Nangrit ka map Meghalaya

Haduh kine ki sngi na ka liang ka Sorkar Meghalaya kumba ka la ioh la kajong ia State naduh u '72 haduh kane kA khyllipmat ka shu long Tang ka kyrteng bad khlem ka Nongrim kaba don ia ka kper kaba skhem kaba la pynlong IA ki nongshongshnong ba kin don ha ka jingeh khamtam kito kiba sah ha khappud Bangladesh kumjuh bad ka Assam.

La ju iakren na ka por Sha ka por bad la ju ud ju nam da da ki paidbah ki ba sah ha khappud lyngba ki Sengbhalang bapher naduh ki phewsnem ba ka Sorkar ka la don ba kin leh IA ka ba donkam khnang ba ka kan don kata ka jingshong suk shongshngain bad IA ka lawei ka jylla Meghalaya hi baroh kawei.

To ngin ia kren Tang ki bynta Jong ka Khasi Hill, Jaintia hills bad ribhoi district. Kine ki 6 district ki dei ki jaka kiba kita ki nongshong shnong khappud ki ju Shem jingeh na ka por Sha ka por lyngba ka Jing shah Pyni bor ha kiwei pat ki jaitbynriew na ka jylla Assam bad kumjuh na Bangladesh ruh. 

Ha u 2018 ka Sorkar ba la ialam da ka NPP ka la buh IA ki jingkular ba hakhmat duh IA u paidbah Jong ka Meghalaya ba kansa ka wan ha ka bor kan pynbeit Noh IA u pud u Sam u ba la shu ieh shrah naduh ki phewsnem.

Ka jingjia kaba kham sngewsih kadei ha u 2010 kaba 4 ngut ki Khasi ba sah ha langpih ki la khlad na kadaw ka jingia kynad khapud bad ka Assam bad bun ngut kiba mynsaw na ka daw ka jingshah siat ha ki pulit Assam kumjuh ruh ka jingkyntur ki Nepali ha ki thain ka Rambrai jyrngam na ka por Sha ka por ban kam jaka bad ban tampud Sha Meghalaya ha ryngkat ka jingaiarap ki pulit Assam. Ym tang katta ka Jing shah lehbein bad leh heh Jong ki khar Assam kaba la pynlong ba bun na ki nongshong shnong ba ki dap Tang ka jingsyier jingsmiej.

Bad ruh ki bynta Jong ka khapud Bangladesh naduh Dawki, Pardiwah, Lyngkhat, Hatthymmai bad haduh Ichamatti bad Majai kiba long ki jaka laitluid ban IA rung IA mih haduh kine ki sngi. Ka jingwan rung ki khar Bangla ha kitei ki thain ka long ban tuh ban thiiem IA ki Mar rep bad ka long ka jingduhnong kaba khraw. Hynrei ngi donbok ba ki shnong ki shimkhia IA ka jingrung Jong kine ki mynder bad bun pat ki BSF ki ju pyllaid IA ki bad ka jingdap ka Sor shillong ka la ktah Lang ba d

kito kiba wan Bangla.

Balei pat nga Ong ba ka Map ka nangrit?

Ka Langpih haduh kine ki sngi ka don ha ki jingsyier na ka jingtam pud ka Assam bad kumjuh ha ka Thain Rambrai. Kumjuh ha ki Border Bangladesh bun na ki briew ki don ka jingma na ka jingshlur bad ka jingsynjor Jong ki BSF ban syntiat bha IA ki barung ban tuh maw na ki wah Khasi bad kum ki jingrep kiba kamai jakpoh na ka kam rep. Ka Madan phutball ha Lyngkhat Mar shiteng la shah pynduh bad pynhap Sha Bangla. Shuh shuh ka jingduhnong iaba khraw IA ka bri ka khyndew naba ki sainar khapud ki ban sa tei ki bam shibun ka jaka na Meghalaya nalor kata ki lah ban rep 100 meter na u kine of actual control kaba pynishai ba kata ka jylla Jong ngi ka la nang hiar bad rit ha ka jjngthew jaka. Namar haduh kine ki sngi kam pat don ka Dak lane ka jingpyrshng ban thaw lane tei sainar shiah IA ka jylla baroh kawei.

Sa katno ngin ia umsnam na ka bynta ka khyndew ka shyiap Jing ka jaitbynriew naba kheinsting ka Sorkar.