MEGHINN

Sngew phylla ia kata hynrei ka dei ka jingshisha bad lap ruh da la ki jong ki khmat ba ka Surok bah NH kaba don ha Pynursla Constituency ka dei kaba sniew Tam na ki surok ha ka jylla. Jingshisha ngi tip ba la kumba saw snem Tam u MLA kane ka thaiñ uba long ruh kum u Minister ka PWD (Road) bad haba tip na ki paidbah bad haba la lap da la ki jong ki khmat la Shem ba ka dei kaba shisha. Ka surok naduh na rum Laitlyngkot haduh Pynursla ki long kiba jot rathai kumjuh na rum Pynursla haduh Shwa ban Poi Siatbakon ruh ka jot rathai bha bad narum Siatbakom haduh Pongtung bad ter ter shaduh Wahkdait ne Sohlong ngi Shem ba ka Surok ka syrtap da ki thliew. Shuh Shuh shwa ban poi ka Jingkieng Dawki leilei ka Surok ka long kaba sniew bha bad jynjar bha ban iaid ki kali nalor ba ki surok ki long kiba rit than ha kitei ki bynta. Ka Surok ka dei ka budlum Jong ka roi ka par hynrei kane ka kynti la lap ba ka jingpynpaw bad bynniaw na ki paidbah khamtam na ki nongniah kali kamai kiba Shem jingeh ban pynk

Kumba ngi tip baroh ba ha ka jingim ba man ka sngi ne ha ka rukom long ka met ka phad jongngi, ngi ki Ritpaid riewlum kumba haduh 90 percent ngi long kiba kham rit ban ia nujor bad kiwei pat ki heh paid lane ki ritpaid jing kiwei pat ki bynta ka Pyrthei. Ngi iajan malu mala bad ngi long iajan bha bad ki middle asian bad East Asian ha ka ryngieng ryngiot. Bun na ngi lada ngi long standard lane kata ka life style Jong ngi ka la long ryngkat bad kiwei ki jaidbynriew kiba la nang ia ka thoh ka pule naduh 1950 Ad hynrei ngi don ka sap ba ngi dei ki riewlum. Ban peit tang ki paid khasi jong ngi kumjuh Jaintia bad Garo ngi lap ia ka Average height lane ka ryngieng kiba bun balang ka long 5 phut Tam 2 ne 3 inchi katba ha ki kynthei ki long 4 phut shiteng haduh San phut, lada lap ba u shynrang yn don 5 phut Tam 6 7 ne 8 inch lah dei uba jrong na kibabun balang kumjuh ki kynthei lada palat ia ka 5 phut la ju ong ba ki dei kiba jrong. Ban iada na kine kiei kiei baroh ki ba ju pyndonkam ia ki Soci

Ha u 2018 ki nongjop ha ka Election MLA ha ka jylla jongngi dang kham jop bun ki MLA na ka Party Congress ha ka jingialam u Dr Mukul Sangma, bad ha utei u snem ka Party Congress ka ioh 21 seat bad NPP ka ioh 20 seat. Ban pyrkhat naduh u 2018 kiba bun ki paidbah ki dang shaniah ia ka Party Congress bad katno Tam mynta lei ba ki la mad ia ka thok ka shukor ka bamsap ha kane ka sorkar Jong ka MDA ba la ialam da ka NPP ngi ngeit ba kiba dang iai kyrshan ia ka Congress Kan dang khlaiñ bha ha kane ka jylla. Sngewsih pat ba kita ki nongialam ba ha khmat ka Congress ki wanrah ia ka jingkulmar haduh ba ki sitting MLA haduh12 ngut ki phet na kane ka Party, bad kiba bun hi ki leit iasoh bad ka Party All India Trinamool Congress. Lada ha u 2018 ki paidbah ki ieid ia ka Congress katto ba ngeit ba mynta lei kin nang kham kyrshan shuh ia ki nongialam congress wat la ki la leit sha kiwei pat ki Party kum ka AITC. Lada pyrkhat bha ka NPP ka ioh 20 seat ha u 2018 ha ka por bym pat lap daw ki paidbah myn

Ngim tip ka Balang aiu bad hangno kane hynrei kum ki riewngeit Jong u Blei nongbuh nongthaw ngi pynrem jur ia ki nongpyniaid balang khamtam kiba donkti ban pyn bynta jaka shong ia kiba rit bad kiba heh kyrdan. Kumba iohi ha dur ngi lah ban ong ba kane ka sngi ka dei ka sngi kaba pynkthang ia u Blei trai kynrad uba iohi ia ka jinglong Jong ki riewngeit Jong u namar ha khmat u Blei ngim long kumjuh baroh da kaba bynta ia ki briew kiba kham kongsan kumba la thoh ha katei ka kot sada "sitting for VIP" kamut ia kiba long kongsan Hynrei Kane ka sngi kam dei satia ka sngi kaba pynsngewbha ia u Blei bad lah ban ong ba kane ka jingleh ki nongpyniaid niam ka long ka jingniewpoh ia kiwei pat lehse hakhmat u Blei ki long kumjuh tangba para briew pat ki long pietpoh bha ia kiba rit bad pynkhraw ia kiba bit ba biang. Une u briew u ba don ha kane ka jingiaseng u dei u shakri jong u paidbah bad ma u, u dei tang u shakri da pyrkhat bha katba ka jingsngew jong u bad ki nongpyniaid Jong ka ka j

U Awanish Sharan na ka Jylla Bihar dang ha ka 8 tarik u July 2022 u la phla bad pyllait ia ka Marksheet ka jong u kaba u la pass ia ka 10th Standard na ka skul ka jong u na Bihar bad hangne lah ban iohi ba Kam long satia kaba lah ban ngeit. U Awanish Sharan ha katei ka Marksheet kaba u la pyllait ha ka Tweeter ka la pyn kyndit ia kiba bun namar ha ka por ba u pyndep ia ka class 10 u ioh da ka 3rd division. U Awanish u la pyndep ia ka 10th standard ha u snem 1996 bad u la pass ia ka exam IAS ba la pyniaid da ka UPSC ha u snem 2009 bad wan ruh ha ka kyrdan ba 10 napdeng ki spah ngut kiba iakhun. U Awanish u la iakhun na ka quota Jong ka Chattisgarh Cadre bad u la pass ia katei ka exam tang ha ka shisien iakhun bad mynta u trei ruh hapoh Chattisgarh. Katei ka jingpynpaw Jong u Awanish ka la pyn ai mynsiem ia kiba bun balang ba ban long ki Indian Civil service kam shong eh ha ka Marsheet ne ki Paper hynrei ka shong beit ha ka khlieh kaba une/ ka ki don ka jingthmu ban treikam. Lyngba kane

Na ka liang u paidbah ym pat klet satia ia ka jingjia kaba la Jia ha u snem 2019 ha kaba ka jingiakhih kaba shyrkhei bha ha ka Northeast baroh kawei namar ka sorkar pdeng ka ba la ialam da ka BJP ka wanrah da ka Bill CAA kaba ktah shisha khamtam ia ki rit paid riewlum kum mangi. Kane ka jingiakhih ka long kaba la ia umsnam ha kaba ki paidbah bad ka jaidbynriew baroh kawei ki pdiang ia kane bad ban da ioh buhai shnong hi da u bar jylla ha ka ri jongngi te ka bym lah ban long namar kata la mih ka Sur pyrshah na ki seng bhalang bad na ki nongmihkhmat ruh kumjuh. Na ka liang ka sorkar ruh ka tem ia ki jingiakhih bad ka la pynpaw ruh ba ka jingleh ka sorkar pdeng ka long kaba pyn iuhroit ia ki ritpaid ba lada Jia ba wan buhai shnong shisha ki bar ri ha kane ka ri jongngi kamut ka ri bad ka jinglong riewlum jong ngi Kan duh noh. Nalor kata ka sorkar jylla ba la ialam da ka NPP ka la pynpaw kajuh hi ka sur bad ban nang iai kren ruh sha sorkar pdeng ba la kumno kumno dei ban weng ne pyllait no

Katkum ka jingiohi bad lap shaba iaid ba ieng ba la don ka jingtynneng na ka riam kiwei pat bad kham bunsien hi dei ki kynthei kiba ju pynthohbria ia ka imlang sahlang da kaba pyndonkam da ka riti dustur kiwei pat. Kumba ngi ju Shem ngi lap ka long ba ym pat don satia ka aiñ na KHADC kaban teh lakam ia ka riam ka beit lane ban pyrkhing ia ki paradoh parasnam khnang ba ki Khasi kin nang ban tyngkai la ka riti ka dustur khamtam ha ka riam . Ka KHADC kaba peit ia ka Pynneh ia ka riti ka dustur ngim tip ioh lah don pynban ia ka Dress Code bad khlem pyntreikam hynrei haba peit wat kiba trei ha KHADC ruh don kiba pyndonkam da ka Salwar kaba dei ka riam ki non-tribal. Balei hap iakren kumne ka long ba ngi la iohi ia ka jinghiar ki samla Kynthei kiba riam kyrshah arliang ne kyrshah shilliang shaba don kino kino ki kam kyrpang bad Shem ba Kim ju riam shuh da ka riam Khasi laitnoh ki nonghikai skul bad ki nongtrei sorkar. Kaba sngewsih eh ka long ba ha ki jingiaseng heh lei lei lah kham ñiar ba

Ka Rynsan iakop pyni sap kaba kyrteng ka Ha Rynsan Meghalaya Rising Star kaba dei ka Season 1 kumba la kynnoh da ki paidbah ka dei kaba bam Pisa bad kaba khrong Pisa na ki khynnah kiba wan shim bynta. Ka jingkhwan Pisa bad jingbam Pisa katei ka kynhun pyniaid ia ka tei ka jingiakop ka dei lyngba ki Coupon ticket kiba ki Nongiakhun ki hap ban die. Ka jingpyniaid ia katei ka lympung shisien peit ngi ngeit ka dei kaba thok kaba shukor namar u ba don sap haba ym lah ban die lane ban ioh pisa kamut ym don sap katba u bym don sap eiei ruh em haba u don Pisa pat hangta u ioh lad wat ban rung sha ka Final round. Kane ka Lympung ka dei ka jingiakop kaba thok bad kaba shukor namar palat da ki hynniew phew ngut ki khynnah ki hap ban die ia kitei ki coupon na ka bynta ban ioh rung sha ka Semi final ne ka Final. Bad napdeng kitei ki nongshim bynta ka jingdie ia ki coupon kiba dei ha ka juh ka por ka vote ym Duna ia ka 20 hajar marwei bad kiba khamioh ne kham riewspah ki lah ban pynlut tang ha ka vo

Ngi ju iakren ba ki kam hapoh kano kano ka tnad ka long kaba Suki wat la dei ba ki paidbah ki leit Ophis ki hap ban ap da ki kynta ba ki nongtrei ki slem por palat. Nalor kata bun ki nongtrei ha sor Shillong ki ju aidaw ba blok kali bad kiba dei ka por trei kum ju poi bad kane ka la pynsahteng ia ka kam kaban pyndep shisngi hap ban dep palat 2 sngi kaba shi taiew haduh shi bnai. Lada iakren leilei sha ki thaiñ nongkyndong leh mon bad leh kynjai palat ki nongtrei bad duhnong u paidbah. Ha ka sngi sdang taiew leilei yn nym khmih lynti ia ki nongtreikam paidbah ba Kim don lada don ruh haduh 1 baje nohphai sngi bad tang 2 ne 3 baje ki lh leit. Shuh shuh ngi ju iohsngew ba ka baje secretariat ka ju tied naduh ka por 9:59 haduh 10:00 baje mynstep hynrei lada sakhi da la ki khmat don shibun kiba palat ia kata por. Ki Ophis kiba donkam palat u paidbah khamtam ha ki thaiñ nongkyndong tang ka sngi ba long Iew bad teng teng bun hi kiba wan 2 ne 3 sien shi taiew bad sngew lyngngoh ruh ba ki nongtr

Ka jingdawa ban pynrung ia ka ktien Khasi ha 8 schedule Jong ka Constitution Jong ka Ri India ka dei kaba lah slem bha ka jingdawa ha kaba kiba bun ki seng bad ki riew shimet ki la kubur ba la donkam ban pynrung. Phewse haba phai pat sha ka Khasi Literature ha ka ri Khasi jong ngi kam pat long kaba riewspah don ki kyntien kiba ngi pyndonkam man ka sngi ruh da ki kyntien nongwei namar ha ka Khasi ym don kyntien ban kynnoh bad bun ngi shu bud bad kren da ki kyntien Hindi ne English tang ban ia sngewthuh haba iakren. Shuh shuh lada ngi iakren kham bniah lei lei bad kham shai donkam beit ban pyndonkam lang da ki kyntien nongwei khnang ba kham shai bad kham sngewthuh ba lada ngi iakren tang da ka ktien Khasi ngin nym sngewthuh kumba sngewthuh ka jing pynshai ha ka ktien nongwei namar Duna palat ki kyntien Khasi. Lada iakren leilei ia ki kam Jong ka juk stad kum ka technology bad ka Science ym don kyntien Khasi ban ia bynrap ban lah ban kren ia kitei ki subject bad haban kren ia kitei ki sub

Ka kynhun myntri mynta ka sngi ka la shim ia karai kaba bha Tam bad kaba biang Tam bad pynhun ruh jrut ia ki nonghikai adhoc ba la iakhih da ki sngi hakhmat ka Ophis Secretariat. Ha ka jingialang ki kynhun myntri (cabinet) ki lah rai ruh ban pynkiew ia ka tulop kaban ktah naduh ka 1 July 2022 shkhmat bad ha kane ka jing pynkiew tulop ka sorkar ka la pynlut t 100 crores shi snem tang na ka bynta ban kyntiew ia ka tulop kine ki nonghikai. Ka tulop Jong ki noghikai adhoc la pynkiew haduh 9 hajar ia ki Highera secondary bad science katba ki UP bad LP, Hindi bad 4 teacher la pynkiew da 6 hajar. Kaba mut ka tulop Kan kiew shaduh 33 hajar ha ka Shibnai ia ki Higher secondary bad science Kan long 31 hajar. Katba ia ki UP 22 hajar, LP 18 hajar, Hindi 18 hajar bad 4 teacher SSA 18 hajar hi

Ki nongpynmih phlim na ri Khasi Jaintia jongngi kat nang mih ki sngi ki la nang kiew ha kaban pynmih ia ki phlim bad kumjuh ha ki music video Jong ki. Kat nang mih ki sngi katta ki ba ngam sha kane ka jylli ki la nang bun ha kine ki khyndiat sngi bad mynta lah ban ong ba lah bun shisha kita ki samla donsap kiba lah rung sha kane ka kam namar ka plie ia ka lad kamai ruh. Katba kat nang mih ki sngi ka rukom shna bad pynmih ia ki phlim ka dei beit na ka rukom shna phlim na Bollywood. Ym dei na ka juk ba thymmai ruh hynrei ka ia syriem thik ka rukom shna phlim ki Bollywood Jong u snem 1990. Ban peit bad bishar ha ka rukom shna phlim ha ka jylla jongngi haduh mynta mynne ym pat don satia kata ka jingkiew ne ka jing pynthymmai noh ha rukom kaba ka pyrthei baroh kawei ka la leh. Ban shu peit ngi lah ban sakhi ba haduh mynta ym pat don ka phlim lane ki ñongtrei jong kano kano ka karkhana shna phlim ba kin bamja lane ba kin pynlong kum ka Lawei Jong ka kam ka jam Jong ki ia katei ka kam kaba ki

Ka UDP ka don u shabi katba ka NPP ka don ia u Lakam sympat. La 4 snem Tam ka jingiatreikam kine ki ar seng ka long kaba ittynad ha ryngkat ki Wei ar ba shu snoh Shu sdien. Ka UDP ka don ia ka bor ban thung CM da u Garo bad uba skhem syndon haduh mynta, ka UDP kam ju kren ieid jaidbynriew laitnoh ki UDP ba shabar Jong ka ing.  Shuh shuh ki snar UDP ki dei kiba ioh synrop vote na ki bar jylla katba u dkhot UDP sha phyllaw u wiar kumban dait. Bad ka UDP ka lah ban pynkhyllem ia ka sorkar lada kam donkti lang ha man ki khep. Hynrei namar ka UDP ka ksan narud narud bad byrngem ruh ia ki jingleh jong ka NPP pynban dei tang haba shai ka bneng bad shit ka sngi hynrei lada dei shisha kumta nga tharai kin kin da weng syndon ia katei ka synrop bad pynhap syndon na ka bor synshar. Balei yn kynnoh tang ia ka NPP, haoid ka NPP khlem pep u Conrad bad u James ki dei ki shipara ba ioh ia ka challan ban khaii dewiong, bad ruh wat ha ka mining ruh dei tang u Conrad bad u James ba bat ha la kti. Na ka la

Don shibun ki kam kiba lait ha kane ka jylla lyngba ki tnad bapher bapher kiba ka sorkar ka la pyllait paidbah na ka bynta ka jingthep Kam Jong ki khynnah samla bym don kam donkam. Barabor ban kham suk bad wat na ka tnad sorkar ki ju pynshlur ban thep da ka Online system ha kano kano ka tnad namar ka kham Suk bad kham sted shisha bad ruh ban lait na ka jing bam ka por. Ka Website kaba ka sorkar ka la buh khnang na ka bynta ki nong apply kam, ka dei kaba kyrteng ka Meghalaya online recruitment application system kaba ngi lah ban Shem ia baroh ki tnad sorkar naduh MPSC haduh DSC hapoh jing kata ka website. Hynrei ha kine ki sngi ki Taiew ki bnai kane ka website kam long satia bad kam don hi ruh ka jingpynpaw ne ka error kaban pyni hynrei ka Shu pynjlan haduh ban da ngiah ki samla wadkam. Katei ka la Jia naduh ba mih ki khubor laitkam kiba mih paw na kyndong hadien ka RTI Jong u bah Desparsing lyngba ki lad pathai khubor. Bad haduh kane ka khyllipmat katei ka website thepkam ki samla kam

  Kawei na ki mat ka ba kongsan eh ban iakren ha kane ka kynti ka long ba ngi iohi kumno ki nonghikai SSA bad nonghikai Adhoc ki tur lem shakhmat na ka bynta ka hok ka jong ki kum ban dawa na ka sorkar ha kaba iadei ban regularise ia ka tulop man ka bnai bad ban kyntiew tulop ki nonghikai Adhoc. Ngim nym iakren than ia ki nonghikai SSA namar ki hikai ia ka skul kaba dei ka scheme na ka bynta ki shnong bym don skul bad ka bym don jingsiew na ki khynnah lane kam don ka jingiohnong hynrei ka dei ka lad ba la mang na ka sorkar pdeng sha ki jaka nongkyndong bad bym don skul. Haba phai sha ki nonghikai Adhocc pat kiba bun hi ki nonghikai ki dei ki ba trei ha ki skul mission ha ka tulop Adhoc kaba rit bad la I dei shisha ruh ban kyntiew lane ban kham pynkiew katkum ka jingdawa Jong ka por. Phewse ka jingdawa ka long beit pyrshah ia ka sorkar hynrei khyndiat ngi dei ruh ban sngewthuh ba Kam ju lah ban long mar ia dawa ia Kano Kano ka kam ngi donkam ruh ban iaishah ha ki rukom kiba bun. Haba ph

  U James Sangma u hynmen trai u Chief Minister ka jylla Meghalaya jongngi u ba dei u nongmihkhmat na Dedenggre Constituency West Garo hill u long u kruin ka jaidbynriew bad ia ka jylla hi baroh kawei. Utei u nongmihkhmat na Garo hills u lah leh shibun ki kam jaboh hapoh kane ka sorkar ba la ialam da ka party NPP bad kiwei pat ki kynhun synrop. Kaba paw eh ka tnad sorkar kaba u bat bad bamsap ka dei ka Home ministry ne ka kam pohing bad ka DCA kaba u la pyrshang ban pyn kylla ia ka 6 schedule haduh ba na ka liang ki seng synrop ha ka sorkar ki la dawa ban weng noh katei ka tnad na u. Shuh shuh ka kam bamsap kaba la paw pylleiñ pylleiñ ha ing Dorbar thawaiñ ka Jylla halor ka jingkylli na u Adelbert bad haba u James u jabab lah Shem ia ki dor jong ki tiar ki tar ki bym shongnia shuh bad paw syndon ka jing bam sap ha ka por ba u bat ia ka tnad Power ne bording. Ha katei ka por la paw paidbah ruh ba ka jing upgrade ia ki tiar ki tar da ki phew Klur kam iahap kumba u pynpaw ha ing Dorbar th

Ha ka imlang sahlang lada don kiba dih kyaid ne kiwei ki jingdih pyn buaid hiar ka burom ka akor ha ka imlang sahlang bad teng teng ka pynwit ruh ia ka imlang sahlang ka shnong ka thaw bad ia ka ri hi baroh kawei namar kiba wanrah jingkulamar barabor dei ki briew ba la shoh ne pynshoh u khawyiang ne kiwei kiwei ki jingdih pynbuaidll. Ym baroh pat ki ba don ha kane ka bynta bun hi ki briew kiba dih bad kiba tip briew tip blei bad don ruh kiba dih na ka bynta ka koit ka khiah ka khawai dawai bad wat ha ka lehniam leh rukom ruh. Shuh shuh ki nongdih kyaid kiba bun hi ki ia dih ia ka hynrei namar kiba ju wanrah jingkulmar pat ki dei ba la pyn khlieh beij da ka kyaid sa Shu ioh kynnoh lang ba lada phi dih kyaid ne kyrni katei ka lynti phin long hynrei kiba bun hi Kim long khra pei kumta. Balei ba ki nongdih kyaid ki dei u budlum ia ka ioh ka kot bad ka bit ka biang ha ka jylla Jong baroh kawei ka ri India jongngi? Lada dei ka kyaid Indian Made Foreign Liquor (IMFL) ne kyaid shnong kyaid she

Lah palat 4 snem ka sorkar Meghalaya ka la neh ha u lakam synshar bad don shibun ki kam pynroi kiba na ka liang ka sorkar ka la wanrah bad shibun ki jingmyntoi khamtam ia u paidbah. Ha kine ki khyndiat kata ka jingwanrah ia ka roi ka par la sdang ban ithuh bad shai namar ka la noh shilliang palat ka pylla ha ka rukom rah ia ka Development kata ka la kham bun ha ki jaka Garo hill ban ia ka Khasi bad Jaintia. Nalor kata ka kham bun shuh shuh ha ka Constituency jong u Conrad Sangma uba dei u Chief Minister ka jylla kum ki skul upgradation, College, Stadium, Cricket Playground, Football field, Super Market, Medical College, bad kiwei kiwei ki bym tip bad ruh kumba la pynpaw lang da ka seng HITO halor ki kam shilliang khmat ka sorkar da kaba rah lut sha Garo. Haba phai pat sha ka jaka Jong ka Khasi Jaintia la Shem ba tang ka jaka theh ñuit ruh ka sorkar kam don Pisa ban upgrade, kumjuh ia ka jing donkam kum ki Medical College bad ki jingdonkam kiba donkam na ka bynta u paidbah.  Haba phai s

Ka rukom pule puthi ka dei kawei na ki lad bad ka kabu kaba lada napoh ka ri Khasi jongngi don shibun kiba nang bad kiba tip hangta suk ban iada na kiwei ki jaidbynriew kiba thmu ban wan tyllep ha kane ka ri jongngi. Don ki jingpule kiba pynsngewkhraw ia ka Ing la sem bad ka ioh burom bad akor naba ki long kiba stad don ruh kiba Pule ja ki laiñ kiba heh baheh kiba lehse bun ba ki hap leit trei sha bar Jong ka jylla. Ka jingsah dum ka jaidbynriew ka jingmih ki jingiakhih bad ka jingsahteng ki kam kiba ka jaidbynriew ka donkam ka long bun bha bad ka jingeh hi ka long ba napdeng ki Khasi Jong ngi kim don kita ki Civil service servant kiba pass na UPSC laitnoh 2014 bad marwei arngut ha ki snem kiba mynshwa. Lait nata Jan 10 snem ym don satia kiban poi sha katei ka kyrdan. Haba wad bniah ba balei Ki civil Services ki duna bha bad bunsien hap wanrah da ki dkhar ba na bar jylla lane Shu nominate iaki senior government servant sha ka kyrdan Civil service kaba teng teng ka wanrah jing eh ia ki

U nongmihkhmat ka thaiñ Shillong South Constituency U bah Sanbor Shullai na ka Party BJP u dei u briew u ba padiah bha ha ka Khana ka ktien kaba u kren ne u Treikam hapoh ka Constituency. Une u nongmihkhmat ka Shillong South pat u dei u briew uba ieid bad thoiñ bha ia ki Mynder kiba shong ba sah hapoh ka Constituency ka jong u da kaba nud ban tied jingkhang ia ka District council ha u snem 2020 na ka bynta ban iada ia ki non tribal pyrshah ia ka jingleh ka Trade department kaba la bat da u Bah Paul Lyngdoh ha Kato ka por. Ka jingleit tied jingkhang Jong u Bah Sanbor ha ka tei ka Ing Pynneh riti dustur halor ki kyndon aiñ thymmai kiba pyrkhing bha ia ki nongkhaii khamtam ia ki bar jylla bad ka jingleit Jong u Sanbor ka long ban ailad bad ban pynjynsur ia ki kyndon pyrshah ia ki Mynder. Shuh shuh u Bah Sanbor u jop ha ka election na katei ka thaiñ ka dei namar ka jingkyrshan Jong ki mynder bad dei hangta ba ka BJP ka iohlad ha ka jylla hynrei lem kumta ki paidbah ka Ri Khasi kin nym snge