la khring ia kiba na Jan bad jngai sha kane Ka jaka. Ban poi haduh Wahrew Arch Bridge Ka jngai kumba 76 Km bad Ka shim por haduh 2 kynta 40 minit na Shillong sha Kane Ka jaka lyngba Ka Shnong Sohra bad na Shillong sha Kane Ka jaka lyngba Ka Pynursla Ka dei 79 Km bad shimpor kumba 2 kynta 50 minit. Ia kane Ka Arch bridge la dep ban Shna ha u snem 2018 bad Ka jingthmu Ka long kumno ban pynsuk ia Ka leit Ka wan Jong ki shnong kiba hap hapoh Ka Shella Constituency kiba don sha shilliang Jong Ka Wahrew, kum Ka Nongjri, Rana, Mawsiangei, Nongla, Mawkliaw, Mawlatang, Tyrngei bad Diengsiar kiba la Shem jingeh ha Ka le

Ka Jingkiengjri ha shnong Riwai Mawlynnong Ka jingkiengJri ar mala ha Nongriat Ka jingkieng jri lane Ka Living root bridge Kaba khot ha Ka ktien nongwei Ka dei Ka jingkieng kaba la pynwan dur da ki longshwa manshwa tang da u thied jri Jong Ka Dieng jri ban pynpiar na shilliang riat ne Shilliang wah ban suk ki nongleit nongwan lyngba kata Ka jingkieng Kaba la Shna da u briew tang da u Thied jri. Napdeng ha sla pyrthei ia Ka jingkiengJri lah ban Shem tang hapoh Ka jylla Meghalaya Ka thaiñ shathie phang u Lum Shillong bad don kumba palat phew tylli ki jri kiba don ha Ka ri Khasi Ka jongngi kiba long ban iaid briew lait nangta don SA da ki phew tylli kiba na ngi ki longdien ki pyrshang ban bteng ia Ka Matti u longshwa ha Ka juh Ka rukom ban pynwandur ia Ka jingkieng jri lyngba u Thied jri. Ia Ka jingkiengjri la pynwan dur da u Thied jri ban pynpiar mian pa mian bad Ka long kaba bam por bha ba un piar shaduh kata Ka jaka Kaba la mang. Kiba ju mlien ban leh ia kane kidei ki briew ki barim

Haba ngi phai tang ia u Khristan ngi Shem ba u Blei lane u Khun u Blei u wan paw bad u long ha Ka dur Jong u briew bad uba la wan sha sla Jong Ka pyrthei ban ai Ka jingshakri. Ka jingngeit Kristan Jong ki briew Ka long hadien ba kiei kiei kiba la wan paw ki ju urlong shisha katkum Ka ktien u Blei bad kiei kiei ki kyntien u Blei Kim ju lait satia na ki jingjia bashisha. Ka Jing long pop bad hok Ka dei Kaba hakhmat eh ia u Khristan bad Ka jingsuk bymjukut Ka dei ka symboh Kaba don ha ki riewngeit bad Ka jingsuk bymjukut kadei Kaba bun na ki riewngeit ki ki khmih lynti naduh ba ki dang im bad haduh ban da khlad na kane Ka sla Pyrthei. Ban peit ia ki nongshakri Jong u Blei pat Kim dei satia ki nongshakri Blei ba hok ne bashida namar wat para briew ruh kim pat lah satia ban shakri lane bad iarap iwei ia iwei pat ha Ka jingdonkam bad Ka jingsmat ban leit jingiaseng Kaba man taiew ha ki ba ki la sngew ba kata Ka pop Ka la khuid bad ha ki dap satang da Ka hok ne Ka khuid Ka suba katba shabar k

  SHILLONG. Ka shnong Mawlynnong Ka shnong Ka barit ba don harum Ka pynursla Kaba dei marjan bad Ka border Bangladesh Kaba jngai tang kumba 30 km eiei na Pynursla bad Kaba hap hapoh Ka jingpeit Jong Ka Pynursla civil sub division bad kumjuh Ka Pynursla c&rd block. Ia Ka shnong Mawlynnong katkum Ka Discover India la ithuh bad la ai nam kum Ka shnong rit Kaba khuid tam hapoh Ka dewbah Asia naduh u snem 2003 bad katkum Ka magazine Ka Discover India la dep survey naduh 2001, 2002, 2003, 2004 ia kane Ka shnong bad Ka long kaba sngewtynnad namar Ka dang iai bat ia kata Ka nam kat haduh Ka khyllipmat. Ka shnong Mawlynnong Ka shnong Kaba ki briew ki im ha Ka rep Ka riang Ka shnong Kaba jyrngam da ki jingittynad bad phuh ki syntiew ki skud bad jingjyrngam ki jingthung jingtep kiba ai jingtngeng ia Ka shnong bad ruh ka jingstad Jong ki rangbah ki San kumno ban hikai ia Ka khuid Ka suba Ka la suhthied pateng haduh ba Kan da ioh ia Ka nam Ka burom shabar Jong Ka shnong. Shuh shuh Ka jingittyna

  Lada ha Kano Kano Ka Kam Haba Ka Sur Ka mih ar tylli Ka don Ka jingsting Jong Ka mat ia kren bad ha Kaba khatduh Ka Sur Kan dei tang kawei ban Kan long Ka Rai eh Rai dam na Ka bynta Ka jaitbynriew. Ka jylla Meghalaya Kaba la I donkam naduh kulong kumah ia Ka ILP ne Ka inner line permit Kaba la dawa da Ka KSU bad kumjuh kiwei pat ki seng jong Ka jaitbynriew. Shuh Ka jingdawa Kam Shem la kut wat haduh kine ki sngi ruh lyngba Ki sengbhalang bapher bapher ha la Ka jong Ka bynta. Kiba kham paw eh ha Ka jaitbynriew ki long Ka KSU bad Ka HYC Kaba Ka jingdawa Ka Jong ki Ka long kaba shitrhem ha Ka ban dawa ILP bad Ka jingiaineh jong Ka KSU ban iai dawa bad Ka jingmih Jong Ka HYC ban dawa Ka nang pyn shitrhem ia Ka jingdawa. Sngewsih ban ong hapdeng kine ar tylli ki sengbhalang ym don satia Ka jingiatreilang bad sngewthuh jingmut ban ban pynmih tang kawei Ka Sur ban pynkhlain ia Ka jingiakhih. Lada ym don Ka jingiatylli para khasi jaintia shano kn ngin ioh ia Kaba ngi thmu! bad Lada Ka Jing b

Ka jingbud tynneng Jong ki Samla Ka jongngi na kat Kaba ki iohi ia ki rukom leh ki nongwei kan da pynduh jait shisyndon ia Ka Tynrai Kaba ngi don. La ha Ka riam Ka beit Ka burom Ka akor Ka ktien Ka thylliej.  Kumba ngi tip ba ia Ka ktien Khasi dang dawa ban ioh pynrung ha Ka khyrnit Kaba phra ha Ka riti synshar Jong Ka ri jongngi khnang ba ngin suk bad ban ioh Noh Ka jingithuh ia Ka ktien Khasi. Hynrei shibun kiei kiei kiba na Ka Liang ki khasi khamtam ki Samla ki la lyndet na Ka Tynrai lajong. Haba ngi peit ha ki social media Ka Jing nang kiew ki Khynnah Samla khasi Jong ngi Ka long kaba sngewsarong Hala I Jong I bynta na ki Jing pynpaw ia ki sap bad Kaba pynsngewsih pat la Shu bun kiba pynbud tynneng ia kiwei kiba teng teng Ka pynthoh Bria pynban ia Ka long ryngieng Ka Jong ki lyngba Ka Jing pyllait doh pyllait met Kaba lam sha Kewei pat Ka jingmut Jong ki nongpeit. Ka jingthad ia la Ka Jong Ka met ha ki social media Ka la long kum ki nongdie met bad Ka jingpynlut por Ka Jong ki ha k

Kumba ngi tip ha Ka sorkar barim Jong Ka jylla ba la ialam da u Mukul Sangma Ka don Ka jingiakhih ban dawa ia Ka ILP da ki seng bapher bapher hynrei Ka pyn artatien pat ia Ka sorkar Ka bym dei satia Ka juh Ka lama naduh pdeng Ka ri te kumta ym Shem la lah ban pynurlong lane Kan nym urlong satia. Kumjuh ha Ka sorkar ba mynta Ka don Ka jingiatreilang Malu Malu bad Ka BJP hynrei ba Kan da Don haduh Ka bor Kam pat I lah satia kat haduh Ka khyllipmat. Haba phai biang sha Ka mat dawa ILP la I ba Ka dei ka Kam politik Kaba la leh naduh Ka sorkar pdeng ban pynsahkut bad ban pynslem,. Ka rukom leh Ka sorkar pdeng pa iohi ba Ka la kwah bad la I donkam da Ka sorkar BJP hapoh Ka jylla Meghalaya ruh. Ka jingpynslem Ka long ba kumno ba Ka BJP Ka kwah ban synshar hapoh Ka jylla Meghalaya jongngi kumjuh ruh kumba long ha sorkar pdeng. Hynrei Lada Kam dei kumta SA kaei shuh ban Shu sngap bad pynslem ban pynioh ia Ka ILP bad Ka dei Ka Jing bym burom ia Ka constitutional body Ka Sorkar Meghalaya bad kham

Ka Seng ba la ialam da Ka Agnes Kharshiing kum Ka president Kaba kyrteng Ka Civil Society Women Organisation kadei Ka Seng Jong Ka kynhun ki kynthei Kaba peit ia Ka bha Ka miat Jong ki kynthei hapoh Ka imlang sahlah.  NGA lah ban Shu batai biej ba Ka riti treikam katei Ka seng kum Ka kyrteng Ka lah ban dei ia Ka imlang sahlang ne Ka kynhun ki kynthei ki ba peit ia Ka imlang sahlang.  Haba phai sha Ka rukom long rukom man Ka pyrthei don shibun ki jingjia ba sngewsih lane Ka jingshah thombor ha Ka imlang sahlang bad Ka jingshah nioñ beiñ ki kynthei ha Ka imlang sahlang lyngba kiba bun rukom, bad ruh Ka jingshongkha khleh bad kiwei2 Ka long kaba na Ka Liang Ka imlang sahlang Kam lah ban pdiang Haba Ka kynthei briew Ka long pyrshang ia Ka riti dustur u khasi khara. Don shibun ki mat kiba Ka kynthei khasi ki synniang ha Ka jaitbynriew bad Ka burom Ka ri Khasi jongngi. Ba ngan phai biang sha katei Ka seng ngam da ikop ban ong Kaba lah ban peit ia Ka imlang sahlang lane Ka burom Ka ijot Jong

Lyngba ki shnong ki raid Ka hima bun kiba dang synjor Ka rukom iada ia Ka riti Ka dustur Jong Ka imlang sahlang Ka lawei Ka pateng Jong Ka lashai lashisng na bynta Ka bha jong Ka jaitbynriew haduh Ka pateng Jong Ka ri Khasi. Ka jingwan pynthame Ka Pisa ha kiba bun ki lad kala pyn um ia ki nong synshar shnong ban ai sngewbha ia Ka jaka sha ki bar jylla na Ka bynta Ka jingkamai spah Ka Jong ki khlem da pyrkhat ia Ka longdien. Kumjuh Ka Jing ailad ki nognsynshar shnong ia ki bar jylla kiba wan rung hapoh shnong Ka la buh jingma ia Ka Kam Ka jam Jong ki Samla lajong. Shuhshuh na Ka Liang Ka ING ba dei peit ia Ka jiatbynriew Ka KHADC Kam ju don por ban peit khmih ia Ka Jing shongsyier Ka jaitbynriew hynrei ki sngewbha eh tang kumno ban ioh ban ai trading license sha ki bar jylla ha Ka dor Kaba heh. Ha ki sngi ba la dep na Ka Liang Ka District council Ka la pyrta ba Kan dang ai trading licence ia ki bar jylla kumba leh ha ki por ba la dep khlem Ka Jing pyrkhing. Bad Kan long Ka Jing lyngngoh

Ka Sohiong C&RD block Kaba la ioh ia la Ka jong Ka block naduh u 2017 bat Kaba la treikam Pura naduh u 2019 Kaba la kham pynsuk ia Ka thain na Ka bynta Ka jinkiew ha Ka shnong Ka thaw bad lyngba katei Ka tnad sorkar Kaba dei peit ia Ka bha Ka miat jong ki nongkyndong ha ki Liang baroh Ka la ai jingmyntoi shibun khamtam ia ki riewshim kabu. Wat hapdeng Ka hiran Ka sniew Ka ma ia Ka pyrthei khamtam ia u duk u suk, Kane ka tnad treikam jong Ka sorkar Kaba dang Shu kha Ka la pynjyrsieh da Ka Kam bamsap Kaba la kot da ki phewlak tyngka haduh ba Ka jingbam Ka la paw pyrthei palat haduh ban pyn pyrkhat da kiwei ki lad Haba kiba don hok Kim lah ban ioh bynta. Kane Ka la jia katkum Ka khubor ha ki sngi ba la dep ba lyngba Ka RTI jong ki Samla na ka shnong Mawtap ki la lap ba la pyntrei ia Ka skim PMKKKY ia Ka Madan bad Ka jaka shong ba la bam sap da u BDO ryngkat u Chairman jong katei Ka C&RD Block Kaba la kot baroh sha Ka 60 lak bad Kaba la sei Ka long palat 20 lak hapoh Ka shibnai bad

Ha kine ki sngi kiba bun na ki nongshongshnong Jong ka jylla ki bym dei satia kiba shah kynthup Kum ki riewlum ne tribal ruh ki kwah ban kynthup lem wat Lada Kim dei namar don shibun ki jingmyntoi lada ki bar jylla ki iohlad ban registar Kum ki paid riewlum ha poh ka jylla jongngi. Ka ST lane ka schedule tribe kadei ka syrnot jingpynshisha ba la ai Sha baroh ki paid riewlum Jong kano2 ka jaka hapoh Jong ka ri India na ka bynta ka jingithuh kyrpang IA kita ki riewlum lane ki ritpaid kaba la khot ha ka ktien phareng Kum ki indigenous Tribe. Ha ka jylla jongngi don la tylli ki tribe ba la ithuh da ka Sorkar pdeng bad ki la don la ka Jong ka autonomous District council kata ki Khasi, Jaintia bad Garo. Ha kaba iadei bad ka jingmyntoi na ka ST ka long ba hapoh ka jylla jongngi ki ST ki ioh bhah thungkam khambun ban IA ki general bad ki OBC. Shuh shuh Lada ngi it Kam shabar na ka liang ka Sorkar pdeng ruh ka ju bhah kyrpang Tang IA ki riewlum ne tribes da kaba pynjynsur IA ka rynieng, ka rta,