Ngi im man ka sngi khlem don riam tynrai shuh tang ha ka por rakhe ne shad niam.
Ban peit ia ka riam tynrai jongngi mynta kam paw dur shuh khamtam ha sor Shillong ngim lah shuh hi ruh ban ong ba ngi riam khasi pynban ngi tip pat ia ka riam khasi bad bunsien ki khun khasi khara ki nang mut ba ka riam khasi tynrai ka dei tang ha ka leh burom ne ka lehniam.
Pynban ka riam Jong ngi u khasi ka dei ka riam kaba u mynba rim u riam na ka bynta ka riam ka kolshor bad ka dustur lajong namar la ju ong sarong la ka jong.
U shynrang la ka jingspong la ka boh khaila u paila la ka Jain sop lieh, ka kynthei la ka kyshah arliang ban sop ban spain ban da ban ker bha ia ka burom ka akor bad ka tapmoh khlieh jain.
Mynta wat haba leh burom ym nym don shuh lait noh tang kiba Shah bynshet ban leh burom markhmat lane ki nong shim bynta hynrei ngin Shem ki Khasi jongngi u shynrang la kat u sahep bilat ha ki por 1900 la u tie ka coat bad ki kynthei ngim tip shuh la ka dei na iano ka juk tangba kiba riam ki sngewthuh bha ban bud kat Kum ka por. Mangi kiba shu peit ngim lah shuh ban batai na Kano ka bynta (trend).
Na kata ka daw ba ka la sdang na kham mynshwa ki khun ki kti ki sngew biej ban kyrshan arliang ne boh Jain lieh. Lane kin nym nang shuh.
Hynrei ka riam ka beit ka dei ka dur (identity) ka ba nyngkong duh ban ithuh ia ka jinglong kyrpang lane ia ka jinglong tynrai na Kano ka jaidbynriew ngi wan ne ngi longdoh longsnam.
Mynta wat ki ba bat bha ia ka niam tynrai naduh ka dwai ka phirat haduh ka ktien ka Thylliej pynban ba la iaid sted ka por Jong ka jing ia bud ka la shu ngam ei shaba ym tip shuh.
Haba wat ka ktien ruh lah ngam jyllop lut, ia kiba pule saian bad kompiwtor lei ym lah lait ba hap kren nongwei ban sngewthuh ha ka kam ka jam namar ngi Duna ha ka kyntien nalor kata ngi Duna ruh ki nong pyniar ia ka ktien la ha ka ktien thymmai ne ban siandur thymmai ha ki kot skul.
.jpeg)
.jpeg)
Comments
Post a Comment