Ka wah ba khuid tam hapoh dewbah Asia Ka don ha Ka jylla Meghalaya

Nalor Ka Thame River Ka wah Kaba khuid tam ha Ka pyrthei hynrei ha Ka dewbah Asia ruh don ka kawei pat Ka wah Kaba kiba bun ki nongleh research ki lap ba Ka don hapoh ri India. 

Bad shibun na ki research hapoh Ka Ri India ki pynskhem ba Ka wah ba don ha Ka jylla Meghalaya Ka dei Ka wah Kaba khuid tam hapoh India bad shibun ki research bad ki nong wan jngohkai pyrthei ki hiar sha katei Ka jaka man Ka por ban sakhi da la ki Jong ki khmat ia katei Ka jingkhuid Jong katei Ka wah.

Ka Wah Umngot Kaba don ha Dawki Ka dei kawei na ki wah Ka jylla bad hapoh ri India Kaba khring shisha ia ki nongwan jngohkai pyrthei. Nalor ba Ka dei Ka wah Kaba khuid (crystal clear) Ka don ia ki jaka ba ittynnad namar la pud da ki mawsiang bah narud Jong kane Ka wah ha katei ka jaka bad Ka don ia ki jaka ba pyngad ia ki nongsah Kai pyngngad ha katei Ka wah bad shibun ki maw ba ittynnad bad ki shyiap ba khuid phar phar kiba la da Sait tikna bad phrang da Ka umbah ha ki por lyuir.

Ha Ka por tlang kumba palat da ki hajar ngut ki nongwan jngohkai ha Ka shisngi ha kane Ka jaka bad kiba bun ki dei kiba na bar jylla. Bad shibun ruh ki Rawon kiba khwai man Ka sngi ha Ka por lyuir naduh u bnai August haduh October kiba ym Duna ia Ka 500 ngut ki nongkhwai ha Ka shisngi na Ka Shi lynter Ka wah Umngot bad kiba bun ki dei ki rawon kiba wan kham na jngai bad pajih na kane Ka wah.

Ia Ka wah Umngot lah pynlong da ki them Ka ri Khasi bad Jaintia bad Ka don hapdeng kum u pud ia Ka West Jaintia bad Ka East Khasi hill district bad kane Ka wah Ka don ia Ka jingkieng Kaba lah rim bad pawnam bha Kaba lah shna naduh u snem 1932 naduh Ka sorkar Phareng bad Kaba dang skhem haduh mynta na Ka bynta ki Kali bad ki Kali kit jingkit kiba kham rit.