MEGHINN

Shillong : Naduh ba iakhih bad sangeh kamai ki Kali kamai hapoh sor Shillong bad ha baroh kawei la ri Khasi Ka la ktah shibun ia Ka leit Ka wan Jong ki nongleit nongwan kiba man Ka sngi bad kumjuh ruh ia ki nongbylla niah Kali. Namar kata ki briew Kim banse ban Shu wai Noh da ki Kali private lane phah leit buh hano hano tang BA kin poi sha la jaka ba ki thmu namar bym don ki Kali kamai. Bun bha ki riewshimet kiba la Shu wai bad ban bat Noh da ki Kali private na Ka bynta ban leit iew leit hat, leit Thied leit siew leit thew leit pda lane sha la jaka trei bad jaka ktah Kaba man la sngi. Lyngba Ka jingsangeh kamai Jong ki Kali kamai Ka long shisha Ka jingduhnong ia u paidbah bad Ka jingiohnong ki Kali private kaba shyrkhei ha kane Ka kynti bad lada Kim treh ruh Kan ktah pynban ia Ka leit Ka wan bad Ka khiew ja jongno re. Te kumta ki Kali private  ym ba ki leit ap passenger hi hynrei ki la Shu Shah patrong hano re hano bad la long Kaba sngewsynei ban kin kyrngah ruh.  Don ruh hangne hangt

Naduh ba sdang iakhih ki nong niah kali Ka long Kaba sngewsih ba na Ka liang ki nong leit nong wan ki shitom bha ba bym don ki Kali kamai ne Ka long Kaba jynjar ban kit ban bah ia ki tiar ki tar khamtam ia ki mar rep. Ka jingleh ki nongniah Kali Ka pynduh nong ia ki paidbah kiba lah ud na Ka daw Ka jingjynjar la leit Ka wan khamtam kiba na jngai Ka long Ka jingduhnong Kaba khraw ia ki namar ym don shuh ki Kali kamai. Lada ki nongniah Kali Kim sngap satia ia u paidbah Ka long kaei kaei Ka bym sngewtynnad namar ha Ka kamai kajih Ka shong ha u paidbah bad ban Shu iakhih tang namar ka dor Kam dei la jingkyrkhu Ka long pynban kum Ka jingtim ia ki namar ba jynjar u duk u suk uba donkam shisha ia Ka leit Ka wan.

Don hi katto katne kiba ud ba rem palat Ka dor Bai Kali Jong mynta Ka por hynrei ban ianujor bad Ka por ba jur bha Ka khlam covid baroh baroh ki briew ki ia ud bad ruh ha Ka juh Ka por ki pdiang pat namar hap shong tang khyndiat ngut ki ba shong Kali. Ha Kaba iadei pat bad une u snem thymmai baroh ki Kali ki wan phai sha Ka dor ba kham jem lane Ka lah ban tam 20 ne 30 na Ka por ba barim bad bun bha kiba pdiang na Ka bynta Ka jingsuk Ka leit Ka wan. Hynrei ban Shu ong ba u paidbah u ud u nam namar ba rem Ka dor bai Kali NGA pynrem jur ia kane ba hangno kata Ka jingong ba rem palat Ka dor Bai kali na ka shyntur kiba bun balang lait Noh tang por covid, haoid ngi lah ban Shem uwei ar ngut hynrei ngi hap ban peit ia kiba bun balang pat. Ban Shu Bret bad kynnoh ia Ka sorkar Ka dei Ka dawbah Kaba bakla. Namar ban Shu khñium Kam myntoi ba Ka Kali ba ngi shong ha kane Ka kynti ngi lah ban jied kat Kaba ngi Mon bad Ka dor Ka Jong Ka ruh Ka don la ki Jong ki dor. Ka jingkynnoh khlem nongrim Jong

Haba ianujor bad kiwei ki ri Ka pyrthei Ka ri India Ka dei Ka ri Kaba die rem bha ia Ka umphniang Kali, Ka petrol bad diesel. Ka daw Ka long na Ka Jing shim khajna Jong Ka sorkar ha Ka dor Kaba heh pyrshah ia ki umphniang Kali. Ym tang katto katne ki jaka hynrei baroh kawei Ka ri ki la mad ia Ka dor Kaba rem bad ha ryngkat ki khajna Jong ki sorkar jylla bapher bapher kiba la lum Lem na Ka bynta Ka jingioh Ka jylla. Namar Ka jingkiew Bai umphniang Ka jia ha baroh kawei Ka ri Kam don pat Ka jingktah ia ki paidbah namar baroh ki ia mad kumjuh bad baroh ki ia leit ia wan khlem don satia ki jingeh. Lada u mar rep u rem Kam mut ba yn sah noh hynrei u nongthied u hap hi ban Thied namar ba u rem hi ha kylleng Ka iew ym ba Ka jingkiew petrol Ka ktah tang ia u katto katne ngut u nongrep hynrei ia baroh. Bad Haba ktah ia baroh Ka dor Kan long kawei bad u nongthied u hap ban Thied hi hynrei naei pat yn thied. To da ia pyrkhat bha ba Ka jingkiew ka umphniang Kali Kam ktah satia iano iano ruh hynrei

Kat nang mih ki sngi nang kiew ki Phlim Khasi Jaintia ki jongngi lyngba Ka jingtreishitom ki nong pynmih Phlim bad ki kynrem ki lyngdan kiba pynbiang pynkop ia Ka Phlim Jong Ka ri Khasi Jaintia Ka jongngi bad ruh lyngba Ka Jing ai mynsiem kiba bun Ka la pynkiew arsut shajrong bad wat ban kamai ja tang na Ka Kam Phlim ruh ki la sdang ban ia don katto katne Hala Ka jingtreishitom Ka Jong ki. Ngim lah ban klet katkum Ka RTI ha u 2016 ba la Shem ba Ka Sorkar ba la ialam da u Dr Mukul Sangma Ka pynlut 2 klur tam na Ka bynta Ka Phlim dkhar Kaba kyrteng Ka Rock On na Ka bynta Ka Jingbit jingbiang katei Ka Phlim Kaba la wan ring dur ha kane ka jylla jongngi katta ha Laitlum bad Mawlynnong. Haoid ngi sngewsarong hynrei Ka long shilliang khmat pat ia ki trai ri trai muluk kiba Shem jynjar ban pynbit pynbiang ia Ka Phlim ha Ka rukom Ka badei namar Ka jingduna pisa bad ruh ban Shu shaniah tang ha Ka Kam ak Phlim ruh Kam lah satia ban long, namar ki jingduna bad Ka jingshah ieh khunswet ha Ka so

Haduh mynta mynne Ka jingkiew Jong ki jingrwai Khasi ki long kiba Sted bha na Ka jingtbit Jong ki Nongrwai bad kumjuh lyngba Ka jingtrei shitom Ka la pyn urlong shisha ia Ka Kam ba ki trei ha Ka Kam rwai. Hamar ba ki jingrwai Khasi ki la kiew lypa hynrei don pat Ka jinglong kiba ha man la u Nongrwai u don Ka rukom pyrkhat na Ka bynta Ka jingiaid jong Ka jingrwai bad don ruh kiba la jah kyndong Noh tang na Ka jingbym iaid iew shuh ki jingrwai lane tang na Ka daw ba ki rwai tang na Ka juh Ka phang. Kiba bun hi ki Nongrwai ki pynleit jingmut beit tang ha Ka jingieid Jong ki shijur, Jing Shah shet kylla, bad kiwei kiwei kiba ktah ia Ka dohnud u nongrwai ha Kaba iadei bad Ka jingieid Jong u iano iano. Haoid ngam lah ban beiñ namar kine pat ki jingrwai ki long kiba iaid bha na Ka por sha Ka por. Bad Lada bun ki Nongrwai ki tyrsat Lang ia kiwei kiwei ha Ka jingthoh jingrwai Ka Jong ki Kan Jin da la kham paw bad iaid shuh shuh ki jingrwai lane kin kham paw hi ruh na Ka jingtbit Jong ki ban tha

Kaba video ba tang 16 second hynrei hapoh Ka shibnai Ka la pur sted bha haduh 16 million views ne 1.60 crore ki nongpeit ha poh YouTube Kaba dei Ka video ha Ka por ba dang ring ia Ka jingrwai (behind the scene) Kaba la ai kyrteng "Da kumno sha ngan pynjanai" Kaba dei Ka jingrwai ba la direk da u S Tynsong bad ba la Pynmih da u RC lyngdoh. Kane Ka jingrwai Ka dei ba la record ha pynursla Studio bad Ka dei Kaba nyngkong tam na pdeng ki video hapoh Ka ri Khasi Jaintia jongngi kaba bun tam ki nongpeit.

  Shillong:25-Kyllalyngkot-2021 Ka Jing ioh tnga dkhar Ka dei kawei na Ka jingshah pynbeij Jong ki thei Khasi tang ban biang ialade khlem pyrkhat ia Ka kur Ka kha bad Ka imlang sahlang. Ym tang mynta naduh ki mynnor Ka jur bha Ka jingioh tnga dkhar ki khasi. Haba twad bad ban wan sha khmat lah Shem ia Ka jubab na ki thei Khasi ba ki Shynrang Khasi ki long kiba lyngkar ha Ka imlang sahlang bad nga tharai kane Kam dei Ka khubor ba phylla hynrei phi lah ban iohi ha kylleng Ka ri Khasi bad ki jingiakren hapoh social media ruh ki kynthei ki kynnoh kylla ia u shynrang Khasi ba u long u ba lyngkar ha Ka imlang sahlang tang ban lait ialade na kane Ka this ki ioh tnga mynder. Kumba ong u bah Ardent " ym pat ju don shynrang Khasi uba long kum u Khasi u ba mih thylli na la ing sha la ing Lok ban bsa ia la ki khun Ka Lok, pynshna ing Thied Kali " Ym kum u dkhar ba ioh ia Ka dowry ne Ka dustur seng Jong u ban bsa Lok bsa Khun. Ngi sngewsarong ba u shynrang Khasi u dei uba riewspah mynsiem

Shillong-24-Kyllalyngkot-2021 Bun napdeng ki Samla bad kumjuh ruh ki Khynnah Lada ki leit Skul Ka thong Jong ki barabor Ka dei beit ban long ba kin ioh Kam ynda Haba ki la pass lane lah dep ban pule ha ki kyrdang bapher bapher. Ka Kam Kam shong ha kiwei hynrei Kan shong hangi ba ngin Shu shaniah ha kiwei ia ka Kam Kam dei satia ba Ka jingpule Jong ngi Kam long Kaba seisoh katba ngi dang shaniah ha kiwei. Ki lad ki kabu ia ki Samla wadkam Ka dei ha kane Ka jingthoh kaba ngin SA batai ia shibun ki jaitkam kiba ngim pat ju lah mutdur hynrei Ka shong ha Ka ngi bad Ka long Kaba suk ba ngin trei bad ban pyndap ia la Ka kpoh bad Ka ing Ka sem. Shuh shuh ki Kam ki jam ngim donkam ban dang iatai hynrei ha Ka sawdong sawkun Ka jongngi bad lada ngi long uba smat ngim lah satia wat tang ban trei ruh namar Ka jylla jongngi Ka la theh sei ia Ka spah Kaba kyrhai. Kaba sngewsih bun na ki samla ki ong ba ki dang Thep Kam bad Kim ioh Kam satia hynrei Ka dei tang na Ka daw ba ki kwah Kam suk bad Ka Kam b

Shillong:22-Kyllalyngkot-2021 Ka jylla Meghalaya kadei Ka jylla ba riewspah bha ban ia nujor bad kiwei ki jylla namar Ka don ia ki jingmih kiba biang (raw material) Ka jingriewspah Ka mariang (natural resource) Ka ai jingim ia shibun ki nongrep wat Lada ki sah jngai na Ka surok hynrei ba riewspah Ka mariang Ka long Kaba suk. Hapdeng Ka jingbun ki jingmih na Ka mariang (natural resources) hynrei ym lah pat ban pynkylla sha ki mar die (goods) lane Ka jingpynmih (productivity) bad bun na kine la Shu leit khaii (export) sha bar jylla bad kumjuh bar-ri hynrei ha Ka khaii pat Ka jingleit Thied nabar (import) Ka kham shyrkhei shibun ban ia Kaba leit die shabar (export) Kaba pyni ia Ka jinhduhnong Ka ba shyrkhei tang na Ka daw ba ym don ban nang ban pynkylla sha ki mar die ba la saiñ na Ka karkhana (factory manufacturing) bad ha Kaba khatduh ngi hap leit Thied ia Ka mar lajong da kawei pat Ka dor. Hynrei Ka Jing dang pahuh ki Kam ha kane Ka jylla Ka jongngi Ka long ba ngim pat da dei Ka jylla

Shillong: 21-Kyllalyngkot-2021 Ka Umshit Jakrem Kaba don ha shnong Jaraiñ Kaba don ha South West khasi hill Kaba jngai kumba 15 km na Mawkyrwat bad 64 Km na Shillong Ka dei Ka jaka Kaba mih da Ka umkhluit na trai Jong u Lum ha Ka tei Ka shnong bad Ka long tang ktei Ka shnong Kaba don ia Ka umkhluit ha Ka jylla. Ka jingpawnam katei Ka Umkhluit (hot spring) Kaba la khring ia kiba bun ki nongwan jngohkai pyrthei bad khamtam ia kiba shitom met bad shyieng bad Ka long Kaba iarap bha ia kum kine ki briew haba ki leit ban sum sha katei Ka jaka. Ka Jing bun ki nongwankai ha Ka por tlang um Duna ia Ka 500 ngut ha Ka shisngi ki nongsum bad Ka long Ka jaka Kaba biang na Ka bynta ki nongsum kynthei bad shynrang bad wat Ka jaka jngi ruh a long Kaba paka ia ki nongwankai ba kin ioh kilan ha ryngkat Ka um khluit. Shuh shuh katei Ka Umkhluit Ka long Ka dawai bah ia ki briew ba Pang met bad shyieng namar Ka dei Ka um khluit Ka ba mih na utei u Lum bad Ka jingkhluit Jong katei Ka um Ka long Ka bor bah w

Shillong:17-Kyllakyngkot-2021 Na ri thor Ka ri Khasi Jaintia la iohi kyndiang katei ia Ka jingriewspah Ka ri Khasi Jaintia Kaba Ka Mei ramew Ka la theh sei shibun ki jingmyntoi ia la u Khun u kti uba kup ba shong ba sah hapoh Ka bri. Hynrei Ngim dei ban kheiñ shngaiñ pat ba u Sier Lapalang uba wan tuh wan thiem u don bad yn iai don bad jyllei Lada mangi ngim lah ban iada iala Ka bri nangne shakhmat. Hamar ba jur bha Ka jingiakhih bad jur bha Ka jingpyrshah ia ki riew shim kabu kiba Shu wan shisngi ban pynthoh Bria ia Ka dur Ka dar Ka jaitbynriew lyngba shibun kiei kiei tang ban ioh daw ban ioh sah duh ha kane Ka Ri Jong ngi bad wat ban klun lut ia ki jingdon jingem ruh bad dang don bad bun kiwei pat ki paradoh para snam kiba dang kdup syaid ia ki bad Ka long Ka lad bad Ka mynsiem bah ia ki. Hynrei namar Ka jingkwah suk, Ka rhah Ka  myntoi malade khlem pyrkhat ia ki khun ki ksiew hadien Ka jia long mar khympong haduh ban ailad wat haduh rympei ruh. Ka Shnong "Dawki" Kaba don h

Shillong:16-Kyllalyngkot-2021 Ngim tip haduh katno ki Sengbhalang ki Shem jingeh na Ka por sha Ka por ban thwet bad pynher krad ia kine ki mynderi ba wan trei bylla sha kane Ka bri Ka jongngi na Ka por sha Ka por.  Teng teng ngi ju kynnoh ia ki briew sorkar, ki kynthei khasi, ki Kam benemi, hynrei ngi klet pat ba ki kontraktor Jong Ka ri Khasi jongngi ruh ki dei ki kruiñ Ka jaitbynriew kiba kwah ban iohnong khambun na Ka Kam Ka jong ki, Kim salia ban leit Shaw hi ia kitei ki mynderi na ri nongwei sha la Ka ri namar ba ki kham tad Ka dor. Shuh shuh nalor ba ki leit shaw hi bad ruh Ka pynbiang ia ki kot ki sla na Ka bynta Ka Jong ki bad bun ruh ki kontraktor kiba ju leh baheh ia ki Sengbhalang kiba pyni ia la Ka Nia tang ban pynksan bad ioh myntoi shimet khlem pyrkhat Ka ai Kam ai jam ia ki paradoh parasnam. Dang ha ki khyndiat Bnai bad snem ba la dep ngi Shem shibun kiba Shah kem na Ka Jing talasi ki Sengbhalang bad Kaba sngewsih don shibun kiba bym biang satia ki kot ki sla Kaba la pyn

Shillong:15-Kyllalyngkot-2021 Haba lah ban bud ryngkat ryngkat bad Ka juk stad Ka long Kaba suk wat ban ioh kamai ja ruh namar Ka jingstad technology Jong Ka pyrthei lyngba ki kor ki bor kiba pyn iajan iwei ia iwei ia baroh satlak Ka pyrthei. Haba phai sha kawei na ki lad kamai ja lyngba Ka kor jingstad internet Kaba dei Ka YouTube Kaba bun na ki riew shemphang ki pynlong ia kane kum Ka Kam bad Ka lawei ia ki. Bad don shibun kiba la im bad riewspah tang na kane Ka rynsan bad ruh Ka long kum Ka lad ai Kam ai jam ia ki ba bun. Shuh shuh Ka long Kaba suk ban pyndonkam ia kane bad ruh Ka long Kaba sngewthuh kloi naduh ki jingshna haduh ki nong peit bad dei namar kata don shibun ki briew kiba haduh mynta bad mynne ki iai pyrshang Lem ha kane Ka juh Ka lad kamai Kaba kham suk. Ha ri Khasi jongngi ruh don shibun kiba pyndonkam ia kane Ka juh Ka lad, don ruh kiba shaniah tylli tang ha kane Ka Kam na Ka bynta ban pynbiang ia Ka kpoh don ruh kiba la ai Kam ia kiwei pat bad don ruh shibun kiba la

Shillong: 11-Kyllalyngkot-2021 Don shibun ki jaka ha sor Shillong kiba klun bad buhai da ki bar jylla, hynrei kaei Kaba thoh hangne Ka long ia ki jaka kiba la tyllep lut syndon da ki bar jylla ha poh Ka bri u hynniewtrep hynniewskum Ka Jong ngi. Ka Jing Shah klun Ka dei na ka jingbeij bad Ka Jing shah pynbiej ha ki nongwei shisngi da ki har rukom lyngba ki jali ja-um kiba ki khlei tang na Ka bynta Ka myntoi shimet. Bapli u Khasi u shidur shisur Ka Jing jemnud ban iarap para briew Ka la pynjynsur da kaba ai lut ia kat Kaba don. Ka khaii Ka pateng dei Ka lad kamai spah Jong ki trai ri trai muluk na Ka bynta Ka Kam Ka jam bad ia Ka Ri hi baroh kawei lyngba ki jingriew spah Ka mariang Kaba la theh sei da ki soh ki Pai ki jhur ki khep bad ki mar ba rem dor. Haba peit ia Ka khaii Ka pateng khamtam ia ki dukan hapoh sor Shillong Jan baroh la Shah klun ha ki mynderi shisngi bad Haba iakheiñ kyllum naduh them motphran haduh 9 lad don haduh 98% ki dukan Jong ki bar jylla ban ianujor bad ki trai

Shillong: 10-Kyllalyngkot-2021 Kat nang mih ki sngi katta Ka jingkiew ha Ka jingdon ki Nongrwai kiba wan shakhmat ban pynpaw ia la Ka Jong Ka sap rwai Ka jongki Ka la ai mynsiem shuh shuh ia kiwei pat namar kat haduh kine ki sngi don shibun ki jingrwai kiba sngewtynnad bad kumjuh ruh ia Ka jingiaid iew Ka Jong ki lyngba Ka YouTube Kaba la pynsngewtynnad ia kiba bun ki riew ieid jingrwai Ka ri Khasi. Ban ianujor bad ki por ba la dep ha ki 15 snem mynshwa Ka long kumjuh hi hynrei na Ka daw ba ki Nongrwai ba kham mynshwa Kim kot bor satia ban ia iaid Lang bad Kane Ka juk thymmai te kumta bun kiba lah khylliap Noh na Ka daw Ka Jing bym iaid shuh ki kaset jingrwai Ka Jong ki bad don napdeng Jong ki kiba la Shu ai daw ba Ka jingmih ki mobile phone bad memory card Ka pynduh nong ia ki. Haba ngi phai pat sha kane Ka juk Ka long kabu Kaba kham suk shuh shuh ia ki Nongrwai ba kin kamai ja na kane Ka Kam lyngba Ka jingrwai Jong ki da Ka jingpyndonkam da Ka kor Ka bor lyngba Ka internet. Bad nga i

Katkum Ka riti Ka dustur Jong u Khasi Khara naduh kulong kumah hyndai hynthai la dep soit dep sher dep Khana dep Kren Ka duwai Ka phirat ban im Ka longbriew man briew da Ka pateng Ka jait Ka kynja Ka kynthei. Haduh mynta mynne ngi sngewtynnad ba ia kane Ka dang bun kiba bat bad ruh don shibun ki dien jat kiba na Ka Liang u khasi u buh ryntih naduh Ka dustur Ka kolshor Ka kur Ka jait Ka pateng ban sa wan. Don shibun pat kiwei ruh kiba sdang ban wanrah jingkulmar ha Ka imlang sahlang lyngba shibun ki pyrkhat pyrdaiñ thymmai Ka Jong ki ha la Ka jingsngewstad pyrthei bad ban teh lakam ruh wat ia la Ka rympei da Kaba tynneng ia jong kiwei khlem pyrkhat ia Ka lawei bad ia Ka jinglong kyrpang Ka Jong ngi kaba la dep kyntang da u mynbarim lyngba ki khanatang. Shuh shuh don shibun kiba la kwah ban ai jait kpa bad don ruh kiba la dep ban ai jait sha u kpa lyngba Ka jingiohi jngai Ka Jong ki ia la Ka jingiada na Ka bynta Ka lawei. Hynrei Ka long Kaba bakla namar ha u Khasi Khara ym don satia Ka j

Shillong: 9-Kyllalyngkot-2021 Katkum Ka khubor ba la dep na Ka Liang u myntri sorkar jylla uba dei peit ia Ka tnad Social Welfare ne ha Ka ktien Khasi Ka bha Ka miat Ka imlang sahlang Jong ngi u la pynshai ba ia Ka Schedule Tribe la ioh tang da kito ki Khasi kiba ai jait kmie katkum Ka kyndon aiñ Jong Ka jaitbynriew Khasi. Hynrei ha ki por ba la dep don shibun bha kiba ioh ST wat la ki ai jait sha u kpa ruh Kaba pyni ba ki DCs Jong ki district bapher bapher Ka jylla ki la ai naphang ia kat kiba dei Khasi wat Lada ki ai jait sha u kpa. Ym tang ki  DCs wat ki SDO Jong ki civil sub-division ruh ki ai pathar ia Ka ST khlem da pule bniah ia Ka kyndon aiñ Jong Ka Social Welfare bad na Ka KHADC.  Dei tad haduh ba ki nongthoh kot khubor ki leit tur hi sha u myntri kane Ka tnad Ka paw shai ba ki Khasi ki dei hok ki jait kynja ki ban hiar pateng na Ka kmie katkum Ka jingithuh Jong Ka Sorkar India lyngba Ka tnad District Councils Affairs Jong Ka jylla. Hapdeng kine kiei kiei baroh Ka paw shai ba

Ka Gurgee Mandy Kaba la pdiang burom Shillong: 8-Kyllalyngkot-2021 Katkum Ka sla jingthoh khubor Jong Ka Shillong Times Kaba la mih ha Ka 6 tarik u kyllalyngkot u 2021 Kaba la thoh ba Ka Dorbar Shnong Laban Ka la pdiang sngewbha ia Ka Gurgee Nandy Ka nong jop ia Ka Miss India Kaba ngim tip satia mynno bad nangno ia katei Ka jingiakop. Kaba sngewsih Ka long ba kat Ka Dorbar Shnong Laban Ka pdiang burom ia kane Ka briew Ka bym dei satia Ka Khasi bad Kaba ktah Ka long Kaba ki pdiang burom ha Ka ryngkat da Ka jaiñ jingkyrshah Kaba dei Ka riam u khasi kum Ka dustur Ka kolshor. Ym tang katne Ki seng Samla Laban , ki seng Samla kynthei Khasi bad wat Ka Seng Khasi laban ruh Ka don bynta ban pdiang burom ia kane Ka briew khlem da tip satia ia la Ka Tynrai lade. Shuh shuh kane Ka Jing pdiang burom kadei tang na Ka daw ba ka don Ka jingsngew khyllew, ka sngewsarong bad Ka jingsngew kwah burom kwah pawnam jubor bad wat ban klet ia la Ka Tynrai lajong bad ban die ia la Ka Tynrai tang na Ka daw K

KA IEWDUH JONG KA HIMA MYLLIEM Shillong: 6-Kyllalyngkot 2021 Ngim lah ban ong lane tip ha Kano Ka por lane u snem ba na Ka Liang ki nongsynshar Hima ki ju bamsap bad kloi ban die ia ki jaka puta sha ki mynderi tang ban biang malade  khlem pyrkhat ia la u paid u raiot u ba sansot u ba rangli ha la Ka Jong Ka ri. Ym baroh ki Syiem Jong ki Hima hapoh Ka ri Khasi hynrei don ruh ki Syiem kiba pyrkhat ia la Ka khyndew Ka shyiap da Kaba ialeh laitluid na Ka bynta Ka ri, hynrei napdeng kiba bun ki Syiem don tang Wei ar ngut kiba Len lade na Ka bynta Ka hima bad Ka ri baroh kawei. Ngam kwah ban kren beiñ iano2 bad ngam kwah ban thew lane kynnoh iano iano hynrei kaei Kaba ngan pynshai Ka long katkum ki dak ki shin ki ba paw hynrei ban ong ba baroh ki Syiem Jong ki Hima bapher bapher ki long kumjuh kam don satia kum kata hynrei tang kito ki khwan malade tang ban biang ialade haduh ban die syndon sha ki bar jylla ia ki jingdon jingem. Ka jingjia ba khyllah hapoh ri Khasi jongngi, Ka nem sniew Ka w