Nalor ba rem Bai Kali sa ka kylla tiar jot ki kali na ka scheme JNNURM

Ka scheme Jawaharlal Nehru National Urban Renewal Mission kaba la pynmih ha u snem 2005 na ka bynta ban pynsuk ia u paidbah nongiaid nongieng ha ki jaka sor da kaba pyndonkam da kane ka bus JNNURM ha ka dor kaba rit bad ruh ban nym ktah than ia ka dheng Kali.

Kumjuh ha ka jylla jongngi ngi lah ioh lem ia kane ka scheme ha u 2011 bad ka jingioh ia ki bus ka long da ki spah tylli na ka bynta ba kin shakri ia u paidbah ha ki jaka sor bad ruh ba ki paidbah kin siew ha ka dor Bai Kali kaba jem lane kaba kham Duna na kiwei pat ki kali kamai ba la long trai shinet.

Ia kane ka scheme la shimti da ka tnad Urban Affaiar ha ka Municipal area namar ka dei ka scheme Urban bad kane ka tnad ka la Shu aiwai ha bun ki briew bad ki jaka sor na ka bynta ban pyn kamai katkum ki kyndon kiba ka sorkar ka buh.

Ia kane ka scheme ngi lah ban pyndonkam tang hapoh sor bad kiba shong ia kitei ki bus kin long ki jingmyntoi namar ki hap ban siew ha ka dor kaba rit eh nalor kata ki dei ruh ban shim ia ka receipt print na ka bynta ban pynshisha ia ka rukom kamai.

Ka long ka jingkyrkhu naduh ba wan kine ki kali ne ki bus JNNURM lane kiba ki khot paidbah ki dei ki bus saw khmut bad kiba lah ban kit shibun ki passenger bad kaba wanrah ia ka jingduna ruh ha ka dheng Kali.

Hamar ba ka jingiaid ka por ka jing ia shong bus saw ki paidbah ki lah klet ban shim receipt na ki conductor bad ruh ban shah pynshong khapngiah bad nalor kata ki paidbah mynta ki por ki hap siew thik ia ka dor Bai Kali kumba siew ia kiwei ki kali shimet.

Ka Jing pynsyrwa kai ka ophis municipal bad Urban Affaiar ia ki Bus ba la sniew da kaba Shu ieh shrah tang na ka daw ba ki thut malu mala bad ngin lap ba da ki spah tylli ki trok ki la kylla tin jot namar katei ka tnad kam Shem la shimkhia wat la dei kba Shu iohi ei ruh.

Ka jingiohnong lane ka jingiohlum Pisa katei ka tnad tang na kane ka skim ka long kaba shyrkhei hynrei ban nang pynjanai lane ban nang pynkham suk shuh shuh ia ki paidbah kam Shem la don shuh. Ka Bai Kali ka la rem katkum ka dor Jong katei ka scheme JNNURM bad ki conductor Kim ju ai receipt shuh nalor kata ka jingthep khapngiah kaba lah ktah shisha khamtam ha ka por Jong ka khlam kaba la pynioh nong pynban tang na ki nongniah Jong kitei ki bus.