MEGHINN

Kumba ngi tip ba ka BJP ka dei ka party Jong ki Hindu bad ka dei namar ki nongialam Jong katei ka party ki dei nongialam ba radbah Jong ka niam Hindu bad kumjuh ka thong ba hakhmat Jong katei ka party ka dei na ka bynta ka niam .  Ngi da sngewshngaiñ eh pat namar ngi don ia ka Secularism ha ka ri India baroh kawei na ka bynta ka hok Jong baroh hala ka jong ka jingngeit blei ne ksuid khlem da pynthut pat ia kiwei. Sngewsih ba naduh u snem 2014 ba la sdang ban urlong ka jingthmu barieh Jong ka RSS kumjuh ka VHP lyngba ka BJP hapoh ka synshar khaddar da kaba thmu beit ban pynlong ia ka ri India kum ka HINDUSTAN . Shuh shuh ka jingpynkylla ia ka Pisa ha u jan kut snem 2016, ka jing pynlong aiñ ia ka CAA ka jingwanrah ia ka NRC ha ka jylla ba synshar ka BJP, ka jingthmu ban iuhroit ia ki rit paid riewlum, kumjuh ka jingdusmon ia ki Kristan da kaba pyniap ia ki Lyngdoh niam bad ban pynjot pynpra ia ki jaka Mane ha kiwei ki jylla bad lyngba ka jing synshar ka BJP bad ka jingwanrah ia

  Loading…

Ka jingmih Jong u Hm Shangpliang na Congress sha Trinamool Congress bad khatduh sha BJP hapoh shisnem ka dei tang na ka daw ba u kwah shuki CM hapoh ka jylla Meghalaya. Kumba tip baroh ba ki Khasi hi Kim pdiang satia lano lano ruh ia ka Seng BJP namar ka dei ka Party iuhroit ia ki ritpaid riewlum bad ia ki niam Kristan bad ia kane lah ban pynshisha lyngba ka aiñ CAA, ka jingkynthup ia ki Kyntien Hindi kum ki compulsory subject bad ka jing pyntrei kam ia ka UCC ha kiwei ki jylla bad lada jop ha kane ka jylla Meghalaya kane ka UCC ka lah ban urlong. Nalor kitei balei u Khasi ym pdiang ia ka BJP ka dei halor ka jingdonkti ban pynslem ia ka ILP wat haba lah dep rai da ki 60 ki nongthawaiñ ka jylla Meghalaya bad ka jingthmu ban iapeiñ ia ka ILP da kaba pynduh ia ka District council lem bad ka 6 schedule baroh kawei. Shuh shuh ka BJP kumba tip baroh ka dei ka ka Party kaba trei na ka bynta ka Hindutva mission ne kata ka jingthmu ban pynlong kawei ka niam bad ka jaidbynriew ha poh ri India ka

Katba nang mih ki sngi ka jingkordit jing kyrduh kam ha ka jylla jongngi ka nangjur ha kaba bun bha ruh ka jingjyllei ki kam tuh ki kam thiem bad wat ki kam khaii tuh bad kiwei pat ki kam sniew kiba la jylliew ha kane ka samla. Kiba bun na kine ki dei ki samla kiba dei ruh ki lawei jong ka ri ka bri u hynniewtrep bad ka jylla baroh kawei hynrei sngewsih ba wat ki nongikai ruh ki hap mih surok aiu ngin khmih lyngti ia kito ki samla ba dang shu dep ia ki jingpule jong ki. Katkum ka jingtip ba tikna la tip ba u IAS officer u Vijay Kumar uba dei uba iajan bha bad u Chief Minister ka jylla jongngi u Conrad K sangma u la iohlad ban pyniaid bad ban teh lakam haduh 60 tylli ki kam. Shuh shuh utei u IAS u don bha ka bor ban pyniaid ia kitei ki kam bad dei na kane ka daw kaba pynlong ba ka jingkyrduh kam bad jinkyrduh pisa jong ka jylla jong ngi namar la wan ban tuh ei ia ka kamai jongngi. Bad ia mynta ngi la smgewthuh bad ngi la tip tikna hi ba ka daw jong ka jingkyrduh kam ha ka jylla wat la d

Kumba ngi iohi man u snem ba laju rakhe lane lehkmen da kata ka tamasa Cherry Blossom hapoh ka Nongbah Shillong ba la pyniaid da ka sorkar lyngba ka tnad Tourism kaba la pynphuh pynphieng da shibun ki riew donsap. Kane ka tamasa ka ju long man u snem hynrei duna napdeng ki Khasi khamtam na ki thain nongkyndong kiban ioh wan shim bynta ban pyni ia ka sap rwai ne shad. Kiba bun hi ki dei kiba don ka lad bad bun ruh kiba na bar jylla kiba ioh wan shim bynta ha kane ka tamasa. Ym tang ha katei ka Tamasa wat ha ka Meghalaya Day kaba ju pynlong man ka snem bun hi ki nongrwai ba na bar bad ki bym dei satia na ka jylla la ju iohi ia kane markhmat. Ban shu batai khyndiat hangne ka long ba napdeng ki nongrwai Khasi kiba bit bad kiba ju rwai kit jingmut kim don satia ha ka thup ba kin ioh don rynsan lang khamatam kat ka tamasa jong ka sorkar. Napdeng kiba bun ki nongrwai kiba tbit ki dei na ka thain nongkyndong ym kiba shu syiang jubor da ki kor ki bor pyrthei mynta hynrei kiba ioh lad eh mynta k

Katkum ka reasearch team jong ka The Daily Maps ka la lap ba hapoh ka ri India napdeng baroh ki jylla hapoh ka ri kaba wan ba nyngkong eh ha ka jing pep skul ki khynnah shiteng por ki dei na ka jylla Meghalaya. Lyngba katei ka reaserach la lap ruh ba kiba pep skul shiteng por ne ka Dropout students ba hapoh ki class 10 ka long haduh 39.2 % jong mynta u snem kaba lah pynkiew arshah na u snem 2021. Kaktkum ka jinglap jong kitei ki stad wad bniah la lap ruh ba ka jingpep skul ki khynnah ka jur bha ha ki jaka nongkyndong ban ia ki jaka sor bad ha ki thain nongkyndong ki don tang ki skul Lower Primary bad tang katto katne eh ki shnong kiba don la ki jong ki Upper Primary. Shuh shuh ki la lap ba ha  ki jaka nongkyndong ki don tang ki school shnong ne school balang kiba long Government undertaking katba ki skul sorkar ne kita ki Government skul ki don tang ha ki jaka sor. Ka jingpep skul shiteng por ki khynnah ka long ba don bun ki shnong kiba don tang haduh class 5 bad katto katne haduh clas

U Bah Lakmen Rymbui Jong ka Party UDP uba dei u MLA na Amlarem Constituency uba bat ruh kum u Minister Jong ka tnad Pohing(Home) bad ka tnad Pule Puthi(Education) ha kane ka sorkar kaba mynta u la wanrah shibun ki jingmyntoi tang ha la ka Constituency. Katkum ki khubor lah iohi ba na ka liang utei u nongmihkhmat ka Amlarem Ula lah ban leh bha ha ka constituency lajong khamtam ha ka Pule Puthi ha kaba dang Shen Ula lah ban plie thymmai ia ki ar tylli ki ing skul sorkar thymmai bad ruh ban pynioh da ka tulop sorkar ia ki Nonghikai ha kitei ki skul. Sngewsih pat ban ong ba une u myntri Jong ka tnad Pule Puthi ym don satia pat ka jingbahkhlieh na ka bynta ka Jylla baroh kawei khamtam ia ki Nonghikai kiba ju iakhih na ka por sha ka por ban ioh ia ka hok lajong ka jong ki na ka sorkar. Khamtam ia ki Adhoc bad SSA kiba ju ioh Tulop ynda haba ki la mih ha surok ban dawa kaba shimpor ruh da ki taiew da ki bnai. Kumba ngi la iohi ha ki lad pathai khubor ka long ba na ka liang ka Sorkar khamtam h

Kumba paw hi ka long ba na ka liang ka sorkar bad ka tnad Taxation na ka bynta ban pynkhlaiñ ia ka ioh ka kot ka sorkar lyngba ki khajna ka la wanrah ia ka khalai bah hapoh Ribhoi District kaba lah khot ha ka ktien nongwei ka Casino. Katei ka khalai la pynbna paidbah da u myntri ka tnad Taxation bad ka daw hi ka long ban aikam aijam ia ki samla Jong katei ka thaiñ bad ia ka jylla hi baroh kawei. Shibun kiba pyrshah bad shibun kiba sngewkhia halor kane namar ka dei ka kam khlai kaba lehse ioh ki samla jongngi hi kiban ngop nyngkong ha katei ka kam. Kumba paw haduh mynta ka jingpyrshah na ki paidbah ki Sengbhalang ka dang iaid shakhmat katba ka Sorkar pat ka la dep ban ai ia ka NOC lai tylli sha ki bar jylla syndon. Kata ka kyrteng Jong ki ka long, U Sajan Gopinathan Nair,  Sourabh Khanderwal bad u Ratul Sethi. Kane ka pyni ba tang ka kam kam pat sdang katba ka sorkar ka la mang lypa da kiwei pat ki briew ki bym dei na kane ka jylla katba ka rukom kren ai kam ai jam ia ka samla Jong ka J

Lada ka Sorkar ka bthah bad pynbor ia ki paidbah ba kin sieh Lama ha man la ki ing ka pyni ba ka Sorkar kam pat ai laitluid pura ia ka ki nong shongshnong. Mynshwa ha ka sngi laitluid tang ki nongtrei sorkar kiba Shah siew tulop sorkar ki hap pyndep ia ka kam rakhe sngi laitluid ha kato ka sngi hapoh ka jaka treikam ia kiwei kiwei pat ki long laitluid ba ioh ban leh kat kaba ki sngewbit na ka bynta ka jingsngew ha Jong ki. Ha ki por Bala dep ha ka sngi laitluid ka ri India bun nàki khynnah ki leit kai leit ialehkai, don kiba leit kai shi ing shi sem, don kiba shongkai pyngngad ha la ki ing. Bad kine kine ki dei shisha kita ki Dak ka jinglaitluid. Haoid ngi burom ia ki ba la Len lade hynrei mynta ka kynti pat ngi Shem ba ngim pat long laitluid lada ka sorkar ka dang pynbor lane bthah ba dei ban sieh Lama naduh ka 13 tarik u August bad ka dei ka sien ba nyngkong ban leh kumne. Ka jingpynlut da ki spah Klur ha kane ka sngi katba ban invest ha ka Employment crisi bad kiwei kiwei ka sorkar

Bun na ki nongmihkhmat khamtam kiba dang thymmai ki ju pyn iapmat ialade bad pynthame jubor sha ki paidbah da ka jingsam khiew bad jingsam Pliang tangban ioh kata ka jing iaroh lane ka jingshaniah na ki paidbah. Hynrei u nongmihkhmat paidbah kam shong eh ha kata ka shong kumno ba uta u nongmihkhmat u long shisha u dap shynrang uba shlang ban ang ha Ing Dorbar na ka bynta u Paidbah. Kumba long u Bah Teibor Pathaw u MDC ka Mawlai constituency ngim Shem la iohi ba um dei u riew kren lane u riew ieid ia ka jaidbynriew kumba ngi iohi ha ki dorbar thawaiñ hapoh District council ngim ju iohi ba yn dei uta u ban kren kumno ban iada ia ka jaidbynriew lane kumno ban pynkhlaiñ ia ki aiñ kiba don ha ka Council ne wat kiba thymmai ruh. Ban long nongmihkhmat kam shong ha ka jingsam khiew sam pliang, ong u President Rangbah ka KSU hynrei ki paidbah Kim dei ban Shah ialam bakla bad haba jied nongmihkhmat dei ban jied ki riew shemphang kiba tip ia ka aiñ kiba tip ban pynbor ia ka dorbar ba dei ban wanr

Ka Sorkar Jylla Meghalaya ha ka jingialam u myntri Rangbah Conrad K Sangma bad u Minister ka Sport Kim lah satia lane lah ban ong ba Kim kheiñ snep shuh ia ka sap Jong ki samla ha kane ka jylla namar kumba long mynta ka Sports ha ka Jylla kam dei satia ka Rynsan na ka bynta ka Lawei Jong ki Samla. Ngin peit ki jaka mareh ngin peit ki jaka ia kilan Jong kiwei pat ki jait sport kum ka Football, cricket bad kiwei kiwei Kim don satia wat ha nongbah Jong ka Shillong ruh yn nai ia kren sha ki thaiñ nongkyndong. Ha Nongbah Shillong ngin Shem ba ym don satia kawei ruh kata ka madan ialehkai football kaba biang kaban nujor bad kiwei ki jylla laitnoh ka madan ialehkai Jong ka SAI kaba dei ka ba bei na Sorkar pdeng bad ka 3rd ground ka MFA kaba iarap da ka FIFA wat la katta ruh ka dang dei tang da ki phlang Plastic ne ki Austro grass yn nai mutdur ia u Hybrid grass uba katkum ka juk mynta. Ngin peit ia ka Madan JN Complex polo ruh ngi Shem ba la pynpra ia u Austro bad synthetic bad tip haduh lano

Sngew phylla ia kata hynrei ka dei ka jingshisha bad lap ruh da la ki jong ki khmat ba ka Surok bah NH kaba don ha Pynursla Constituency ka dei kaba sniew Tam na ki surok ha ka jylla. Jingshisha ngi tip ba la kumba saw snem Tam u MLA kane ka thaiñ uba long ruh kum u Minister ka PWD (Road) bad haba tip na ki paidbah bad haba la lap da la ki jong ki khmat la Shem ba ka dei kaba shisha. Ka surok naduh na rum Laitlyngkot haduh Pynursla ki long kiba jot rathai kumjuh na rum Pynursla haduh Shwa ban Poi Siatbakon ruh ka jot rathai bha bad narum Siatbakom haduh Pongtung bad ter ter shaduh Wahkdait ne Sohlong ngi Shem ba ka Surok ka syrtap da ki thliew. Shuh Shuh shwa ban poi ka Jingkieng Dawki leilei ka Surok ka long kaba sniew bha bad jynjar bha ban iaid ki kali nalor ba ki surok ki long kiba rit than ha kitei ki bynta. Ka Surok ka dei ka budlum Jong ka roi ka par hynrei kane ka kynti la lap ba ka jingpynpaw bad bynniaw na ki paidbah khamtam na ki nongniah kali kamai kiba Shem jingeh ban pynk

Kumba ngi tip baroh ba ha ka jingim ba man ka sngi ne ha ka rukom long ka met ka phad jongngi, ngi ki Ritpaid riewlum kumba haduh 90 percent ngi long kiba kham rit ban ia nujor bad kiwei pat ki heh paid lane ki ritpaid jing kiwei pat ki bynta ka Pyrthei. Ngi iajan malu mala bad ngi long iajan bha bad ki middle asian bad East Asian ha ka ryngieng ryngiot. Bun na ngi lada ngi long standard lane kata ka life style Jong ngi ka la long ryngkat bad kiwei ki jaidbynriew kiba la nang ia ka thoh ka pule naduh 1950 Ad hynrei ngi don ka sap ba ngi dei ki riewlum. Ban peit tang ki paid khasi jong ngi kumjuh Jaintia bad Garo ngi lap ia ka Average height lane ka ryngieng kiba bun balang ka long 5 phut Tam 2 ne 3 inchi katba ha ki kynthei ki long 4 phut shiteng haduh San phut, lada lap ba u shynrang yn don 5 phut Tam 6 7 ne 8 inch lah dei uba jrong na kibabun balang kumjuh ki kynthei lada palat ia ka 5 phut la ju ong ba ki dei kiba jrong. Ban iada na kine kiei kiei baroh ki ba ju pyndonkam ia ki Soci

Ha u 2018 ki nongjop ha ka Election MLA ha ka jylla jongngi dang kham jop bun ki MLA na ka Party Congress ha ka jingialam u Dr Mukul Sangma, bad ha utei u snem ka Party Congress ka ioh 21 seat bad NPP ka ioh 20 seat. Ban pyrkhat naduh u 2018 kiba bun ki paidbah ki dang shaniah ia ka Party Congress bad katno Tam mynta lei ba ki la mad ia ka thok ka shukor ka bamsap ha kane ka sorkar Jong ka MDA ba la ialam da ka NPP ngi ngeit ba kiba dang iai kyrshan ia ka Congress Kan dang khlaiñ bha ha kane ka jylla. Sngewsih pat ba kita ki nongialam ba ha khmat ka Congress ki wanrah ia ka jingkulmar haduh ba ki sitting MLA haduh12 ngut ki phet na kane ka Party, bad kiba bun hi ki leit iasoh bad ka Party All India Trinamool Congress. Lada ha u 2018 ki paidbah ki ieid ia ka Congress katto ba ngeit ba mynta lei kin nang kham kyrshan shuh ia ki nongialam congress wat la ki la leit sha kiwei pat ki Party kum ka AITC. Lada pyrkhat bha ka NPP ka ioh 20 seat ha u 2018 ha ka por bym pat lap daw ki paidbah myn

Ngim tip ka Balang aiu bad hangno kane hynrei kum ki riewngeit Jong u Blei nongbuh nongthaw ngi pynrem jur ia ki nongpyniaid balang khamtam kiba donkti ban pyn bynta jaka shong ia kiba rit bad kiba heh kyrdan. Kumba iohi ha dur ngi lah ban ong ba kane ka sngi ka dei ka sngi kaba pynkthang ia u Blei trai kynrad uba iohi ia ka jinglong Jong ki riewngeit Jong u namar ha khmat u Blei ngim long kumjuh baroh da kaba bynta ia ki briew kiba kham kongsan kumba la thoh ha katei ka kot sada "sitting for VIP" kamut ia kiba long kongsan Hynrei Kane ka sngi kam dei satia ka sngi kaba pynsngewbha ia u Blei bad lah ban ong ba kane ka jingleh ki nongpyniaid niam ka long ka jingniewpoh ia kiwei pat lehse hakhmat u Blei ki long kumjuh tangba para briew pat ki long pietpoh bha ia kiba rit bad pynkhraw ia kiba bit ba biang. Une u briew u ba don ha kane ka jingiaseng u dei u shakri jong u paidbah bad ma u, u dei tang u shakri da pyrkhat bha katba ka jingsngew jong u bad ki nongpyniaid Jong ka ka j

U Awanish Sharan na ka Jylla Bihar dang ha ka 8 tarik u July 2022 u la phla bad pyllait ia ka Marksheet ka jong u kaba u la pass ia ka 10th Standard na ka skul ka jong u na Bihar bad hangne lah ban iohi ba Kam long satia kaba lah ban ngeit. U Awanish Sharan ha katei ka Marksheet kaba u la pyllait ha ka Tweeter ka la pyn kyndit ia kiba bun namar ha ka por ba u pyndep ia ka class 10 u ioh da ka 3rd division. U Awanish u la pyndep ia ka 10th standard ha u snem 1996 bad u la pass ia ka exam IAS ba la pyniaid da ka UPSC ha u snem 2009 bad wan ruh ha ka kyrdan ba 10 napdeng ki spah ngut kiba iakhun. U Awanish u la iakhun na ka quota Jong ka Chattisgarh Cadre bad u la pass ia katei ka exam tang ha ka shisien iakhun bad mynta u trei ruh hapoh Chattisgarh. Katei ka jingpynpaw Jong u Awanish ka la pyn ai mynsiem ia kiba bun balang ba ban long ki Indian Civil service kam shong eh ha ka Marsheet ne ki Paper hynrei ka shong beit ha ka khlieh kaba une/ ka ki don ka jingthmu ban treikam. Lyngba kane

Na ka liang u paidbah ym pat klet satia ia ka jingjia kaba la Jia ha u snem 2019 ha kaba ka jingiakhih kaba shyrkhei bha ha ka Northeast baroh kawei namar ka sorkar pdeng ka ba la ialam da ka BJP ka wanrah da ka Bill CAA kaba ktah shisha khamtam ia ki rit paid riewlum kum mangi. Kane ka jingiakhih ka long kaba la ia umsnam ha kaba ki paidbah bad ka jaidbynriew baroh kawei ki pdiang ia kane bad ban da ioh buhai shnong hi da u bar jylla ha ka ri jongngi te ka bym lah ban long namar kata la mih ka Sur pyrshah na ki seng bhalang bad na ki nongmihkhmat ruh kumjuh. Na ka liang ka sorkar ruh ka tem ia ki jingiakhih bad ka la pynpaw ruh ba ka jingleh ka sorkar pdeng ka long kaba pyn iuhroit ia ki ritpaid ba lada Jia ba wan buhai shnong shisha ki bar ri ha kane ka ri jongngi kamut ka ri bad ka jinglong riewlum jong ngi Kan duh noh. Nalor kata ka sorkar jylla ba la ialam da ka NPP ka la pynpaw kajuh hi ka sur bad ban nang iai kren ruh sha sorkar pdeng ba la kumno kumno dei ban weng ne pyllait no

Katkum ka jingiohi bad lap shaba iaid ba ieng ba la don ka jingtynneng na ka riam kiwei pat bad kham bunsien hi dei ki kynthei kiba ju pynthohbria ia ka imlang sahlang da kaba pyndonkam da ka riti dustur kiwei pat. Kumba ngi ju Shem ngi lap ka long ba ym pat don satia ka aiñ na KHADC kaban teh lakam ia ka riam ka beit lane ban pyrkhing ia ki paradoh parasnam khnang ba ki Khasi kin nang ban tyngkai la ka riti ka dustur khamtam ha ka riam . Ka KHADC kaba peit ia ka Pynneh ia ka riti ka dustur ngim tip ioh lah don pynban ia ka Dress Code bad khlem pyntreikam hynrei haba peit wat kiba trei ha KHADC ruh don kiba pyndonkam da ka Salwar kaba dei ka riam ki non-tribal. Balei hap iakren kumne ka long ba ngi la iohi ia ka jinghiar ki samla Kynthei kiba riam kyrshah arliang ne kyrshah shilliang shaba don kino kino ki kam kyrpang bad Shem ba Kim ju riam shuh da ka riam Khasi laitnoh ki nonghikai skul bad ki nongtrei sorkar. Kaba sngewsih eh ka long ba ha ki jingiaseng heh lei lei lah kham ñiar ba

Ka Rynsan iakop pyni sap kaba kyrteng ka Ha Rynsan Meghalaya Rising Star kaba dei ka Season 1 kumba la kynnoh da ki paidbah ka dei kaba bam Pisa bad kaba khrong Pisa na ki khynnah kiba wan shim bynta. Ka jingkhwan Pisa bad jingbam Pisa katei ka kynhun pyniaid ia ka tei ka jingiakop ka dei lyngba ki Coupon ticket kiba ki Nongiakhun ki hap ban die. Ka jingpyniaid ia katei ka lympung shisien peit ngi ngeit ka dei kaba thok kaba shukor namar u ba don sap haba ym lah ban die lane ban ioh pisa kamut ym don sap katba u bym don sap eiei ruh em haba u don Pisa pat hangta u ioh lad wat ban rung sha ka Final round. Kane ka Lympung ka dei ka jingiakop kaba thok bad kaba shukor namar palat da ki hynniew phew ngut ki khynnah ki hap ban die ia kitei ki coupon na ka bynta ban ioh rung sha ka Semi final ne ka Final. Bad napdeng kitei ki nongshim bynta ka jingdie ia ki coupon kiba dei ha ka juh ka por ka vote ym Duna ia ka 20 hajar marwei bad kiba khamioh ne kham riewspah ki lah ban pynlut tang ha ka vo

Ngi ju iakren ba ki kam hapoh kano kano ka tnad ka long kaba Suki wat la dei ba ki paidbah ki leit Ophis ki hap ban ap da ki kynta ba ki nongtrei ki slem por palat. Nalor kata bun ki nongtrei ha sor Shillong ki ju aidaw ba blok kali bad kiba dei ka por trei kum ju poi bad kane ka la pynsahteng ia ka kam kaban pyndep shisngi hap ban dep palat 2 sngi kaba shi taiew haduh shi bnai. Lada iakren leilei sha ki thaiñ nongkyndong leh mon bad leh kynjai palat ki nongtrei bad duhnong u paidbah. Ha ka sngi sdang taiew leilei yn nym khmih lynti ia ki nongtreikam paidbah ba Kim don lada don ruh haduh 1 baje nohphai sngi bad tang 2 ne 3 baje ki lh leit. Shuh shuh ngi ju iohsngew ba ka baje secretariat ka ju tied naduh ka por 9:59 haduh 10:00 baje mynstep hynrei lada sakhi da la ki khmat don shibun kiba palat ia kata por. Ki Ophis kiba donkam palat u paidbah khamtam ha ki thaiñ nongkyndong tang ka sngi ba long Iew bad teng teng bun hi kiba wan 2 ne 3 sien shi taiew bad sngew lyngngoh ruh ba ki nongtr