U Khasi u Ritpaid namar dang don Ka "sang" Ka "ma"

Ka Jing kharoi u Khasi Ka Suki bha ban ia nujor bad kiwei ki jaidbynriew ha Ka snieh pyrthei namar ki dei ki jaidbynriew tipbriew tipblei, tipkur tipkha, Kaba don shibun Ka sang Ka ma Haba ia shongkha shongman.

Ka jaidbynriew Khasi jongngi Kaba Ka jait Ka kynja Ka hiar pateng na Ka kynthei (matrilineal system) bad Ka dei Ka rukom hiar jait Kaba Duna bad Kaba ngi dang lah ban niew ha kane Ka pyrthei ia Kita kiba hiar jait na Ka Kynthei.

Ha Kaba iadei bad Ka shongkha shongman Wei ba ngi lah dei tang kajuh Ka kyrteng jait ruh Ka lah long sang ia ngi katkum Ka riti dustur Ka Jong ngi katba ngi dang dei ki Khasi wat la ngim don jingiadei ne Ka jingiajan ha Ka ing Ka sem.

Shuh shuh Lada ngi dei shipara arkmie ne shipara lai kmie ne shipara I mei bad I pa Jong kiwei (Shi bakha) Kam long ban ia shongkha. Lada u kynum u ioh ia Ka para bad u hynnen u ioh ia Ka para u kynum Ka long sang namar Ka kylliang khiewja. Ynnai ia Kren ia Ka shipara arkmie Ne laikmie ba kiwei ki jaidbynriew ki lah ban ia shongkha.

Ha Ri jongngi ban ia kheiñ ia Ka jingbun ki Khasi Ka long Kaba dang Duna bad Ka long Kaba suk ban treikam treijam ruh namar ngi dang Duna ban Shu ia pyrkhat. Hynrei Haba than pat Ka suk haduh ba Shah Shah kyllep ha kiwei pat ki jiadbynriew.

Ka sang Ka ma Ka dei Kaba lah don naduh u kulong kumah u riew rim uba lah jah uba lah soit lah shor lyngba ki Khana tang khnang ban im Ka jaidbynriew ha Ka snieh pyrthei namar lyngba Ka sang Ka ma Ka pyni ia Ka Jing burom ia u Blei nong buh nongthaw Ka sahit Ka khyndew Ka jingthaw Ba im baroh.

Dei namar kata Ka Ri Khasi Ka ri tipkur tipkha Ka ri baieid ki Blei Kaba ju lait na Ka jingeh pyrthei bad na Ka shipa kum Ka Jong kiwei namar ngi dang don u Blei u ba ker ba da iangi haduh Ka kawei.