U Khasi Um Ju Sngewtynnad ia u "BSEIÑ" Mano kita ki bseiñ.

Ha Ka kot Khasi Kaba nga lah pule ha Ka por ba nga dang rit bad nga da Shem tikna ia Ka laiñ ba thoh ba "u Khasi um Ju Sngewtynnad ia u bseiñ" bad ia Ka kot ngam lah shuh ban kynmaw namar ki lah bun palat ki kot Khasi ba nga pule bad nga ngeit skhem ba ngan Shem biang bad ba ngan da kynmaw syndon ia ka kot bad ia u nongthoh ruh khnang ban kham skhem Ka jingmut ha ban pynpaw.

Ka phang pdeng Jong kane Ka laiñ bun na phi, phi lah ban pyrkhat Jan ne jngai bad lada Ka Jan ruh Ka iahap hi bad Lada jngai leilei Ka dei Kaba iahap palat palat.

U Khasi myn hyndai ia u mrad jingthaw uba um Ju Sngewtynnad u dei u bseiñ bad barabor Haba u ia kynduh u ju pyniap khlem pynsep ei khamtam Lada u khang lynti bad lada dei leilei u seiñ iong kamut Ka daw poh Ka jem daw kane lypa Lynda pyniap marmar. U Khasi uda isih IAP IAP ia u bseiñ namar u dei u nongshet shukor bad u bym sngewthuh la Ka daw Ka tynrai ynda Haba u Mon ban puh ruh ha ryngkat Ka bih Kaba shyrkhei yn ksam Lang.

Dei namar kata Ka daw Haba u Khasi bad ia u pateng ruh Lada u lap bseiñ ha lynti ne ha Ka jaka Kaba um dei ban don nga tharai bun hi u ban pyniap bad kane Ka long thik Ka pharshi ia Ka longbriew man briew.

Ba Lada ia u briew ba shet shukor Nadien ki Kali jaum kiba u lah khlei ha phi bad u bun sngewthuh ia Ka jingiarap Jong phi ia u bad u ba dang wad daw ban leh sniew Nadien ba phi lah iarap lah khot u seiñ puh.

Ban ia Kren ia Ka jaidbynriew baroh kawei pat don shibun ki bseiñ puh ha kane Ka bri jongngi ki bym sngewthuh ia Ka khyndew Ka shyiap ia Ka riti Ka dustur bad ia Ka thymmei Kaba lah kha ia ki. Bad ruh kiba mut ban die lilam pynban ia Kita kiba leh bha bad kiba lah ioh jingbha ha Ka dur Ka dustur, shongkha bad Ka jinglong paid riewlum.

Ki Bseiñ kiba don ha kane Ka ri Jong ngi ki dei kiba lah heh lah San bad lah kha na kane Ka jaka bad Ka pateng hynrei kiba mut ban die Noh pat tang na Ka daw ba ki khwan myntoi shimet bad ki long kum ki kruiñ Ka jaidbynriew ban bampong.

Shuh shuh ki Bseiñ kiba don ha kane Ka ri jongngi ki long kiba shyrkhei bha namar wat Haba Kim iohlad ruh hynrei ki nud ki am ban wiar la u ryndang Shaba don Ka lad.

Ki Benemi kiba khwan myntoi shimet ban biang Ka malade ban IAP Ka jaidbynriew, Ki ba ioh tnga Mynderi ban biang Ka spah junom, ki Syiem bamsap kiba die la Ka Hima, ki nongsynshar Jong Ka jaidbynriew kiba Shu Kali kti bad katno lei ia kito ki nongialam Sengbhalang barim kiba lah don (teng) ha Ka bor synshar Sorkar.

Kum Ka jaidbynriew Lada kine kiei kiei baroh kiba lah Kren bad siat lypa da u mynbarim Kim jah noh Ka jingkulmar bad Ka ia umsnam Kan nang kham jur nangne shakhmat lada don Ka jingiakhih bad lada tang Ka klikti Ka bri Kan mad ia ka bih ne Shah kyllep ha kpoh Jong ki bseiñ.