Da ki hajar ha ka shi sngi tuid ki nongjngohkai na kylleng ka jylla, ka ri India bad bar ri sha kine ka jaka

Wat la dei ki jaka ba la kham paw bad ki jaka ba la tip paidbah kam mut ba ka nam bad ka jingittynad Kan jah noh hynrei ki nong wan jngohkai wat la ki la dep ban wan sha kine ki jaka imat ynda haba ki iohlad ki ju leit ym tang shisien hynrei 2 sien bad 3 sien ki dang kwah ban leit sha kane ka jaka namar ka dei ka jaka kaba ki nongwan jngohkai Kim ju ngiah satia na ka daw ka jinglong jingman ka mariang kaba la ai sngewbha da u nongbuh nongthaw.

Shispah na ka shispah ha ka jylla jong ngi ki jaka jngohkai Kim dei satia kiba la shna bad pynwandur da ka kti u briew hynrei ka dei tang ka jing ohshrong Jong ka Mariang bad ka jingittynad ka long kaba palat Liam la ha ki lum ki them, ki Maw ki krem, ki khlaw ki btap, khlaw ki dieng, ki wah ba tuid ki Kshaid ba rumphum bad ka jinglah ban tynkai bad lehkhuid ka la pynlong ia kiei kiei ba kin long kiba Ittynad bad kiba paw ym tang hapoh ka ri hynrei ha shityllup ka Pyrthei.

Tang da ki jingtei ka Mariang ngi iohi haduh katno ka jingtuid ki nongwanjngoh kai pyrthei sha kane ka jaka bad kaba kyllum lang ha ka shisngi palat 8000 ngut kiba wan nabar sha kane ka jaka ri Khasi jongngi ban peit bad ban iohi da la ka Jong ka khmat ia ki jingtei ba Ittynad Jong ka Mariang ha kine ka bri jongngi.

Ka Sohra ka dei kawei na ki jaka jngohkai kiba bun kim ju ngiah ban leit da ki ar lai sien sha kane ka jaka wat la dei kiba na Jan bad markhap kane ka jaka ki ju smat ban leit kai sha kane ka jaka bad katno lei kiba na jngai ha ba ki poi sha kane ka jaka. Ka Sohra ka dei ka jaka jngohkai kaba Pawnam bha ha ka ri India bad shabar ri ruh kumjuh na ka jingdon ki Kshaid ba Ittynad ki krem pubon Jong ki syiem hyndai, u maw Khoh Ramhah, ki riat bad ki ram kiba la pynshoh biej bha ia ki nong wan jngohkai bad ym Duna ia 2000 ngut ki nong wan jngohkai ha ka por tlang ha ka shisngi bad kumba 500 ngut shisngi ha kiwei pat ki aiom.

ka Mawlynnog ka dei kawei na ki jaka jngohkai kaba man ka sngi ym Duna na ka 800 kiba jngoh ia kane ka shnong kaba rit eh hynrei kaba bat pat ia ka nam ha ka dewbah Asia baroh kawei na ka jingkhuid jingsuba bad ka jingdon ka jingkieng jri kiba ym Duna da ka spah ngut ki briew ba poi man ka sngi sha kane ka jaka ha baroh ki aiom Jong u snem.

Ka Wah Umngot kaba dei ka wei na ki wah hapoh ka jylla Meghalaya kaba paw bha bad kaba Ittynad shibun kat nang mih ki sngi na ka jinglong sngur bad khuid katei ka Wah ba wat sha duh sha tduh ngi lah ban iohi da la ka Jong ka khmat na ka daw ba ka khuid palat. Ka jingwan tuid ki nongwan jngohkai sha kane ka jaka kaba ym Duna na ki 2500 ngut kiba poi sha kane ka jaka ha ka shisngi haba shu kheiñ kyllum ka don haduh bun bynta kiba leit sha kane ka Wah lyngba kiba bun ki shnong. Don kiba leit na Dawki hajan khappud Bangladesh, don kiba leit na wah Dawki ka phang Jong ka East Khasi hill, don kiba leit kai lyngba ka shnong Darrang bad don ruh kiba ju leit bad ban sah miet ruh ha Shnongpdeng kaba dei kaba kham paw nam khyndiat halor ka rukom long rukom man ka shnong.

Ym tang katta ka jingkieng Wahrew Arch Bridge kaba don ha ka Wah Kaba kyrteng ka Wahrew kaba don hapdeng ia ka Sohbar bad ia ka Nongjri. Kane ka jingkieng ka dei kaba nyngkong ha ka jylla ban shna kum tei bad ka dei ka jingkieng kaba ha ka shisngi ym Duna na ka 300 ngut kiba tuid sha kane ka jaka namar ka jing sngur ka Wah bad khuid ka pynlong ruh ia ki nong wan jngohkai ba kin leit sha katei ka jaka kaba biang bha bad pyngngad ha ka por tlang.

Ym tang katta ka Laitlum kaba don ha Jan Smit ka dei ka jaka kaba shngiam bha na ka bynta ban shongkai bad iaid Kai pyngngad bad ban bam ja khana ruh kumjuh namar ka dei ka jaka kaba khring bha na ka rukom long ka Mariang bad kaba Shah dur bha ruh ban peit bad ban iohi kyndiang ia ka thaiñ Mihngi kumjuh ia ka shathie Jong ka ri Khasi jongngi. Ha ka shisngi ym Duna ia ki hajar ngut kiba tuid sha katei ka jaka bad ngi lah ban ong ba ka dei ka lad kamai ja kpoh jong kito ki nongshongshnong kiba ka jaka haba don ka Tourist spot kaba biang.

Ym tang katta don shuh shibun kiwei pat ki jaka jngohkai kum ka Krang Suri, Lum Symper, Lum Kyllang, Mawphanlur, Mawsynram, Umshit Jaraiñ, Langkawet Bad shibun kiwei pat ki jaka kiba don ha kane ka ri Khasi Jaintia jongngi kiba Ittynad bad kiba khring shisha ia ka jingmut Jong ki nongwei shisngi kiba da ki spah ngut ha ka shisngi kiba leit kai sha kitei ki jaka.