Ki dawbah Jong ka jingdheng kali hapoh Sor Shillong

Ka dawbah Jong ka jingdheng kali hapoh sor Shillong kam dei na ki khynnah skul ne ka jingdheng kali kam da dei than ba ki khynnah ki leit skul bad ki pyn sahkut lane pyndheng kali. Ngim tharai ba kiba bun ki khynnah kin don kali lade.

Bad ka jingdheng kali kam ju Jia ha ki kynta sdang skul hynrei wat haduh phai sngi ruh ka dang don. Bad ka jingdheng kali barabor ka jur bha naduh ka por 8:30 haduh 11 baje man ka sngi bad ha ka sngi nyngkong taiew ka dei naduh 8 baje mynstep haduh 1 baje janmiet. Bad kane kam dei satia na ka daw ki khynnah skul.

Kine harum kidei ki dawbah ka jingdheng kali hapoh Sor Shillong.

Ñongtrei Ophis: Don da ki spah tylli ki Ophis Sorkar hapoh sor Shillong bad kumba 60 haduh 70 percent ki ñongtrei ki don ia ka kali lade bad ngin Shem ruh ba ha ki Ophis Sorkar ha phyllaw ju dap snam da ki Kali ki ñongtrei bad ngin Shem tikna ba uwei u ñongtrei kawei ka kali ynnai ia kren ia ki MLA ne ki Minister.

Ki nongmihkhmat. Baroh na ki 60 ngut ki nongmihkhmat ki don Ing ha Shillong bad kumba 30 ngut ki MDC ki sah beit ha Shillong. Ka jing iarung iamih na kylleng ka jylla hapoh sor Shillong ka long kaba jur ban leit kynduh la ki nongmihkhmat ka jur bha bad ka dei kawei ka lad kaba pynbun briew bad wanrah ka jingdheng Kali.

Driving License: Ka jingai license pathar na ka Ophis Jong u DTO wat la Kim da dei eh kiba da pass class 8 shaneng bad haba apply ia ka license ruh bun Kim nang lane Kim pat da ioh training, na ka daw ka jingbamsap Jong ki ñongtrei ha DTO la Shu ioh pathar ia ka license bad ka pynshlur ban niah kali bad kaba wanrah ka jingdon bun ngut ki driver, ba ia kali Kali leilei suk ban ioh.

Jingduna Ophis ha ki District: ka jingphiah ia ki district ka dei ban pynsuk ia u paidbah pynban ban Shem ia ka jingbit jingbiang dang Duna bun ba hap leit sha sor na ka daw bym don ñongtrei lane ka jing bym don responsibility ki nongtrei la ha ka koit ka khiah ne ha lad jingiarap lane ym don ki Ophis kiba iahap.

Ka Por leit skul ki khynnah: ha ka kynta ba 8 baje mynstep ka dei kaba jur bha namar ka dei ka kynta kaba ki kmie ki kpa ki bunkam bad kyrkieh bha ka leit buh skul kham bun hi ki dei kiba wanrah da ki Kali lajong bad kaba pynkhapngiah shuh shuh ia ka sor ha ki kynta rung skul ka jing ki.

Surok inter district hap iaid na Shillong: Ban leit sha Ribhoi na West Khasi hill district bad South West Khasi hill dist bad na thain shathie ka East Khasi hill hap ban iaid na pdeng jong ka Sor Shillong kumjuh ban leit sha Guwahati ym don Shillong byepass road lait noh tang ka Guwahati Silchar kaba byepass na ka nongbah Shillong kaba la kham sting shisha.

Bym biang ki police traffic. Ha ki kynta dheng kali don shibun ki jing iaknieh rung khmat lane overtaking kaba lah pyn wanrah arshah ia ka dheng kali kaba Jia na Mawiong sha Lumdiengjri bad na 7 mer ter ter haduh Rilbong.

Jingkwah suk; don kiba sah laitumkhrah ki leit trei da ka kali ha Lachumier, don pat kiba sah ha nongthymmai ki leit trei ha Laitumkhrah da ka kali, na Jaiaw bad Mawkhar sha 9 lad da ka kali, shuh shuh na Mawprem ha Iew da ka kali, ki briew ki kwah satia ban pynjynjar ialade haba biang pat ka tyngka te than hi ka suk ban sa ap jingma pat ia ka koit ka khiah.

Dang don shibun shuh kiba pynlong ia ka jingdheng bad sahkut kali hapoh sor Shillong bad ngi Shu ong ba ha ka jylla jong ngi kam da dei eh ka jaka kaba bun kali hynrei baroh baroh ki lad ki kynti ki don tang ha Shillong bad teng teng kam long shisha kaba sngewtynnad ban ioh wat ia ka district lajong ruh namar don shibun ki kam hi kiba hap pyndep sha Shillong kum ha ka Districk Khliehriat, Mawkyrwat bad kiwei kiwei ruh kiba dang thymmai.