Ka jaidbynriew kaba im tang ha ki kot bad ki Sla

Haba ngi kren ia ka jaidbynriew kamut ka dei beit thik tang ia ngi ki ritpaid riewlum la ki dei ki Khasi ne ki Jaintia ne ki Garo ruh.

Ka jaidbynriew Khasi bad Jaintia ka lah iap bad ka im tang ha ki kot ki sla, ki dulir, ki syrnod bad kiwei kiwei kiba Shu pruid da ki dak. Ka jaidbynriew ka lah iap lah slem bad bun kiba Shu pynksan im khlem ka nongrim kaba biang. Bad balei ki lah iap bad ha Kano ka dur?

Ym dei ba ngi shah tyllep hynrei ngi lah tyllep hi ia ka ka Jong ka tynrai. Haba ngi phai Sha ki Khasi ngi lah ban ong ba ngi dei ki Khasi hynrei ka ktien ka thylliej (language) ka riti ka dustur (traditional and cultural) ki rukom im (custom) ki rukom trei rukom ktah (practice) pat ngim dei shuh ki Khasi namar ngi lah kren ia ki kyntien nongwei, ngi lah riam ka riam ki nongwei, ngi lah klet ia ka riti dustur lajong bad ngim ju pyndonkam shuh ia ki tiar Khasi ne ki tiar Khasi tynrai bad ka Jing trei jingktah Ruh ka long kaba thymmai katkum ka juk. Bad shibun ki riam tynrai, ki tiar tynrai, ka ktien tynrai bad ka dustur tynrai Kam don shuh. Lah Shu dap tang ka ia bud tynneng ia kiwei bad klet Noh ialade.

Shisha ba ngin Ong ba ngi dei ki Khasi khlem kitei haneng ngim lah ban dei ki Khasi paka bad Lada tang ha ka kot ka Sla nga tharai ka lah ban long hynrei Lada don bun bha kiba Duna ka jingtip halor katei ka phang Ruh ka long kaba mynsaw pat ia ka jaidbynriew namar ka lah Jah ki dak ki shin. Namar haba ngi wad ia ki daw ngi donkam ia ka dak kaba paw shynna ban pyntikna namar teng teng ha ki kot ki sla ruh Kam wanrah jinghun.

Don shibun ki briew kiba dang Duna ha ka jingtip ia ka jaidbynriew wat ki heh ki San ba ngin Shu Ong ngi dei u Khasi tang ha ka ktien te ka biang keiñ Lada Ngin kylli pat naduh ka riti dustur ka ktien ka thylliej, ka riam ka beit bad ka jingtrei ka jingktah pat ngim pat lah satia ban jubab.

Bad dei namar kata ka daw Lada u shynrang haba leit burom u spong bad boh bha kumjuh ka kynthei la ka kyrshah arliang ban sem bha ha ka kup ka da namar ka burom ia ka jaidbynriew. Bad hato don Mo kiba tip ia kane. Bad mynta lei ki por nga iohi ym don shuh kiba kyrshah arliang ne shilliang shaba leit ne shaba wan. Kumjuh Lada ngim kylli wat lah kynduh ha nongwei ngim ithuh shuh iala ki Jong. Namar ka riam ha ki Kynthei Khasi ka dei ka burom ka Akor kaba Da ia ka long rynieng bad ia ka iing ka sem ym tang katta ia ka kur ka jait ka khong bad ka jaidbynriew baroh kawei  hi ka long kaba iap Lada ngi duh ia ka burom ngi lah duh ia ka tynrai.

Nga thoh ia kane ban pyntip pynshai ia phi ba ngim dei ban klet da leilei ia la ka tynrai ka thymmei kaba ngi lah mih bad ngi dei ban burom bha ia ka riam bad ka kup khasi kumjuh ki tiar ki tar Khasi khara kiba lah ju pyndonkam ha ing bad ka ktien ka thylliej ha ryngkat ka rukom trei rukom ktah kaba don la kajong ka adong ha ka dang ka ma kumba ki lah mane ha u Blei.

Ba lad nga bakla nga panmap, ba Ng khmih lynti ki jingpynbeit kin wan na phi ki nong pule halor ka jaidbynriew Jong ngi lyngba ka Sla contact Us phah shangi ia ka jingsngew ka Jong phi halor ka Symboh pyrkhat kaba nga lah thoh bad ka Jong phi ba ngin pynmih.