Ki MLA ki dei ki nongshna aiñ ym ki nong sam scheme

Kumba ngi tip baroh ba ki M.L.A ne ki Member Legislative Assembly ki dei ki dkhot na ka bynta ban shna aiñ ne ka legislation kumba Ong ha ka ktien phareng ba la kumno kumno hi ki dei ki nongshna aiñ ban iatai hapoh ing Dorbar ka Sorkar jylla na ka bynta ka bha ka miat Jong ka met ka phad ka jylla khamtam ha la ki jaka kiba ki nongmihkhmat ki mih (constituency) 

Haba peit pat mynta kine ki Member Jong ka Legislative Assembly Kim ju ia pyrkhat bha ha kaba iadei bad ka legislature ki lapmiet ban ia kren ia ka development kaba la don lypa man ka por bad barabor hynrei kaba kongsan hi ka long ba lada ka jylla ritpaid jongngi ka don shibun ki aiñ ki kyndon lane ban nang pynjanai shuh shuh ia ki ba la don kiba iada ia ka jylla jongngi nga tharai ka development ka la wan lypa namar shisien ba ki aiñ ki kanun ki don ka revolutionary ha ka jylla Ruh ka shim jaka bad Lada ka revolution ka treikam ha ka jylla kamut ka development ka la wan la ka wan hi.

Ngin Shem ha ka por ba ialap election ym don uwei Ruh u ban kren ba ynda yn Da ioh shong ha Assembly shibun ki aiñ ka jaidbynriew ngin pynmih bad ban shna na ka bynta ka jaidbynriew ne Jong Kato ka jaka. Pynban kibun bha ki tip tang ia ka scheme bad ki jingtei kiba lehse ka pisa jingiarap Ruh ka dei napoh central bad kaba lah don lypa ban Ong hi ba ngin wanrah ia ka aiñ bad iada kyrpang ia ka jaidbynriew ha ka por election ym pat ju iohsngew.

Ym dei ba ki nongmihkhmat ki pynbeij hynrei dei ba Kim sngewthuh kamut aiu Legislative bad hato haduh katno ngut ki nongmihkhmat ka jylla kiba ju kren Dorbar bad nga tharai marshiteng Ruh ym don kiba ju ieng ban Ong ba kane ka mat ngi hap ban wanrah Da ka bill kaba thymmai khnang ba ka jingiarap bad ka jingiada ia Kano Kano ka Kam Kan long kaba seisioh ym ban Shu ia kren ia ka scheme ne ka grant kaba la don lypa Da ka jingtreishitom kiba rim.

Ka jingiakren hapoh Assembly kiba bun hi ki Shu ia kren ban wanrah ia development bad Shu ia ud ba ka jingduk jingsuk, ka shitom shipa, ka jingduna ki Kam ki jam bad ka Jing kyrpad Ruh ba dei ban ai jingiarap ne pyllait pisa lane ban wanrah development. Bad ngin shem ym ju Kham don pat kiba ju kren haban ioh ai jingmut syndon ban shna Da ka aiñ ne wanrah Da ka mat ha kaba iadei bad kane Kano Kano kaba donkam eh lane ka jingduna ka legislation ha ing Dorbar thawaiñ ka jylla ka long kaba Duna bha 

Ban peit ia ki Liang pyrshah Ruh lait na ka pisa Kim ju kynthoh Da kiwei pat ban peit mat dong ia kiwei wat la ki Leh bha Ruh hynrei ban ai jingmut lane ban pynbor ia ka Bor synshar ba dei ban pynjanai lane amend ia ki jingdonkam ne jingdonkam Jong ki aiñ lane ki act bapher bapher kiba ktah ia ka jaidbynriew jongngi Kam ju don.

Ka Jing Duna kiba shim bynta ha Ing Dorbar thawaiñ ka jylla ka pynduhnong bha ia ka jylla bad ia Kato ka constituency kaba don ia u nongmihkhmat uba thylli bar kine ki nang tang ban pyndonkam ia ka scheme kaba la don lypa bad Lada dei u Minister kamut ka Kham bun pisa hynrei paidbah bapli tangba u la thep Da ki scheme Sorkar Ruh ki la sngewdei eh ba uba bit katba ha Assembly u khiew ba thylli.

Dei namar kata ha kaba iadei bad ka development ka Sorkar ka la don ia ki nongtrei ha la ki jong ki tnad treikam ia ki paidbah bad kine ki dei kita kiba trei na ka bynta ka development bad ki nongmihkhmat pat Sha Ing Dorbar thawaiñ ka jylla ki dei tang ban pynwan dur pynjanai bad pynbit pynbiang ia ki tnad Sorkar Lada dei ki Myntri bad kiwei pat ha ka jingai jingmut lane ban nang wanrah shuh shuh ia ki kyndon ki kanon ba hap ban Leh eiei na ka bynta ka bha ka miat Jong ki paidbah ka jylla ha ka dur ka legislative.