MEGHINN

Kumba ngi tip baroh ba ki M.L.A ne ki Member Legislative Assembly ki dei ki dkhot na ka bynta ban shna aiñ ne ka legislation kumba Ong ha ka ktien phareng ba la kumno kumno hi ki dei ki nongshna aiñ ban iatai hapoh ing Dorbar ka Sorkar jylla na ka bynta ka bha ka miat Jong ka met ka phad ka jylla khamtam ha la ki jaka kiba ki nongmihkhmat ki mih (constituency)  Haba peit pat mynta kine ki Member Jong ka Legislative Assembly Kim ju ia pyrkhat bha ha kaba iadei bad ka legislature ki lapmiet ban ia kren ia ka development kaba la don lypa man ka por bad barabor hynrei kaba kongsan hi ka long ba lada ka jylla ritpaid jongngi ka don shibun ki aiñ ki kyndon lane ban nang pynjanai shuh shuh ia ki ba la don kiba iada ia ka jylla jongngi nga tharai ka development ka la wan lypa namar shisien ba ki aiñ ki kanun ki don ka revolutionary ha ka jylla Ruh ka shim jaka bad Lada ka revolution ka treikam ha ka jylla kamut ka development ka la wan la ka wan hi. Ngin Shem ha ka por ba ialap election ym don

Kumba ngi iohi mynta ba don ki kynhun ba dawa na district council ban shah ia ki Kynthei ban shong Dorbar kumjuh ban don bynta ha ka Kam jied Rangbah shnong ne dong namar lah dei ka por ban pynkhamti ia ki Kynthei kumba ka Sorkar India ka pyndon bynta ha ka Kam jied nongmihkhmat (universal adult franchise). Haoid katei ka kynhun ka don mynsiem eh ban iaid lait ban kiar na ki bar jylla hynrei Lada ka KHADC ka pynbna ban shah ban jied Rangbah shnong Da ka jingjied lang ki Kynthei kamut baroh kawei ka ri Khasi kaba don hapoh u pud u sam ka KHADC kin hap bud Ryntih bad dei hangta keiñ ba kiba sngewthuh ia la ka jaidbynriew ki don tang khyndiat hynrei kiba bun hi ki dei kiba Shu kwah tang ka pisa wat la shah ban iap ka jaidbynriew. Ngi dei ban kynmaw ba hapoh ri Khasi jongngi ka jingiohlad ki mynder ri ka dei na ka jingiada ki Kynthei Khasi kiba ju bam pisa barabor na ki dkhar bad ki Benemi Ruh ki Kham bun shah ki Kynthei bad kiba ioh tnga mynder Ruh ki dei tang ki Kynthei Khasi bad kiba Kh

Katkum ka jingngeit jingksoh ha ka synshar ka khaddar jong u paid Khasi ba-iar la ju pyniaid bad shim ia ka Rai uba bun balang lyngba kawei na ka jaka ba ialum lang ban iatai ia ka bha ka miat ka shnong ka thaw lane haba don ka Kam shnong Kam thaw kum ka jingeh ka shnong ka thaw ha kiba bun ki liang la ju pynlong Da ka Dorbar kaba ki khot kaba ki nongialam bad nongsynshar shnong ki pynlong ha ing sad bad ing sunon na ka bynta ban pynbeit ia ki Kam shnong bad kumjuh ha ka pynkhein Rangbah ne Myntri ne jied Rangbah nongsynshar uba thymmai. U nonng pyniaid lane u Rangbah duh ka shnong ne ki Myntri ki dei ki nongialam bad ki wanrah ia ka phang ha ban iatai pat ia ka phang Da ki paidbah nongshong Dorbar. Uba shong Dorbar u dei tang u khlieh shynrang ka ing ym ki Kynthei ka ing. Bad ha ban ia mih ban iaisaid na ka bynta ka shnong ka thaw ha ki jingjia ba khyllah dei tang ki shynrang ki ban mih Sha katei ka jingjia. Bad naduh myn hyndai ym pat ju don ba pynkupbor ha ki Kynthei ha ka Kam synsh

Don shibun bha ki Hima khraw Nam ka Ri Khasi jongngi mynshwa bad mynta Ruh kiba don la u paid u raoit uba peit bniah ia la ka Hima Sima ka jaka ka puta ha la ka Jong ka pud u sum ka khyndew ka shyiap na ki nongwei khamtam na ki riew shilliang duriaw. Hapoh ka ri Khasi jongngi pat balei ngi don tang uwei u Syiem u Patsha ka jaidbynriew khamtam ia ka Hima lajong uba long uba sah ka Nam bad im ka kyrteng haduh kane ka khyllipmat wat la u dei uba naduh ka spah snem ba khatkhyndai uba lah Kha ha u 1802 bad khlad ha Byndi Jong ki nongwei shisngi ha u snem 1835. Bad dei tang ma u, u rangialeh Kum u Syiem na ka Hima Khatsawphra bad kumjuh dei tang ka Hima Khatsawphra hapoh ka khana ka Ri Khasi ba la pyndonburom ruh ia u na ka jingshlur ban iakhun pyrshah ia ki nongwei shisngi kata pyrshah ia ki phareng. Lada don shisha kita ki Syiem ba shlur mynshwa kiba wan shakhmat ban iatreilang bad kiwei ki Hima nga tharai shibun ki thma bad ki jyrwit jyrwat ka Ri Khasi jongngi Kan jop Beit. Hynrei namar b

Hashwa ba ka sorkar Kan shim ia ka Rai ba khatduh ka la Shem ia shibun ki jingeh hadien ba ki kharmetor lyngba ka Harijan Panchayat Committee ka lah ai Da ka ejahar pyrshah ia ka Sorkar halor ka nongrim ba ki la kamtrai ia katei ka jaka la Da ki spah snem ba ki la sah ha katei ka jaka ha them iewmawlong kaba hap ha u pud u sam Jong ka Hima Mylliem bad ka mynta ha ka jingpeit ka Municipal Board ka Sorkar jylla. Ka ejahar pyrshah ia ka Sorkar ha ki snem ba la dep ha khmat ka ingbishar badonburom kaba don ha ka jylla kumjuh ha nongbah Delhi. Hynrei namar ba Ki dei kiba  Kam trai jubor ia katei ka jaka na ka Liang ka Sorkar ka lah Jop bad tad haduh kine ki sngi ba ka la pynbna syndon ba kitei ki Khar metor ba sah ha katei ka jaka ba ki hap mih Noh shisyndon. Katkum ki khubor ha kine ki sngi ngi iohi ba ki kharmetor ki dang pyneh hi Da kaba pynksan ba ki la longtrai ia katei ka jaka naduh 1853 bad la aiti ia ka syrnod Da u Syiem ka Hima Mylliem bad ki lah pynpaw ba ka Lang transfer act Ruh

Ka jingiatip Lem ka la iap! Ki jaka pule kiba bun eh hapoh ka jylla Meghalaya ki dei ki jaka pule ba la long trai Da ki mission Niam bapher bapher kiba lah siew tulop Da ka Sorkar lyngba ka Defecit System bad ka jingioh khur bai skul bad bai klas Jong ki jaka pule ha ka jylla Jong ka long kaba lah palat Liam. Ka jingdon ka pisa lane ka funds hapoh skul ne college ka lah poi ym Duna ia ki phew klur bad katei ka pisa ka dei na ka bynta ba ioh lum halor ki jingsiew na ki khynnah pule ha ki rukom bapher bapher. Bad ka jingdon ia katei ka Pisa Ngam tharai ba ki pyrkhat na ka bynta ki khynnah pule pynban ki Shu kwah ban nang iai pyllang Shwa wat la kiwei pat ki Shem jynjar ha ban siew bai skul. Ha kine arsnem kaba na ka Liang ka Sorkar ka lah Khang ban pynlong skul na ka daw ka khlam Covid pynban na ka Liang ki jaka pule ki khlem map satia wat tang shipiah Ruh hynrei ka nang pynbhur shuh shuh pynban ban nang kamai spah.  Kiba bun hi ki longing ba wan pule ki dei na ka ing kaba duk bad kiba S

Kumba ngi iohi mynta ka DSC bad ka MPSC ki dei ki jaka pyniaid ia ka thung kam thung jam hapoh ka jylla Jong ki Kam Sorkar bapher bapher kiba dei hapoh ka jylla. Bad lyngba kitei ka jingthep kam Ka dei katkum ka kyndon Thep kam ka ba Kham Shai bad Kham bun ia ki nongthep Kam. Ha kaba ia dei bad ki Kam ba lait na ka bynta shiteng por pat (contract) la ju pyniaid hi Da ki tnad Sorkar bapher bapher ym Da ka DSC lane ka MPSC. Bad haba ianujor pat bad ki Kam Sorkar (regular) dang Kham bun ki Kam ba lait ha ki Kam Sorkar (contract) bad ka jingthep Kam ka ju don bha ka Jing ialeh tuh ka dei hangne namar lyngba ki Kam contract ym ju don satia ka Jing Interview lane exam. Ki samla wadkam ki ju ia ud ha kaba iadei bad ka jingpyllait Kam ka Sorkar ba ka Duna palat hynrei bapli ha ka shisnem Da ki ym Duna ia ka 4000 tylli ki Kam kiba lait bad ki ba lah thep Kam hapoh shisnem. Khambun na kine ki dei ki Kam shiteng por(contract) kiba kham pyndik shuh shuh pat ia ki ban ioh Kam Sorkar direct namar do

Ha ka thaiñ shatei lam mihngi dei tang ka jylla Meghalaya kaba sahdien la ha ka pule puthi ne ha ka synshar khaddar. Shibun kiwei pat la ha ka Iew ka hat ne ha ka iaid bad ka ieng kaba Kham sahdien khyndiat haba ianujor bad kiwei ki jylla ka Ri India. Ka jylla kaba sahdien hakhmat ka dei ha ka iaid ka ieng naduh ka jingkhim ka surok ka jingrem ka bai Kali ka Jing bym don ki Kali Sorkar kiba biang bad ka wanrah jingeh khatam ia kiba wanrah bad phah mar (cargo) na kawei ka jaka Sha kawei pat bad ka long ka ba shimpor bad ka dor Ruh ka la Kham heh ar shah. Dei namar kata ka jylla Jong ngi ka hiar bha ha ka GPD bad ka ioh ka kot namar ki nongbuhai shnong haduh palat ia ka 80 na ka 100 ki dem bad im ja ha rep ba ban phah die ia ki mar pat ki lah shongrem namar ka bai leit bai wan nalor kata ki hap ban die tad khnang yn nym sah ei lane yn nym ioh lad ki nongkhaii na bar jylla ba kamai spah ei. Bad kane baroh ka dei na ka daw ba ka Jing bym biang ka rukom iaid bad rukom ieng lane ka jaka pynp

Kat nang mih ki sngi katta ka umphniang Ruh ka nang kiew hynrei ym ba ka kiew pat Kum ba kiew ka bai Kali ka bym iahap shuh ia ka leit ka wan ki barit Baria. Ka jingshim bai Kali Jong ki Taxi ha Shillong ka long palat ban ia kaba lah buh napoh DC. Ka bai taxi marwei na motphran Sha Laitumkhrah ka long 30 bad na Barik Sha Iew Ruh ka long 30. Na Polo Sha 9 Lad ki shim 30 katba na Kashari Sha Polo Ruh 30. Watla dei tang naduh Civil haduh Anjalee Parking Lot Ruh ki shim 30 bad kumjuh shaduh jhalupara. Na Motphran Sha Jaiaw ki shim 20 wat la dei tang kaba Kham hajan. Kane ka jingshim bai Kali ki Taxi ka long ka bym shongnia namar ki shim kabu palat ha kat ba ki mon khlem pyrkhat ia kiba bylla bad Kiba duk ba suk. Haoid Lada ka umphniang ka kiew ki kynhun bapher bapher ki mih shakhmat ban ia khih hana ba ki pyrkhat ia u paidbah pynban haba pynkiew bai Kali khlem jingthew khlem jingmut pat? Dei hangne keiñ ba ynda haba wan ki nong kamai ba nabar SA sdang ban ia Bishni namar mangi ki kynja jai

Baroh ngi tip bad ngi ioh sngew bha shaphang ki MDC lane ki Member District Council bad kaei ka thong pat kaba ka Sorkar ka buh ia kine bad kaei ka bynta ba ki dei ban Leh namar ha ka ri India baroh kawei ngin Shem tang 10 tylli ki Autonomous District council bad katto katne lyngba ka jinglong tynrai bad lyngba ka jingia thawaiñ. Kiba bun hi ki dei ha ka thaiñ shatei lam mihngi kiba don haduh 10 tylli ki Autonomous District council bad ki dei ki jaka ba shong ba sah Da ki rit paid riew lum kiba ia shong ia sah Da ka rukom im ha ki dustur bad ka jinghiar pateng bapher bapher ka Jong ki hi.  Lah pynkha ia ka Autonomous Council Da ka jingpynkupbor katkum ka khyrnit kaba 6 kaba kynthup ia ka article 244(2) bad 264(1) Jong ka riti synshar ka Ri India bad la kren Shai shaphang ka jinglong kyrpang ki jaidbynriew riewlum rit paid ba la kumno kumno Ruh donkam ban pynneh pynsah ia ki jaidbynriew riewlum ritpaid kiba don ha la ki jong ka kolshor bad ka rukom im. Dei namar kata ha katei ka Khyrnit

Baroh  baroh ha ka bri u hynniewtrep ka jing kyrshan ia kata kaba ngi Ong ka Sur ki Nong Mawlai namar kadei ka Sur kaba mih bad kaba lah pynbeit lyngba ka Jing iasngewthuh jingmut bad jingiatylli ki senhbhalang bad ki nong shong shnong baroh kawei ka thaiñ Mawlai. Ki jingialang bapher bapher ba lah pynlong Da ka Sur ki Nong Mawlai lyngba ki 8 Seng ba ju lam khmat barabor Da ka Seng HYC bad shibun ki jingdawa bad ki Jing pynlong jingialang paidbah ban ia pyrshah ia kaei kaba ka Sorkar Kala dep Leh lane ia ka jingjia ha ka 13-8-2021. Sngew lehraiñ pat ba ka thaiñ Mawlai ka pynmih haduh ar tylli ka Sur ki Nong Mawlai kawei kadei ka Sur ki Nong Mawlai ba la ialam Da ka HYC bad ki 8 seng bad kawei pat ba la ialam Da ka KSU ha ryngkat ki 3 Seng. Kine ki ar kynhun ha ka Sur ki Nong Mawlai ki iaid la ka Jong ka Kam Kim dei satia kiba wan shakhmat ban iatreilang bad lane ban ia tylli ban nang pynkhlaiñ shuh shuh ia ka jingdawa ia ka hok Jong ka jaidbynriew. Kamut kine kiei kiei ki jingdawa lane

Kumba long naduh ba don ka jingia kulmar bad iakajia khappud ha ki ar jylla kata ka Meghalaya bad Assam kaba Jia naduh mynshwa bad ka jingiap briew ha ki thaiñ West Khasi Hill ha Langpih ha ki 5snem bala dep Kam don satia Kano Kano pat ka jingialeh na ka jylla jongngi. Ha kine ki khyndiat bnai ngi lah ban iohi ba ka iakajia khappud bad ka jingtur jubor Jong ka Assam ym tang ha ka jylla jongngi pynban Sha kiwei ki jylla ba Marjan Kum ka Mizoram, Manipur, Nagaland ha kaba kine ki jylla Kim ju aili bad ailad bad wat ban siat Da ki suloi Ruh Kim salia. Ha ka jylla jongngi Kam don Kum kata ka Jing deploy ia ki Law enforcement ha kitei ki jaka bad ka jylla jongngi ngi la sakhi ba ha kine ki khyndiat sngi ki Pulit Kim don satia ha kitei ki khappud ban iada ia u pud u sam ka jylla Meghalaya. Bad bunsien ngi lap ba dei ki paidbah katei ka thaiñ hi kiba mad jingeh kiba ju wan shakhmat. Shuh shuh ngi lah ban iohi tang ia ki MDC bad ki MLA ki bym don satia ha ka Bor Sorkar kiba kloi ban tuklar ia

Kumba long haduh mynta ka jingbun kiba kyrduh kam ki samla ba lah pass ha ki kyrdan bapher ki nang kiew na uwei u snem Sha uwei pat namar ka jingduna palat ki jaka thep Kam lane ki jaka ba pyllait Kam ha kiba bun ki tnad. Ym dei ba Duna Kam lane ba ym don Kam hynrei ka jaka kaba ngi ju tip paidbah lyngba ki lad bapher bapher bad kaba Shai ka rukom pynbna (notice) kaba Kham Shai bad kylluid ka por ka dei tang ka DSC district level bad ka MPSC state level wat la katta Ruh kine ki slem bha ban pyllait notice kumjuh ia ki jingpynbna bapher bapher kiba ki samla ki angnud bha bad na ka daw ka jingslem bad ka jingsuki ki nongtrei ka pynjlep bad pynduh mynsiem bha ia ki samla thepkam bad katno lei ka kabu haba don kane ka khlam. Ki Kam ki jam ha ka jylla Meghalaya jongngi Kim Duna satia hynrei Shu long ba ki Kam kiba lait kiba kham tip paidbah eh tang ha ki district level bad state level lait nangta ym ju don ki jingpynbna lane notice haba lait kam ha kaba iadei lei bad ki Block Level. Ha ki B

Kumba 80% na ki Khasi Kim lah ban bam lyndet ia ki kyrteng ki Bnai Khasi bad ngin shem shibun bha ruh kiba pyndonkam da ka ktien nongwei wat haba don Kam tang hapoh ka jaka lajong ha ka thoh ka tar kaba ngi dang ia sngewthuh ia ka ktien lajong ruh bun hi kiba pyndonkam da ka ktien nongwei (English) Haba ngi donkam thoh shithi lane ka aplikeshon kiba ngi ju thoh ha ka ktien Khasi kamut ia u Bnai ki ba bun hi ki ai da u bnai nongwei lane u bnai phareng namar ym don ba hikai bad Ym don aiñ ban teh lane ban iada ia la ka ktien ka thylliej. Ym tang katta nalor ba ngim tip ia ki kyrteng bnai don Ruh pat ki bym leit skul ki Shu thoh bnai da u nombar uba sdang naduh wei haduh khat-ar bad ki lah Shu antad Da u number ha ka jaka u bnai. Kumjuh wat ki khynnah rit ki Kham bam lyndet ia ki bnai phareng ban ia bnai Khasi bad Duna bha Ruh ki ban ia kren ia u Bnai Khasi namar bun na ngi imat ngim Da khein kor than ia la ka Jong ka ktien. Nga sngew ban ong ba ka jingdawa ia ka ktien Khasi ban rung ha k

Ka Dorbar Synrai lane ka Autumn session Assembly Jong ka sorkar Meghalaya kaba lah sdang ha ka taiew baladep bad mynta ka 14 Tarik Kam long kaba shongkun ha kaba iadei bad ka ka jingkylli na ka Liang pyrshah bad katto katne ki nongmihkhmat kiba don ha ka jylli ka MDA. Ka jingkylli kaba shit rhem ka dei shaphang ka jingshah siat iap u Bah Cheristerfield Thangkhiew ha ka 13 Tarik u August  ba la don  bynta Da bun ngut ki nongmihkhmat Liang pyrshah Kum u Dr Mukul Sangma, Dr Ampareen lyngdoh, bah P.T Sawkmie, bah H. Shangpliang bad kiwei kiwei. Kumjuh u bah Adelbert Nongrim. Ka jubab na u Home minister ka long kaba suk bad Kam don Kano Kano ka jingdum ha katei ka Ing Dorbar ha kaba iadei bad ka jingshah siat iap u bah Cheristerfield Thangkhiew namar ka don hapdeng ka Jing wad bniah ia katei ka jingjia bad kaba eh ban pynshai tad ynda lah ioh ia ka kaiphod. Ka jingkylli ka long kaba Shai bha bad kumjuh ia ka jubab Shu long ba ka jingtohkit ne ka judicial enquiry ka dang iaid shkhamt ban toh

Lada ka Sorkar Meghalaya ka pynlut pynsep (investment) tikna ban kyntiew ia ki Kam jngohkai ha ka jylla te kamut ka Sorkar jylla Kam donkam shuh ban dang iai wad lad na Sha bar jylla kumjuh ban pan jingiarap na ka sorkar pdeng ne na kiwei pat ha ka Liang ka jingiarap pisa(financial). Na ka por Sha ka por kumba ngi tip bad iohi ka jingioh (Revenue) kaba heh duh na ka Khajna ba ka sorkar ka lah lum ka dei tang na ka dukan Kyiad kaba lah kot Da ki spah klur ha ka shibnai. Bad ban iakheiñ bha pat ka Jing iohlum Khajna pat ka dei bun tang na ki briew ka jylla lajong ym kiba na bar. Bad ka jingiohnong Kam Da long kaba biang haba ia kheiñ bha ia ka ioh bad ka kot ka jylla. Haba phai pat Sha ka Kam jngohkai pyrthei kiba ngi lah ban Ong ba ka dei kawei na ki lad ki lynti ban iarap ia ka Income revenue bad taxation ia ka Sorkar bad kaba sngew tynnad ka long ba bun na ki nongwan jngoh kai pyrthei ki dei kiba na bar jylla kumjuh na bar ri kaba la pynkiew arsut ia ka ioh ka kot ha ka jylla ba ym ta

Ka Sor Shillong kaba ju khot Da kiba bun Kum ka Scotland of the East khamtam kito hi kiba sah ha Shillong ki pynkhyllew hi Da Kum kata ka kyrteng hynrei Da lah rung tikna Sha poh Kam dei satia kumba lah khot. Ha Shillong ngin Shem ki jaboh kiba saphriang ha man la ki jaka wat lah dei ha jaka theh ñuit Ruh ki Bor peit Kim peit tikna haduh ba Sha surok bah Ruh ki jaboh ki tuid. Ngin nai iakren ia Shi lynter ki Wah umsherpi bad Wah umkhrah na polo ba Bret blet ki dkhar. Kumjuh ka jingpluh ding ha sor ka Jia man ka por bad ka long kaba jynjar bha Ruh namar ki tnad Kim ju lah ban teh lakam tad ynda lah um lut ki jingdon jingem namar ki Jing bym lait ki Kali ha ki surok rit bad ka jinglyngkot ki pipe bad kumjuh ka jingduna um. Ka Water hydrant system kaba dei kawei na ki system kaba ha man la ki jaka sor ka don Beit khnang ba Kan lait na ka pluhding bad kumjuh ban pynkhuid jaboh. Ha shillong ngim pat Shem ia u Hydrant post ha ki surok ne ki footpath bad ka long ka jingeh ruh ia ka tnad Fire

Ki nongthoh khubor ha kine ki sngi teng teng ki lah Shu pynwandur jubor tang kumno ban pyn phalang ia ka mat ba kongsan kumjuh ka kyrteng Jong ka khubor tang ba Kan kham iaid ha ka Iew wat la Kam Da dei than ka khubor ba phylla lane kaba Da donkam. Teng teng ngi lap shibun bha ki khubor hamsaia bad khubor thok kiba ki nongthoh kotkhubor ki wanlam na shabar tang ban iaid ka rukom die. Bad Duna Ruh kiban wad jingtip ia kine namar ki dei ki jingjia kiba Jia na shabar Jong ka ri. Shuh shuh don Ruh ki khubor kiba lah Shu thok bad Shu pyniapmat tang ha ki Heading bad headline hynrei ynda pule ym lap jingiahap katkum ka mat bad teng teng lah Shu shim bad sot kyntien nangno nangno tang ban pyn lyngngoh ia ki Nongpule ba kin dup pule. Kumjuh ha ka imlang sahlang teng teng ki kotkhubor ki wanrah jingsyier ia ka imlang sahlang lyngba ki khubor thok kiba pynsaphriang na kylleng ka pyrthei kiba pyntieng pynsmiej ia ka jingim briew khamtam iangi ki ritpaid rit mynsiem. Ha kaba iadei bad ka Politic n

Kumba long haduh mynta ngi iohi don shibun ki mat kiba ka jaidbynriew ka donkam shisha ban ioh lane ban ioh jingiada kyrpang ia la ka rukom long tynrai hapoh ka bri u hynniewtrep lyngba ki lad ki lynti Sha ka Sorkar khnang ba ka jingangnud Da kiba bun Kan urlong kumba lah kwah naduh mynshwa. Ngim tip ngi dei ki jaidbynriew aiu kiba shlur ne kiba Khawpud namar ha man ba ngi peit ha ki jingialang paidbah ha ki jingialum paidbah ki heh nongialam Seng bapher bapher bapher ki ju pyndonkam Da ki kyntien Sur riewshlur na ka bynta Kano Kano ka mat kaba ka jaidbynriew ka donkam ne ban dawa. Pynban haba ianujor Da kaba thew pylla bad kiwei ki jaka lane bad ki kiwei pat ki jaidbynriew ngim pat long shisha kiba long riewshlur pynban ngi dei ki Khawpud. Ka jinglong mlien ban Shu kyrhuh ha ki jingialang dei tang ka buit ki nongialam na ka bynta ka dur khmat Jong ki ha ki Kam shimet Jong ki ym na ka Kam ka jaidbynriew. Shuh shuh ngi long ki Khawpud khamtam kiba ju mlien ban kyrhuh khlem Nongrim khlem

Ka Nongbah Jong ka jylla Meghalaya naduh ba la ioh ia ka jylla lajong kumjuh ha ka jylla Assam mynshwa mynba dang iasoh ka long ka jaka pdeng kaba suk ka leit ka wan ka Iew ka hat bad ka jingbiang ka siunbneng kaba lah long Noh Kum ka Nongbah sor Jong ka jylla. Haba peit pat katkum ka jinglong Kum ka Nongbah Kam pat iahap dur namar ka dei ka sor ka bym la saiñdur Shwa ban pynlong Kum ka Nongbah. Ki jaka bad ki jingtei ki Shu long katkum ka jaka ha ka jingiaid ka por bad teng teng ka long kaba eh bad kaba jynjar bha ha kine ki sngi na ka bynta ka iaid ka ieng ka iew ka hat khamtam ia ki lynti synkien. Ka Sor Shillong ka dei kawei ka ki Sor bym long well planned naduh ba lah pynkup Nongbah bad shibun bha ki jingduna khamtam ha ki surok ki Iew ia ki paidbah, ki ing paki ing sad ia ki nongkhaii bad ka jaka paidbah ban buh Kali bad shibun kiba Lada kat Shaba phai Shu khapngiah namar ba ym biang bha ka rukom pynbeit katkum ka jinglong ka sor. Ha sor Shillong phin lap ka jingdheng Kali bad ka