Sdang ka HINDUTVA mission ban pynkylla Hindu ia baroh ia ki ritpaid ha Northeast india

Katkum ka khubor kaba la mih ha ka 7 tarik u bnai April 2022 shaphang ba kumno ki 8 jylla jong ka thaiñ shatei lam Mihngi ka ri India ba ki la pdiang ba pynlong ia ka Hindi Subject kum ka compulsory subject haduh class 10 kaba mut ki khynnah ki hap ban shim beit ia kane ka Subject khlem lah ban kyntait haduh ka Class 10.

Ha ka ri baroh kawei lah bun ki jylla bad jaka kiba ka hindutva ka la urlong bad ia mynta ka la sdang sa ban pur ha ka thaiñ lam Mihngi ka jongngi namar ha kane ka thaiñ ka shimpor bha  namar ki don bun ki Kristan bad ki niam tynrai Jong ki jaidbynriew rit paid bapher bapher hynrei wat la katta ruh ka buit Jong ka BJP ka lah saindur bha da kaba pynrung nyngkong ha ki skul kiba dei ka kabu jong ka shlem saiñdur jong ki Hindu.

Ha ka HINDUTVA mission katkum ka jing thoh u V. D Savarkar u la pynpaw Shai ba la pynmih ha u snem 1923 ia kane ka mission bad ka daw bah hi ka long ba kumno ban ialeh pyrshah lane ban pynduh bor ia ki Muslim ha kane ka ri ban kyntiew ruh kum ka Hindu Nationalism ym da kiwei pat. Da kane ka Hindutva ka la pynmih bad seng ia ka RSS ha u 1924 kum ka volunteers organization, ka VHP kaba dei ka Seng ne ka Hindu Organization ha u 1964 bad ka BJP kaba dei ka Seng saiñ hima Sima ha u 1980. Bad kine baroh ki trei kam ha la ki bynta bad ha ka juh ka thong ban wanrah ban pynkhlaiñ bad ban pynkylla Hindu ia baroh ha kane ka Ri India jongngi la ka dei lyngba ka jingiarap lane ka sain hima.

Shuh u V. D Savarkar u la pynpaw da kaba ong ha ka jingthoh jongu "He excludcd Muslims and Christians from the Indian nation because they did not consider India as a holy land because their sacred religious places were situated outside India." Kaba mut ia ki Kristan ruh yn nym ailad satia ha kane ka ri India bad thmu ban wanrah ruh kum ka ri ki Hindu.

Shuh shuh ngim dei ban klet ia ka CAA bill bad ka jing pynduh ia ka 370 articles ha Jammu Jammu and Kashmir ha kane ka khyllipmat ruh ngim dei ban sngewphylla hynrei ban ong ka subject Hindi Kan poi haduh une u pud kam lah shuh ban ong ba i dei I kam barit bad ka la dei ka kam kaba sdang bad kaba lah pynjot ia ka niam Kristan khamtam ia ki rit paid Jong ka thaiñ jing ngi kiba don lem la ki jong ki niam tynrai ne katkum ka riti ka dustur.

Namar kata ka BJP kam dei satia kaba da pynsngewnguh ne sngewtynnad ia ngi hynrei ka seng BJP hi ngi ka sngewthuh Shai ba Kam lah iaid lait na ka Hindutva mission kaba dei ruh ka dawbah ba ka BJP ruh ka mih. Kan dei ka nongshun jongngi bad ngin ong ba kan nym trei ha ba paw hynrei da kiwei pat ki lad da ka jigthmu ban pynduh jait ia ka hok ba kylluid u paidbah dakaba pynbit ha ka niam Hindu.

Ngim dei ban klet ba ka ktien pura lane kata ka Official Language ka jylla jong ngi ka dei ka Ktien English bud sa da lai tylli ki kyntien la da donkam nalor ka English kata ka ktien Khasi, Jaintia bad Garo kum ki Alternative langauge bad ngi dei ban pynksan beit ia kane.